Osasuna Saila

Adikzioak

Osasun Saila

Kerik gabeko gazteak

Kerik gabeko gazteakPrebenitzeko programa zaharra, Kerik Gabeko Gelak/Clases sin humo, orain dela hamar urte baino lehenagotik abiatu zen, eta berritu eta eguneratu da. 2017-2018 ikasturteaz geroztik, Kerik Gabeko Gazteak (KGG) deitzen da. Eguneratze horren bidez, edukiak eta garapena aldatu dira; helburuak, berriz, ez. Gainera, berritze horren bidez, KGG programak eduki berriak har ditzake, xede-biztanleria handitu edo egokitzat jotzen diren aldaketak eduki.

Izan ere, “Tabako-kerik gabeko Euskadi” programaren barruan sartzen da ekimen hau, herritar-talde desberdinei tabakoaren kontsumoak osasunari eragiten dizkion arriskuen berri eman eta arriskuekiko jakitun bihurtzeko.

KGG  LHko 6.,  DBHko 1. eta 2. mailako ikasleei zuzentzen zaie  eta, irakasleen laguntzarekin, geletan garatu beharreko programa proposatzen da. Hala ere, ez du sartzen programa garatu bitartean ez erretzeko konpromisoa bezalako alderdirik, ezta derrigorrezko saio-kopurua edukitzea ere, ahalik eta malguena izan ahal izateko.

Erretzea prebenitzeko, funtsezkoa da familiaren inplikazioa. Hori dela eta, ekimen honi buruzko informazioa azaltzea ezinbestekoa da. Hurrengo estekan, familiaren inguruko informazio dokumentua dago eskuragarri.

Marterial hauek garatu dira:

  • LHko 6. maila:
    • Gelan eztabaidatzeko, galdera-sorta bat eta erantzunak; horrela, ez erretzearen abantailak jakingo dituzte
    • Tabakoaren eta bere osagaien gaineko unitate didaktikoa
    • Tabakoa eta bere osagai baten unitate didaktikoa
    • Tabako-makina esperimentua
    • Talde prezioari buruzko unitate didaktikoa
    • Tabako eta kutsaduraren gaineko unitate didaktikoa (berria)
  • DBH, 1. maila:
    • Gelan eztabaidatzeko, galdera-sorta bat eta erantzunak; horrela, ez erretzearen abantailak jakingo dituzte.
    • Gazteak tabakoa kontsumitzen ez hasteko estrategiak.
  • DBHko 2. maila:
    • Alderdi hauek hartzen dituzten lan-fitxak: tabakoaren osaera, genero ikuspegia, taldearen presioa, gehiago kutsatzen duena, tabako-industriaren estrategiak eta tabakoaren kontsumo berria (berria). Gai horretan sakontzeko Unitate Didaktiko gehiago erantsiko dira.

Esku-hartzeko proposamena da bi saio desberdin egitea gela bakoitzeko. Dena dela, ikastetxeek autonomia dute gomendio horiei buruz erabakitzeko edo beste modu batean lantzeko.

KGG (Kerik Gabeko Gazteak) kanpainarekin amaitzeko, programaren oinarrietan aipatzen den gaiarekin zerikusia duen argazki bat edo argazki-konposizio bat sortu beharko da, gazteei zuzendua. Gerta liteke etorkizunean formatua aldatzea, lortutako esperientziak eta jasotako iradokizunek hala eskatzen badute.

Nork har dezake parte?
  • Euskadiko ikastetxeetako LHko 6. eta DBHko 1. eta 2. mailako ikasgela guztiek.
Helburuak
  • 1. Kerik gabeko eskola-eremua bermatzea.
  • 2. Nerabeen artean jokaera osasungarriak sortzea.
  • 3. Irakasleei materialak ematea beren egitekoetan tabakismoaren prebentzioa lantzeko.
  • 4. Hezkuntza-komunitatea sentsibilizatzea tabakorik ez erretzeak eta tabakoari uzteak dituen abantailez.
  • 5. Hezkuntza komunitateari Osakidetzak eskaintzen dituen tabakismoa tratatzeko zerbitzuetarako sarbidea erraztea.
  • 6. Tabakoa kontsumitzen hasten diren adina atzeratzea edo kontsumoa prebenitzea Euskal Autonomia Erkidegoko ikasleen artean.
  • 7. Erretzaileen prebalentzia gutxitzea Euskal Autonomia Erkidegoko ikastetxeetan eskolatuta dauden ikasleen artean.
  • 8. Tabakorik gabeko bizitzaren sorkuntza-jarduerak sustatzea.
Materialak eta hezkuntza-baliabideak

LH6

DBH

Bideoak

Nola parte hartu?
  1. Eman izena programan 2020ko abenduaren 22a arte (barne).
  2. Egin tabakoari buruzko hezkuntza-jarduerak.
  3. Aurkeztu 5 argazki edo argazki-konposizio gehienez gelako, 2021eko apirilaren 23a baino lehen (egun hori barne).
  4. Programa bete denaren justifikazioa.
  5. Lehiaketarako oinarriak  (PDF, 345 KB) (leiho berri batean irekitzen da)
  6. Adibideak
Izena eman

Aurkezteko epea amaituta

Irudiaren aurkezpena
  • Gela bakoitzak gehienez 5 argazki edo argazki-konposizio aurkeztu beharko du.
  • Ondoren aipatzen den helbide elektronikora bidali beharko ditu, 2021eko apirilaren 23ra arte. Argazki-artxibo bakoitzean, bai maila bai gela adierazi behar dira, eta mezuaren gaian, zentroaren izena eta zentroa dagoen lurralde historikoa aipatu behar dira.
Ebaluazioa

KGG aldaketak jaso ditzakeen programa da; horregatik, zure iritzia ezagutzea gustatuko litzaiguke, programa hobetzeko. Jarraian agertzen den galdesorta labur hau betetzea eta bidaltzea eskertuko genizuke.

Lehiaketaren ebazpena
  • Aurkeztutako lanaren arabera, heziketa-ziklo bakoitzeko eta lurralde historiko bakoitzeko sari bana emango da.
  • Ahal bada, sariak maiatzaren 31an banatuko dira, Kerik Gabeko Astea ospatzen dela eta.
  • Lurralde bakoitzean irabazle den gelak sari hau jasoko du:
    • Jolas-jarduera kolektibo bat
    • Parte hartzen duen ikasle orok programaren logoa daukan oparitxo bat jasoko du.
  • Orrialde honetan azalduko da parte-hartze eta lehiaketaren ebazpenari buruzko informazio osoa.
Irabazle eta finalista gela

2019-2020 ikasturtean: COVID-19 dela eta, bertan behera geratu da

2018-2019 ikasturtean:

2017-2018 ikasturtean:

2016-2017 ikasturtean:

2015-2016 ikasturtean:

2014-2015 ikasturtean:

Esteka interesgarriak

Azken aldaketako data: