2025eko bigarren hiruhilekoko datuak

Urte arteko bilakaera

2025eko bigarren hiruhilekoan, Merkataritzaren eta Ibilgailuen Konponketaren sektoreko jardueretan 134.548 afiliatu zeuden guztira Gizarte Segurantzan (Euskal AEko lan-altan zeuden afiliatu guztien %13,2). Afiliazioen kopurua zertxobait jaitsi da, -%0,6 (2025eko 2. hiruhilekoa, 2024ko 2. hiruhilekoarekin alderatuta).

Merkataritzaren sektoreak EAEko ekonomiak baino portaera okerragoa izan du, aldi horretan afiliazioek % 0,9ko igoera izan baitute.

Merkataritzaren sektorean soldatapekoak gutxitu dira (-%0,02) eta autonomoak jaitsi (-%2,1).

Jarduera-adarraren araberako analisia

Sektoreko jardueretako afiliazioak, balio absolututan, 2024ko bigarren hiruhilekoan baino 795 afiliatu gutxiago izan ditu (-%0,6). Ibilgailuen salmenta eta konponketan 59 afiliazio gehiago izan dira (+%0,4), Handizkako merkataritzan 306 afiliazio gutxiago (-%0,8) eta Txikizkako merkataritzan 548 afiliatu gutxiago (-%0,7).

Afiliazioak sexuaren arabera aztertzea

Sexuaren araberako banaketari dagokionez, alde handiak daude azpisektoreen artean. Txikizkako merkataritzaren sektorea oso feminizatuta dago: 10 afiliatutik 7 emakumeak dira. Aldiz, Ibilgailuen salmenta eta konponketan eta Handizkako merkataritzan gizonak dira nagusi, emakume bakoitzeko 5 eta 2 gizon baitituzte, hurrenez hurren.

Txikizkako merkataritzarako konparazioa afiliazio motaren eta generoaren arabera egitean, soldatapeko emakumeen ehunekoa %70,3 dela ikusten da, eta emakume autonomoen ehunekoa %63,4ra jaisten da.