Ogasun eta Finantza Saila

Zerga eta Finantzaketa sistema

Ogasun eta Finantza Saila

Heziketa zibiko-tributarioa

Arabako Foru Aldundiaren logoa         Bizkaiako Foru Aldundiaren logoa         Gipuzkoako Foru Aldundiaren logoa         Eusko Jaurlaritzako logoa
 
Iruzur Fiskalaren kontrako Borrokarako Plan Bateratuaren barruan, foru-aldundiek eta Eusko Jaurlaritzak prebentzio-neurriak indartzearen aldeko apustua egiten dugu, zerbitzu publikoei eusten laguntzeak duen gizarte-balioari buruz kontzientziatuz. Horri lotuta, eta erakunde arteko lankidetza-hitzarmen baten bitartez, gizalegezko eta zergei lotutako hezkuntza-programa bateratu bat sustatu zen 2017/2018 ikasturterako; programa horrek unitate didaktiko bakarra zuen ekonomiari eta fiskalitateari buruz Euskadiko ikastetxeetako ikasleentzat. 2017ko hasierako hitzarmenak jarraipena izan du hurrengo ikasturteetan, gaur arte, administrazioek hitzarmena berritzea eta luzapen-aurreikuspenak aktibatzea erabaki baitute.

Gaur egun indarrean dagoen hitzarmena, 2025/2026 eta 2026/2027 ikasturteetarako hasierako denbora-irismenekoa, 2025eko urtarrilaren 21ean sinatu zuten Euskal Autonomia Erkidegoko Administrazio Orokorrak eta Arabako, Bizkaiko eta Gipuzkoako foru-aldundiek. Erakunde arteko akordioari esker, programan parte hartu nahi duten Euskadiko ikastetxeek zerbitzu espezializatuen laguntza izango dute, eta zerbitzu horiek une oro aholkularitza emango diete unitate didaktikoa emateko.

Informazio gehiago nahi izanez gero, kontsultatu gure "ZERGAK/IMPUESTOS" koadernoa, “Kontaktua” fitxan.

Bideo-lotura

 ⇐ Kontsultatu "landing page", programaren oinarriak azaltzen dituen bideo laburra ikusteko.

2025/2027ko hitzarmena (EHAA) (leiho berri batean irekitzen da) (PDF, 259 KB)  kontratazio-plataformarako sarbidea 

Kontzientzia fiskala areagotzera bideratutako hezkuntza-mailako ekintzak diseinatu, koordinatu eta gauzatu, zerga-sistemaren gaiari heziketa etiko eta hiritararren ikuspegitik ekinez.

Foru-aldundiek garatu dituzten unitate didaktikoak irakatsi nahi dira herritarren zerga-kontzientzia gaztetatik indartzeko. Alde batetik, ikasleek erakundeen egituraren eta funtzionamenduaren gainean ezagutza erraza baina didaktikoa eta zorrotza jaso dezaten lortu nahi da, baita erakundeen antolaketaren, administrazioen arteko eskumen-banaketaren eta horiek finantzatzeko moduaren gainean ere. Beste alde batetik, ikasleak zerga-iruzurrak eragiten dituen bidegabekerien eta ondorio kaltegarrien gainean kontzientziatu nahi dira, funts publikoen erabilerari buruzko ezagutza sustatu ahala. Hau da, berariaz azalduko zaie zein zerbitzu ematen diren herritarren ekarpenekin eta nola laguntzen duten inguru solidarioago eta orekatuagoa lortzen.

Argibide gehiagorako, eskumako irudian sakatuz "ZERGAK/IMPUESTOS" informazio-liburuxka kontsulta dezakezu. Hala ere, zalantzak izaten jarraituko bazenu, gure zuzendaritzarekin harremanetan jar zaitezke:

Arreta ordutegia (*): astelehenetik ostegunera 8:00etatik 17:30ak arte, ostiralean 8:00etatik 14:30ak arte.

(*) Ekainaren 5etik urriaren 1era: 8:00etatik 14:30ak arte.

Zergak informazio-liburuxka
Atxikitzeko inprimakia

Zure ikastetxea Hezkuntza Elkarte bateko kide bada, elkarte horretara jo dezakezu, Eusko Jaurlaritzari jakinaraz diezaion programan parte hartu nahi duten bere sareko ikastetxeen zerrenda. Bestela, ondoan dagoen pdf formularioa bete (irudian "klik" egin zabaltzeko) eta posta-elektroniko bidez helaraz iezaguzu (zerga-hezkuntza@euskadi.eus).

Eusko Jaurlaritzako Hezkuntza Sailak, 2024/2025 ikasturtean bezala, 2025/2026 ikasturtean ere ziurtagiria emango du, egiaztatzeko irakasleen parte-hartzea baldin eta dedikazio handieneko prestakuntza-ibilbideak aukeratzen badira. Programa ematen laguntzen duen enpresak (GESTIONET MULTIMEDIA, S.L.) xehetasunen berri emango du atxikipen-formularioa bete ondoren.

Zalantzarik badaukazu, 945 01 89 46 telefonoan gurekin harremanetan jar zaitezke.

Behin Programa amaituta, gogobetetze inkesta bat betetzeko aukera irekiko da.

Data garrantzitsuenen egutegia:
2025-2027ko hitzarmen berria: 2025/01/21ean sinatu zen (2025/02/07ko EHAA, 26. zk.)

 

Enpresa esleipenduna: Kontratua 2025/07/11n sinatu da  Gestionet sarbidea
Programaren garapena:
2017/2018ko ikasturtea: 132 ikastetxe.
2018/2019ko ikasturtea: 165 ikastetxe.
2019/2020ko ikasturtea: 222 ikastetxe.
2020/2021eko ikasturtea: 256 ikastetxe.
2021/2022ko ikasturtea: 259 ikastetxe.
2022/2023ko ikasturtea: 260 ikastetxe.
2023/2024ko ikasturtea: 260 ikastetxe.
2024/2025eko ikasturtea: 265 ikastetxe.
2025/2026ko ikasturtea: IZENA EMATEKO EPEA IREKITA!!