Egitura
Izenburua
Aktaren izenburua oso baliagarria izaten da irakurleak bilera zeri buruzkoa den erraz identifikatzeko.
Bilerari buruzko zehaztasunak
Bost datu dira zehaztu beharrekoak:
- biltzen den organo edo dena delakoaren aipamena
- bilera-mota (ohikoa, berezia, bilera-zenbakia...)
- bilera-eguna
- hasiera eta bukaera ordua
- tokia
Bertaratutakoak
Atal honetan bileran parte hartu dutenen izen-abizenak eta karguak zehaztu behar dira: zerrendako lehena, burua; azkena, berriz, idazkaria.
Inoiz, bertaratu ez direnen datuek ere jasotzen dira.
Gai-zerrenda
Bileran aztertuko diren gaiak hurrenkera logikoan eta zenbaki bidez bildu behar dira. Zenbaki horiek lagungarri gertatuko zaizkigu bileran eztabaidatutako gaiei banan-banan sarrera emateko eta bileran hartutako erabakiak gai horien hurrenkera berean jaso ahal izateko.
Esan-eginak eta erabakiak
Aktaren zatirik inportanteena esan-eginak eta erabakiak jasotzen dituena da. Hauek aztergaien hurrenkerari jarraituz jaso behar dira. Horretarako, gai bakoitzari zenbakien bidezko sarrera egiten zaio.
Bukaerako esaldia
Esamolde jakinen bidez bukatzen da akta.
Toki-egunak
Akta sinatu den toki-egunak adierazi behar dira.
Idazlearen sinadura eta datuak
Dataren ostean, akta sinatu eta sinatzailearen datuak eman behar dira.
Oharrak
Orriaren behealdean jartzen dira, Oh. laburduraren ondoren.
euskarazko eskema ikusi