Beste heldu baten OTI digitala
Osasun Sailak, Osakidetzarekin batera, herritarrei zuzendutako zerbitzu berri bat jarri du martxan, OTI digitalaren prestazioak zabaltzen jarraitzeko: beste pertsona heldu baten osasun-txartel indibiduala formatu digitalean.
Zer da?
OTI digitalaren zabalkuntza bat da, pertsona heldu batek bere telefono mugikorrean beste pertsona heldu baten txartel digitala ere izatea ahalbidetzen baitu.
Horrela funtzionatzen du
- Baimendutako pertsona (deskargatzeko baimena emango zaiona). NIK Patrika digitala izan behar du.
- Titularrak beste heldu bati baimena ematen dio.
- Baimena online edo osasun-zentroan izapidetzen da.
- Baimena izapidetuta dagoenean, baimendutako pertsonak abisu bat jasoko du NIK Patrika app digitalean. (Aurrez aurrekoa izan bada bakarrik)
- App-tik, txartel digitala deskarga dezakezu.
Nola lortu beste pertsona heldu baten OTI digitala?
Beste pertsona heldu baten OTI digitala izateko, ezinbestekoa da pertsona horren baimena izatea. Baimena online nahiz aurrez aurre eman daiteke.
Online baimena / ezeztapena
Online baimena edo ezeztapena egin ahal izateko, ezinbestekoa da ziurtagiri digitala 
izatea (B@KQ edo antzekoa), adibidez, Osasun Karpetarako sarbidea ematen duena.
Interesa duten pertsonek identifikazio digitala (B@KQ) zuzenean eskuratu ahal izango dute aplikazio mugikorretik, edo, batez ere, Eusko Jaurlaritzaren Herritarrentzako Arretarako Bulegoetan – Zuzenean edo gizarte-etxeetan dauden KZguneetako edozein zentrotan eskatu ahal izango dute.
Ziurtagiri digitala izanez gero, hurrengo botoian sakatu, eta beste pertsona heldu bati bere OTI digitala deskargatzeko baimena eman ahal izango diozu.
Aurrez aurreko baimena / ezeztapena
Aurkeztu osasun-zentroan behar bezala betetako baimen-formulario hau:
Txartela deskargatzea
Baimena izapidetu ondoren, baimendutako pertsonak NIK Patrika digitala aplikazioaren bidez (iOS /Android ) jakinarazpen bat jasoko du txartela deskargatu dezakeela adierazteko.
Informazio gehiago
OTI digitalari buruzko informazio gehiago esteka honetan: Osasun-txartel indibiduala formatu digitalean.
Gorabeherarik?
Edozein gorabehera izanez gero, Erabiltzaileen Arretarako Zentroarekin harremanetan jar zaitezke telefono honetan: 945 016 295.
Azken aldaketako data: