Enplegua euskal merkataritzan
Enplegua euskal merkataritzan
Atal honetan Turismo, Merkataritza eta Kontsumo Saileko Estatistika Organoak egindako Euskal AEko Gizarte Segurantzako afiliazioen hiruhilekoko bilakaerari buruzko txostenak jasotzen dira.
2023ko laugarren hiruhilekoko datuak
Urte arteko bilakaera
2023ko laugarren hiruhilekoan, Merkataritza eta Ibilgailuen Konponketaren Sektoreko jardueretan 135.255 afiliatu zeuden Gizarte Segurantzan (Euskal AEko afiliatu guztien % 13,5). Afiliazio kopuruak % 0,3ko igoera izan du 2022ko hiruhileko berarekin alderatuta.
Merkataritzaren sektoreak euskal ekonomia osoak baino portaera okerragoa izan du; izan ere, aldi horretan afiliazioek % 1,9ko igoera izan dute euskal ekonomia orokorrean.
Merkataritzaren sektorean soldatakoak gehitu egin dira (%+2,0) eta autonomoak gutxitu (%-3,8).
Jarduera-adarraren araberako analisia
Sektoreko jardueretako afiliazioak, balio absolututan, 411 afiliatu gehiago izan ditu (%+0,3) 2022ko 4. hiruhilekoan baino. Ibilgailuen salmenta eta konponketan 303 afiliazio gehiago izan dira (%+2,4), handizkako merkataritzan 306 afiliazio gehiago (%+0,4) eta, azkenik, txikizkako merkataritzan 198 afiliatu gutxiago (%-0,2).
Sar zaitez eduki osora eta aurreko hiruhilekoetako txostenetara.
