2026/09/09

BALIOA SORTZEN DUEN KONTZILIAZIOA: 2026KO LAGUNTZEN AURKEZPEN JARDUNALDIA

Joan den irailaren 9an, Deustuko Unibertsitateak “Balioa sortzen duen kontziliazioa: 2026ko laguntzen aurkezpen jardunaldia” hartu zuen, Eusko Jaurlaritzako Ongizate, Gazteria eta Erronka Demografikoaren Sailak antolatuta. Topaketak enpresa-, akademia- eta administrazio-arloko berrogeita hamar bat ordezkari bildu zituen, esperientziak partekatzeko eta kontziliazio erantzunkidean aurrera egiten jarraitzeko.

Hasierako hitzaldia, “Balioa sortzen duen kontziliazioa: pertsonak, talentua eta lehiakortasuna”, Marc Grau Grau Universitat Internacional de Catalunyako irakasleak eskaini zuen. Bere hitzaldian, malgutasunean eta erakundeek gero eta handiagoa den kontziliazio-eskaera sozialari erantzuteko duten erantzukizunean jarri zuen arreta, eta kontziliazioak ongizatearekin, talentuarekin eta lehiakortasunarekin duen lotura nabarmendu zuen.

Ondoren, Rivera Smart Facility Services eta Gosa Velatia enpresek kontziliazio-neurriak ezartzean izandako esperientziak partekatu zituzten, konpromiso hori erakundeen errealitatera eramateko modu desberdinak erakutsiz.

Jardunaldian, halaber, benchmarkingaren eta erakundeen arteko ikaskuntzaren garrantzia azpimarratu zen, beste esperientzia batzuk ezagutzeko, praktikak alderatzeko eta irtenbide berriak identifikatzeko. Filosofia hori Kontzilia Komunitatean ere badago; izan ere, esperientzien eta jardunbide egokien trukea sustatzen du. Horren osagarri da Kontzilia Aitorpena, Eusko Jaurlaritzak EUSKALITekin lankidetzan bultzatutako ekimena, kontziliazioak erakundeen kudeaketan duen integrazio-maila aitortzeko.

Jardunaldia 2026ko laguntza-deialdiaren aurkezpenarekin amaitu zen, Haur, Nerabe eta Familia Zuzendaritzaren eskutik. Laguntzek diagnostikoak eta kontziliazio-planak egiteko edo eguneratzeko aholkularitza-zerbitzuen kostuaren %70 diruz laguntzen dute, eta 2026ko irailaren 30era arte eska daitezke.

PROGRAMA ETA MATERIALAK

09:30 - Irekiera instituzionala.

09:40 - Hasierako hitzaldia: “Balioa sortzen duen kontziliazioa: pertsonak, talentua eta lehiakortasuna”. Marc Grau Grau, Universitat Internacional de Catalunya.

10:20 - Kontziliazioa praktikan: enpresen esperientziak. Rivera Smart Facility Services  eta Gosa Velatia .

11:15 - Kafe-etenaldia.

11:45 - 2026ko laguntzen deialdiaren aurkezpena. Euskal Autonomia Erkidegoko erakunde edo pertsona autonomoentzako laguntza ekonomikoak, bizitza pertsonala, familia eta lana uztartzearen arloko egoeraren diagnostikoa eta ekintza-plana egiteko. 2026. Haur, Nerabe eta Familia Zuzendaritza.

12:45 - Galdera eta argibideen txanda.

13:00 - Jardunaldiaren amaiera.

2025/10/28

ENPRESEN JARDUNBIDE EGOKIAK LANAREN ETA FAMILIAREN KONTZILIAZIORAKO

“Enpresen jardunbide egokiak lanaren eta familiaren kontziliaziorako” jardunaldia 2025eko urriaren 28an ospatu zen, erakunde eta administrazioetako 80 ordezkarik baino gehiagok parte hartuta, Eusko Jaurlaritzak sustatutako ekimenen esparruan. Topaketak kontziliazioaren eta erantzukidetasunaren arloan aurrerapenak, erronkak eta perspektibak bateratzea ahalbidetu zuen.

Bilkura horretan, Deustuko Unibertsitateak euskal enpresa-sarearen egungo egoerari buruz eta langileek kontziliazio-neurriei buruz duten pertzepzioari buruz egindako azterlan baten emaitzak aurkeztu ziren. Analisiarekin batera, bildutako datuak kontsultatzea errazten duen tresna interaktibo bat ezagutarazi zen. Gainera, Alkezar Abokatuak elkartearen eskutik, kontziliazio-neurriak eskatzerakoan langileek aurkitzen dituzten araudien berritasunak eta oztopo nagusiak jorratu ziren.

Ondoren, hausnarketarako eta elkarrizketarako gune bat izan zen mahai-inguru formatuan. Bertan, Kontzilia Komunitateko hainbat enpresak beren esperientziak partekatu zituzten kontziliazio-neurriak ezarriz –hala nola ordutegi malguak, lanaldi trinkoak, telelana, baimen hobetuak edo lanaldiaren murrizketa–, bideragarritasun praktikoa eta onurak erakutsiz ongizatearen, talentuaren fidelizazioaren eta langileen konpromisoaren ikuspegitik. Truke horri esker, hainbat antolamendu-errealitateri aplika dakizkiekeen hainbat eredu eta estrategia ikusarazi ahal izan ziren.

Jardunaldia amaitzeko, kontziliazioaren kudeaketari lotutako aintzatespen-sistema berria aurkeztu zen, eta pilotajean parte hartu duten Kontzilia erakundeak aintzatetsi ziren, arlo horretako lehen euskal kalitate-zigilua lortuz. Itxiera horrek balioa eman zion egindako lanari, eta lan-ingurune erantzukide eta inklusiboagoetarantz aurrera egiten jarraitzeko bultzada indartu zuen.

PROGRAMA

09:30-09:45 - Gorka Oraá, Haur, Nerabe eta Familien zuzendaria: Jardunaldiaren eta Zuzendaritzaren jardueren eta egungo erronken aurkezpena.

09:45-10:15 - Deustuko Unibertsitateak garatutako azterlanaren ondorioen aurkezpena: euskal enpresen egoera eta langileek kontziliazio-neurriei buruz duten pertzepzioa.

10:15-10:45 - Irati Aizpuruaren (Alkezar abokatuak) araudiaren eta interesa duten tresna eta konponbideen aurkezpena.

10:45-11:00 - Publikoaren galderak.

11:00- 11:30 - Atseden-kafea.

11:30- 11:45 - Fernando Sierra, EUSKALITeko zuzendaria: 2026ko kontziliazioaren kudeaketa aitortzeko sistemaren aurkezpena, Kudeaketa Aurreratuarekin duen lotura eta 2025eko Pilotajearen ondorioak.

11:45-13:15 - Kontziliazioa kudeatzeko jardunbide egokiak. Hainbat jarduera-sektoretako enpresekin izandako esperientzien aurkezpena eta mahai-ingurua. Publikoaren galderak.

13:15-13:30 - Eusko Jaurlaritzako Ongizate, Gazteria eta Erronka Demografikoko sailburuak 2025eko Pilotajeko erakundeei diplomak ematea eta jardunaldiari amaiera ematea.