Gure elikatzeko modua faktore erabakigarria da gure osasunean. Gure elikaduraren arabera, gaixotasun jakin batzuk prebenitzen lagun dezakegu, edo gaixotasun horiek izateko arriskua areagotu.

Gure elikadura-ohiturak haurtzarotik eta nerabezarotik finkatzen dira. Garai horretan sor dezakegu ondoen ezagutza eta, hortik abiatuta, elikadura osasungarriari buruzko hautu arduratsua.

Horregatik, beharrezkoa da pedagogia-arloan lan egitea, elikadura osasuntsuak gure osasunean duen garrantziari buruzko ezagutza, kontzientziazioa eta motibazioa finkatzeko, epe luzera finkatu ahal izateko.

Fitxa didaktiko horiek hezkuntza-ingurunearen eskura jartzen ditugu (irakasleak, begiraleak, familiak, guraso-elkarteak…), modu erraz eta gidatuan erabiltzeko ikasgelan, jantokian eta/edo etxean. Asmoa da jarduera horiek erraz integratzea hainbat irakasgaitan, jantokian, jolastokian edo eskolaz kanpoko jardueretan garatzeko; edo etxera joan eta familian esperimentatzea, erosketak egitean edo afarietan.

Jarduera-fitxa bakoitzak honako hauek deskribatzen ditu: erabilera hobekien egokitzen zaion adina, ikastaroa eta ikasgaia, nola egin behar den, zer denbora edo maiztasun duen, non aplikatzea espero den (gela, jantokia, etxea), behar diren giza baliabideak eta baliabide materialak, horien eraginkortasuna baloratzeko adierazleak, eta erabilera errazteko informazio gehigarria (bibliografia, material lagungarria, aurretiazko esperientziak).

Fitxa bakoitzean eta beherago aurki dezakezun aurkibide-koadroan ageri da adin-tartea. Aurkibide-taula berean, fitxa bakoitzarekin sustatu nahi den elikagai-mota ikus dezakezu. Fruta, barazkiak, fruta eta barazkiak, arraina eta informazio orokorreko beste batzuk hobeto ezagutzeko fitxak daude.

• Klikatu hemen fitxen aurkibidean sartzeko (PDF, 2 MB)