Ekonomia eta Ogasun Saila

Heziketa zibiko-tributarioa

Escudos de la Diputación Foral de Alava, Diputación de Bizkaia, Diputación de Gipuzkoa y Gobierno Vasco  

Iruzur Fiskalaren kontrako Borrokarako Plan Bateratuaren barruan, foru-aldundiek eta Eusko Jaurlaritzak prebentzio-neurriak indartzearen aldeko apustua egiten dugu, baita zerbitzu publikoei eusteko lagundu behar delako balio sozialaz kontzientziatzearen aldekoa ere. Horri lotuta, eta erakunde arteko lankidetza-hitzarmenaren bitartez, gizalegezko eta zergei lotutako hezkuntza-programa bateratu bat sustatu zen 2017-2018 ikasturterako; programa horrek unitate didaktiko bakarra zuen ekonomiari eta fiskalitateari buruz. Bestalde, 2018ko apirilaren 17an, programa hori luzatzeko akordioa sinatu zen; hasiera batean programa hiru ikasturte luzatuko da, 2021. urtera arte. Hitzarmen honen indarraldia amaitutakoan, parte hartzen duten administrazioek unitate didaktiko komuna ezartzen laguntzeko ekintzei jarraipena ematea adostu dute. Horretarako, 2021eko otsailean beste hitzarmen bat sinatu dute, 2021-2022 eta 2022-2023 ikasturteak hartuko dituena, eta beste bi ikasturtez luza daiteke.

Erakunde arteko akordioa formalizatuta, programan parte hartu nahi duten Euskadiko ikastetxeek zerbitzu espezializatuen laguntza izango dute, hau da, unitate didaktikoa emateko nahi beste aholku jasoko dituzte.

Informazio gehiago nahi izanez gero, kontsultatu gure "ZERGAK/IMPUESTOS" koadernoa, “Harremanetarako” fitxan.Zergak informazio-liburuxka

Bideo-lotura

 

 

 Bideo honek programaren oinarriak azaltzen ditu era oso labur eta intuitiboan.

 

2017ko hitzarmena (EHAA) Acceso a la Plataforma de Contratación
2017ko hitzarmena luzatzeko akordioa (EHAA) Acceso a la Plataforma de Contratación
2021-2023 hitzarmen berria (EHAA) Acceso a la Plataforma de Contratación

2017ko hitzarmena: 2017/07/07an sinatu zen (EHAA 2017ko 138. zk.)
2017ko hitzarmena luzatzeko akordioa: 2018/04/17an sinatutakoa (EHAA 2018ko 88. zk.)
2021-2023 hitzarmen berria: 2021/02an sinatutakoa (EHAA 2021ko 58. zk.)

Kontzientzia fiskala areagotzera bideratutako hezkuntza-mailako ekintzak diseinatu, koordinatu eta gauzatu, zerga-sistemaren gaiari heziketa etiko eta hiritararren ikuspegitik ekinez.

Foru-aldundiek garatu dituzten unitate didaktikoak irakatsi nahi dira herritarren zerga-kontzientzia gaztetatik indartzeko. Alde batetik, ikasleek erakundeen egituraren eta funtzionamenduaren gainean ezagutza erraza baina didaktikoa eta zorrotza jaso dezaten lortu nahi da, baita erakundeen antolaketaren, administrazioen arteko eskumen-banaketaren eta horiek finantzatzeko moduaren gainean ere. Beste alde batetik, ikasleak zerga-iruzurrak eragiten dituen bidegabekerien eta ondorio kaltegarrien gainean kontzientziatu nahi dira, funts publikoen erabilerari buruzko ezagutza sustatu ahala. Hau da, berariaz azalduko zaie zein zerbitzu ematen diren herritarren ekarpenekin eta nola laguntzen duten inguru solidarioago eta orekatuagoa lortzen.

Zergak informazio-liburuxkaArgibide gehiagorako, eskumako irudian sakatuz "ZERGAK/IMPUESTOS" informazio-liburuxka kontsulta dezakezu. Hala ere, zalantzak izaten jarraituko bazenu, gure zuzendaritzarekin harremanetan jar zaitezke:

Arreta ordutegia (*): astelehenetik ostegunera 8:00etatik 18:00etara, ostiralean 8:00etatik 15:00etara.

(*) Ekainaren 7etatik urriaren 1etara: 8:00etatik 15:00etara.

 

Atxikitzeko inprimakiaZure ikastetxea Hezkuntza Elkarte bateko kidea bada, berarekin harremanetan jarri. Bestela, ondoan dagoen pdf formularioa bete (irudian "klik" egin zabaltzeko) eta posta-elektroniko bidez bidal ezazu (hac-tributos@euskadi.eus)

Zalantzarik badaukazu, 945 01 8946 telefonoan gurekin harremanetan jar zaitezke.

Behin Programa amaituta, gogobetetze inkesta bat betetzeko aukera irekiko da.

Data garrantzitsuenen egutegia:
Hitzarmena: 2017/07/07an sinatu zen (EHAA 2017ko 138. zk.)
Hitzarmena luzatzeko akordioa: 2018/04/17an sinatutakoa.

 

Enpresa adjudikaziodunak: Kontratua 2018/10/02an sinatu da  Gestionet sarbidea
Programaren garapena:
2017/2018ko ikasturtea: 132 ikastetxe.
2018/2019ko ikasturtea: 165 ikastetxe.
2019/2020ko ikasturtea: 222 ikastetxe.
2020/2021ko ikasturtea: 256 ikastetxe.
2021/2022ko ikasturtea: 259 ikastetxe.
2022/2023ko ikasturtea: IZENA EMATEKO EPEA IREKITA!!