Gripearen aurkako txertoak dira gaixotasuna prebenitzeko neurri onena eta, txertoak kasu guztietan infekzioa saihesten ez badu ere, beti arintzen du gaixotasunaren intentsitatea eta sorraraz litzakeen konplikazioak.

Gripearen aurkako txertoak mota inaktibatukoak dira, seguruak dira eta administra dakizkieke emakume haurdunei.

Urtero Osasun Sailak eta Osakidetzak gripearen aurkako txertaketa kanpaina egiten dute 65 urtetik gorako pertsonei eta arrisku taldeetan barne hartua dagoen populazioari zuzendua.

Txerto hau eraginkorra da, urtero udazken-neguan agertu ohi den urtaro gripearen aurka.

Horregatik, beti bezala, irailaren erdi aldera hasiko da urtaro gripearen aurkako txertaketa kanpaina eta guztiz gomendagarria da deskribaturiko taldeetan barne hartuak dauden pertsona guztiak txertatzea.

Urtaro gripearen aurka txertatzeko arrisku taldeak

• 60 urte edo gehiagoko pertsonak
• 6-59 hilabeteko haurrak
• Arrisku-baldintzaren bat duten pertsonak
• Instituzionalizazio-erregimenean dauden pertsonak
• Haurdun dauden emakumeak
• Profesional sanitarioak eta soziosanitarioak