Osasun Saila

EB-ko COVID Ziurtagiri Digitala

EB-ko COVID Ziurtagiri Digitala

Zer da EB-ko COVID Ziurtagiri Digitala?

  • EB-ko COVID Ziurtagiri Digitala herritarrak, COVID-19aren pandemiak iraun bitartean, Europar Batasunaren barruan askatasunez eta segurtasunez ibiltzeko bide ematen duen dokumentua da, QR irakurketa-kodeduna.
  • Dokumentu hori ezarri zen kanpoko pertsona bati Europar Batasunaren barruan ibilbide bat egiteko bidaia errazteko. Ziurtagiri hori duen pertsonari kontrolak arinduko zaizkio, halakorik ez duenak herrialde bakoitzeko agintariek ezartzen dituzten beste kontrol mota batzuk egingo dituen bitartean, eta dagokion informazioa aurkeztu beharko du.
  • Gainera, abenduaren 4tik aurrera, Euskadin COVID Digital Ziurtagiria eskatzeko gaikuntza ere izan da, gaueko aisialdiarekin eta jatetxearekin lotutako establezimenduetan nahitaezko pase gisa.

Non eta nola exijituko da EAEn?

  • Covid ziurtagiri aigitala hiru kasutan exijitu ahalko da:
    • Batetik, publikoari aisia- eta dantza-jarduerak eskaintzeko establezimenduetan, besteak beste diskoteka, dantza-areto, ikuskizunak ematen dituzten jai-areto, musika-taberna, karaoke eta otsailaren 5eko 17/2019 Dekretuaren (leiho berri batean irekitzen da) arabera III. eta IV. taldeetan sartzen diren guztietan.
    • Beste batetik, III. taldean sartzen diren pub eta taberna berezietan, 22:00etatik aurrera.
    • Eta, azkenik, 50 mahaikidetik gorako jantokiko plazen edukiera baimendua duten jatetxeetan.
  • COVID ziurtagiria eskatu behar den establezimenduetarako informazio-kartel (PDF, 1 MB) (lehio berri batetan irekiko da) bat ematen da.

Nola eskuratu?

EB-ko COVID Ziurtagiri Digitala bi modutara eskuratu ahalko da: digitalki edo aurrez aurre.

  • Txerkateta-ziurtagiria:

    Txertoaren dosi 1 edo 2 jarrita dutenei (iraungipen zehatzik gabe).

    Oharra: atzerrian dosi bakarrarekin edo birekin txertatzen badira, lehenago erregistratu beharko dira osasun-zentroan, txertaketa horren froga dokumentala eginez.

    • TXERTAKETA-egiaztagiria nahi duzu?A) Aukera telematikoa, SINADURA ELEKTRONIKOAREN tresnekin(Adibideak: NAN elektronikoa, Izenpe, BAKQ…)
  • Errekuperazio-ziurtagiria:

    Gaixotasuna PCR positiboa izan eta hurrengo 11 eta 180 egun bitartean igaro dutenei.

    • ERREKUPERAZIO-egiaztagiria nahi duzu?A) Aukera telematikoa, SINADURA ELEKTRONIKOAREN tresnekin(Adibideak: NAN elektronikoa, Izenpe, BAKQ…)
  • Proba negatiboaren ziurtagiria:

    Antigenoen proban 48 ordu lehenago eta PCR proban 72 ordu lehenago proba diagnostiko negatiboa izan duten pertsonei.

    PROBA NEGATIBOAREN ziurtagiria nahi duzu?

    • A) Aukera telematikoa, SINADURA ELEKTRONIKOAREN tresnekin(Adibideak: NAN elektronikoa, Izenpe, BAKQ…)

Ziurtagiri hori nahitaezkoa da EBren barruan bidaiatzeko?

  • Ez da nahitaezkoa. Erraztu egiten du EB barruko mugikortasuna, izapide gutxiago egin behar direlako eta sarbideko edo mugikortasuneko aldi baterako murrizketak ezabatzen dituelako.

Zenbateko iraupena dute ziurtagiri horiek? 

  • Txerkateta-ziurtagiria: urtebete, azken dosiaren egunetik aurrera.
  • Errekuperazio-ziurtagiria: 6 hileko baliozkotasuna.
  • Proba diagnostiko negatiboaren ziurtagiria:
    • Antigenoen testarekin (TAR): 48 ordu
    • PCRarekin: 72 ordu

Europako erregelamenduen onarpenen arabera, epe horietan aldaketaren bat egon daiteke. Nolanahi ere, ziurtagiri bakoitzean adierazita dago baliozkotasun-aldia.

Zer formatutan eskura ditzaket?

  • Dokumentu digitalean PDF formatuan, QR kodearekin; funtsezko informazioa jasotzen du, bai eta ziurtagiria benetakoa dela egiaztatzeko sinadura digitala ere. Paperean inprimatu ahalko duzu, beharrezkoa bada.

Ordaindu egin behar da hura eskuratzeko?

  • Ez, doako dokumentua da, eta formatu digitalean edo paperean ematen da (gaituta dagoenean); segurua eta fidagarria izango da, eta EB osoan izango du baliozkotasuna.

QR kodea irakur daiteke irakurtzeko edozein aplikazioren bidez?

  • Ez. Kontuan izan behar da QRak jasotzen duen informazioa ezin duela irakurtzeko aplikazio batek ere irakurri.

Zer datu pertsonal ematen ditu ziurtagiriak?

  • Ziurtagiriko datu pertsonalak (izena / abizenak / jaiotza-data) osasun-txartelak dakartzanak dira.

QR kodea irakur daiteke irakurtzeko edozein aplikazioren bidez?

  • Ez. Kontuan izan behar da QRak jasotzen duen informazioa ezin duela irakurtzeko aplikazio batek ere irakurri.

Noiztik aurrera eman daiteke txertaketa-ziurtagiria?

  • Txertaketa-ziurtagiria txertoa eman eta hurrengo egunetik aurrera eman ahalko da.

Zer datu pertsonal ematen ditu ziurtagiriak?

  • Ziurtagiriko datu pertsonalak (izena / abizenak / jaiotza-data) osasun-txartelak dakartzanak dira.

 

 

 

Atal honetan, gorabehera ohikoenak eta horiek modu autonomoan konpondu ahal izateko bideak adieraziko dizkizugu.

Txertoa jarri berri dut, eta txertoaren ziurtagiria ateratzera joan naizenean, ez zegoen jasota. Zer egin dezaket?

  • Jakin behar duzu ziurtagiria txertoa hartu eta 24 ordura baino ez dagoela eskuragarri. Oraindik denbora hori igaro ez bada, itxaron hurrengo egunera arte eta errepikatu prozesua.

Ez al duzu captcha kodearekin asmatzen? (Amaieran lauki batean gehitzeko eskatzen zaizkizun karaktere horiek)

  • Batzuetan ez dira erraz ikusten. Saiatu "kargatu" botoia sakatzen, argi ikusi arte, eta saiatu berriro.

Ezin dut agiria deskargatu. Zergatik?

Hainbat arrazoi egon daitezke:

  • "404 errorea" mezua: baliteke zerbitzuan eguneratzeak gertatzen ari direlako izatea. Saiatu berriro, geroago.
  • Egin froga interneteko BESTE NABIGATZAILE batekin,
  • "Ez DAGO ERREGISTRORIK" mezua: sistemak ez zaitu behar bezala identifikatzen. Kasu horretan, honako urrats hauek eman lagundu ahal izateko. 
    • Modu PRESENTZIALEAN: Zuzenean zerbitzuaren bulegoetan joan eta aurkeztu hurrengo dokumentazioa: NANaren, AIZaren edo atzerritarren nortasun-txartelaren kopia, edo, bestela, pasaportea.
    • ONLINE bidez: bidali mezu elektroniko bat beheko helbideetara (1) intzidentearen deskribapena adieraziz, (2) arazoak zer ziurtagiri-motarekin duzun zehaztuz (txertaketa, berreskuratzea froga negatiboaren ziurtagiaria) eta (3) NANaren kopia aurkeztuz.

Informazio hori ematen bada soilik aztertu ahal izango da intzidentzia.

Ziurtagiria sinadura elektronikoko tresnarik gabe ateratzen saiatu naiz (OTIrekin edo OTIrik gabe), eta ezin izan dut. Zergatik?

  • Sistemak lehenengo abizena sartzeko eskatzen dizu. Horrek bat etorri behar du osasun-txartelean agertzen denarekin, eta azenturik gabe idatzi.
  • Jaiotze-data formatu honetan sartu behar da: uuuu/hh/ee
  • Arazoa captcha kodearekin bada (bistaratzen diren karaktereak eta adierazteko eskatzen dizutenak), saiatu "kargatu" botoia sakatzen.
  • Ziurtagiria eskatzean "ez dago erregistrorik" mezua agertzen bada: “sortu ziurtagiria” botoia sakatu.
  • "Ezin da ziurtagiririk lortu, ez baitago telefono-daturik" mezua agertzen bada: osasun-zentrora joan, pazientearen fitxan sar dezaten.
  • "Beste leiho bat irekiko da ziurtagiriarekin. Itxaron mesedez" mezua agertzen bada eta ez baduzu ziurtagiria aurkitzen, leiho berriak konfiguratu gabe daudelako da. Saiatu ziurtagiria berriro eskatzen. Kasu honetan, data bat edo gehiago bistaratzen dira taula batean. Berriena sakatu eta "deskargatu" botoia sakatuko ezatu.

Ez zaizu iristen SMSa zure telefonora sartzeko kodearekin?

  • SMSa iristen ez bazaizu, zure telefonoa ez dago eguneratuta datu-basean. Eguneratzeko, jarri harremanetan zure osasun-zentroarekin edo aldatu zure datuak Osakidetzako Osasun Karpetaren bidez.

Ziurtagiria sinadura elektronikoko tresnekin ateratzen saiatu naiz (NAN elektronikoa, IZENPE, BAKQ, PK), eta ezin izan dut. Zergatik?

  • Ziurtagiria NANik gabeko pertsona baten izenean egiten bada (adib.: adingabeak), OTIrekin lor daiteke, dagokion atalean.
  • OTIrik gabeko pertsonek aukera telematikoa duen ziurtagiria lor dezakete, sinadura elektronikoko tresnarik gabe.
  • "Beste leiho bat irekiko da ziurtagiriarekin. Itxaron mesedez" mezua agertzen bada eta ez baduzu ziurtagiria aurkitzen, leiho berriak konfiguratu gabe daudelako da. Saiatu ziurtagiria berriro eskatzen. Kasu honetan, data bat edo gehiago bistaratzen dira taula batean. Berriena sakatu eta "deskargatu" botoia sakatuko ezatu.
  • Ziurtagiria eskatzean "ez dago erregistrorik" mezua agertzen bada: “sortu ziurtagiria” botoia sakatu.

Dena probatu dut eta ziurtagiria lortu gabe jarraitzen dut. Zer egin dezaket?

  • Bidali mezu elektroniko bat beheko helbideetara (1) arazoaren deskribapena adieraziz, (2) arazoak zer ziurtagiri-motarekin duen zehaztuz (txertaketa, berreskuratzea edo proba negatiboa) eta (3) NANaren kopia aurkeztuz

Informazio hori ematen bada soilik aztertu ahal izango da intzidentzia.

Azken aldaketako data: