Drogamendekotasunaren arloan, Eusko Jaurlaritzako Osasun Publikoaren eta Adikzioen Zuzendaritzak baditu hiru ardura hemen aipatu beharrekoak: jarduera batzuk bultzatzea, haien bidez prebentzioa, laguntza, gizarteratzea, ikerketa eta prestakuntza garatzeko eta sustatzeko; gai honi buruzko euskal politika osoa definitzea; eta arlo honetan egin beharrekoa sail eta erakunde guztien artean bultzatzea, tartean diren beste sektore guztien lankidetzarekin.

• Euskadiko Adikzioen VIII. Plana deskargatu (PDF, 2 MB)

Adikzioen VIII. Plana Euskadin adikzioen arloan garatzen diren estrategiak eta esku-hartzeak planifikatu, antolatu eta koordinatzeko tresna da, eta euskal biztanleriaren ongizate-maila handitzera bideratutako politika batzuk biltzen ditu, horiei helduz. Duela lau hamarkada hasitako plangintza-lana eguneratu nahi da, eta hura egiteko, ikerketa zientifikoaren aurrerapenak hartu dira oinarri, adikzioen azpian dauden faktore-sorta zabala ulertzen laguntzeko. Azterlanari esker eta beren esperientziak partekatu dituzten gizarte-eragileen parte-hartze zabal eta askotarikoari esker, arlo horretako plan integral hau garatzeko jarduerarik egokienak identifikatu ahal izan dira.