Tokiko Agenda Digitalak

Tokiko administrazioek gizartearen garapenean duten garrantzia ezin da ukatu. Erakunde horien bereizgarri diren kapilaritateak eta herritarrekiko eta enpresekiko hurbiltasunak rol oso garrantzitsua ematen die informazioaren eta ezagutzaren gizarterantz aurrera egiteko bidean.

Udalen eta lurraldeen arteko lankidetza indartzea, hartara pertsonen eta tokiko garapenaren zerbitzura egongo den Informazioaren Gizartea eraikitzeko, lagungarria da halaber lurralde-oreka eta -kohesiorako.

Eusko Jaurlaritzan denbora asko daramagu Euskadi gizarte-, hezkuntza-, ekonomia- eta kultura-arloetan garatzeko ekimenak abiarazten Informazioaren Gizartea garatzeko tokian tokiko estrategiak sustatuz (Tokiko Agenda Digitalak, TAD, deitzen zaie); horri esker gara orain, inolako zalantzarik gabe, lider nazioartean.