Euskadi 2015 Agenda Digitala egiteko gauzatu den partaidetzazko gogoeta-prozesuaren ondorioz, 150 ideia baino gehiago bildu ziren parte hartu zutenen guztiengandik, denak ere interesgarriak, eta Informazioaren Gizartearen esparruko 400 arrakasta-esperientzia baino gehiago aztertu ziren; esperientzia berritzaileak eta beste inguru geografiko batzuetan gauzatuak, hain zuzen.
Hala, ideien artean jorran ibili ondoren, gauzatzekoak diren 100 ekimen edo egitasmo baino gehiago jaso ditu AD15ek bere planteamendu handinahian, era bateko eta besteko programen arabera egituratuak; 17 jardun-lerrok osatzen dute ekimen edo egitasmo horien esparrua, eta Agentzia Digitalaren egitura eratzen duten lau estrategia-ardatzetarako ezarritako helburuak bideratzea dute xede.