2026ko uztaila

ENPRESEK ETA ERAKUNDEEK KONTZILIAZIOKO DIAGNOSTIKOA ETA EKINTZA-PLANA EGITEKO LAGUNTZA-LERROA

Eusko Jaurlaritzako Ongizate, Gazteria eta Erronka Demografikoaren Sailak 2026ko laguntzen deialdia argitaratu du, Euskadiko lantokiak dituzten enpresek, erakundeek eta pertsona autonomoek kanpoko aholkularitza espezializatu baten laguntzaz bizitza pertsonala, familia eta lana uztartzeko diagnostikoa eta kontziliazioaren arloko ekintza-plana egin ditzaten.

Aurtengo deialdiaren berrikuntza nagusia da, lehen aldiz, lehen diagnostikoa eta kontziliazio-plana egiteaz gain, indarraldia amaituta duten kontziliazio-planak eguneratzeko proiektuak ere diruz lagunduko direla.

XEDEA

Honako jarduera hauek egiteko aholkularitza-zerbitzuak kontratatzea diruz laguntzea:

• Erakundearen kontziliazio-egoeraren diagnostikoa egitea.
• Erakundearen beharretara egokitutako kontziliazio-ekintza plana diseinatzea.
• Indarraldia amaitu duten kontziliazio-planak eguneratzea.

Laguntzak diagnostikoa eta plana egitea baino ez du finantzatzen; ez ditu planeko neurriak ezartzeko gastuak estaltzen.

AURREKONTUA

Deialdiak 420.000 euroko zuzkidura du, honela banatuta:

• 315.000 euro, lehen kontziliazio-planak egiteko.
• 105.000 euro, lehendik dauden planak eguneratzeko.

LAGUNTZAREN ZENBATEKOA

Dirulaguntzak aholkularitzaren kostuaren % 70 estaltzen du (BEZa kanpo), eta gehienez 10.500 euro jaso ahal izango dira erakunde bakoitzeko.

Diruz lagundu daitekeen gehieneko kostua plantillaren tamainaren araberakoa izango da:

Ordainketa bi zatitan egingo da:

• % 50, dirulaguntza ematen denean.
• Gainerako % 50, proiektua amaitu eta behar bezala justifikatu ondoren.

DEIALDIAREN EZAUGARRIAK

• Euskadin lantokiak dituzten enpresei, erakundeei eta pertsona autonomoei zuzenduta dago.
• Kanpoko aholkularitza espezializatu baten kontratazioa diruz laguntzen da.
• Bai lehen kontziliazio-planak, bai indarraldia amaitu duten planen eguneratzeak finantzatzen dira.
• Laguntzak norgehiagoka bidez emango dira; beraz, aurkezten den proposamen teknikoaren kalitatea funtsezkoa izango da.
• Izapidetze osoa bitarteko elektronikoen bidez egingo da.

EPEAK

• Eskabideak aurkezteko epea: 2026ko irailaren 30era arte.
• Proiektua gauzatzeko epea: 2027ko maiatzaren 31ra arte.
• Justifikazioa aurkezteko epea: 2027ko ekainaren 30era arte.

ESKABIDEAK ETA INFORMAZIO GEHIAGO

Eskabideak Eusko Jaurlaritzaren egoitza elektronikoaren bidez aurkeztu beharko dira. Bertan eskuragarri daude deialdiaren oinarriak, eskabide-ereduak eta proposamen teknikoa aurkezteko beharrezko dokumentazioa.

Eskaera telematikoa eta informazio gehiago

2025eko uztaila

AHOLKULARITZA ENPRESA BAT KONTRATATZEKO ERAKUNDEENTZAKO LAGUNTZA-LERROA, DIAGNOSTIKOA ETA KONTZILIAZIO-PLANA EGITEKO

Uztailaren 7an argitaratu zen EHAAn Ongizate, Gazteria eta Erronka Demografikoko sailburuaren Agindua, zeinaren bidez onesten baitira Euskal Autonomia Erkidegoan establezimenduren bat duten entitate edo pertsona autonomoei bizitza pertsonalaren, familia-bizitzaren eta lanaren kontziliazioaren arloko egoeraren diagnostikoa eta ekintza-plana egiteko laguntza ekonomikoak emateko oinarriak, eta 2025erako deialdia egiten baita.

XEDEA:

Erakundeei (enpresak, elkarteak, fundazioak...) eta autonomoei zuzendutako laguntza ekonomikoa, baldin eta EAEn lantokiren bat badute eta kontziliazio-plan bat eta diagnostikoa egin nahi badute. 

AURREKONTUA:

420.000 €

ZENBATEKOA:

Dirulaguntzaren zenbatekoa diagnostikoa eta kontziliazio-plana egiteko aholkularitza-zerbitzuen kostuaren (BEZik gabe) % 70 izango da. Erakunde eskatzailea BEZa aitortzetik salbuetsita badago eta jasanarazi ezin badu, diruz lagundu beharreko zenbatekoa kostuaren gainean kalkulatuko da, BEZa barne. Gainera, gehieneko mugak ezartzen dira diruz lagun daitezkeen proiektuen zenbatekoari dagokionez, plantillako langile kopuruaren arabera.

Bi unetan ordaintzea: lehen ordainketa (aurreratua), laguntzaren % 50ekoa, ebazpenaren unean, eta % 50ekoa, lanak behar bezala justifikatu direla egiaztatu ondoren.

DEIALDI HONEN EZAUGARRIAK:

Deialdi honek zenbait berrikuntza ditu aurrekoarekin alderatuta:

• Aholkularitza-enpresa baten zerbitzuak kontratatzeko dirulaguntzak ematen dira.
• Ez da dirulaguntzarik emango lehenengoa ez den kontziliazio-diagnostiko eta -planik egiteko, ez eta planean ezar daitezkeen neurriak inplementatzeko ere.
• EAEn egoitza edo establezimenduak dituzten edozein tamainatako erakundeei irekita dago.
• Diruz lagundu daitezkeen gehieneko mugak ezartzen ditu, erakundeko plantilla osatzen duten pertsonen kopurua dagokionez.
• Fakturek eta ordainketek 2026ko ekainaren 30a baino lehenagokoa izan behar dute.
• Ebazpen-proposamenaren jakinarazpena jaso ondoren, laguntza ONARTU behar da 10 eguneko epean. Laguntza ez onartzea uko-egitetzat hartuko da.
• Izapidetzeko modua: elektronikoa.

ESKAERA EGITEKO EPEA:

2025eko irailaren 30era arte.

PROIEKTUAREN AMAIERA-DATA:

2026eko maiatzaren 31 arte.

JUSTIFIKAZIOA:

2026ko ekainaren 30era arte.

ESKAERA TELEMATIKOA ETA INFORMAZIO GEHIAGO

SEME-ALABAK, MENDEKO SENIDEAK EDO OSASUN-EGOERA OSO LARRIAN DAUDEN SENITARTEKOAK ZAINTZEKO ESZEDENTZIA HARTU EDO LANALDIA MURRIZTU DUEN LANGILE BAT ORDEZKATZEN DUTEN ENPRESENTZAKO LAGUNTZA-LERROA

Diru-laguntza lerro hori Familia eta lana bateragarri egiteko laguntzei buruzko urriaren 22ko 164/2019 Dekretuan jasota dago. Dekretu horrek bizitza pertsonala, familia eta lana bateragarri egiteko zenbait laguntza-ildo arautzen ditu.

Eszedentzian edo lanaldi-murrizketan dagoen langilea ordezkatzen duen kontratatutako langilea Gizarte Segurantzan kotizatzean datza laguntza.

Kudeatzailea: Lanbide-Euskal Enplegu Zerbitzua.

Laguntza hau eskuratzeko baldintzak esteka honetan sartu:

https://www.lanbide.euskadi.eus/diru-laguntza/-/diru_laguntza/2020/lanbide_bateragarri/