- Zirkulazioan eraginak goizeko 06:30ean hasiko dira, eta proba amaitu arte luzatuko dira
- Ordezko bideak erabiltzea eta Ertzaintzaren eta Udaltzaingoaren jarraibideak errespetatzea gomendatzen da
Behobia-San Sebastian lasterketaren 61. edizioak eragin handia izango du trafikoan igande honetan, azaroak 8, bai lasterketaren ibilbidean, bai inguruetan, Behobia (Irun) eta Donostia artean. Murrizketak 06:30ean hasiko dira eta lasterketa amaitu arte mantenduko dira.
Irteeran, Irun inguruko trafiko-eraginak
Irungo mugan, AP-8ko irteera 0 kilometro-puntuan, Bilborako noranzkoan, itxita egongo da, eta horrek auto-ilarak sor ditzake mugaren inguruan, Frantziarako noranzkoan. Era berean, AP-8ko irteera 0 kilometroan, Frantziarako noranzkoan, zirkulazio arazoak sor daitezke, kirol proba dela-eta Irun-Zaisa ingururantz joango diren turismo eta autobus lantzaderen kopurua handia izango delako.
Bestalde, N-121-A errepidean (Iruñea-Irun errepidea) ere zirkulazio murrizketak izango dira. 08:00etatik 11:30era, lasterketako parte-hartzaileen irteerekin batera, debekatuta egongo da ibilgailu astunen zirkulazioa. Ertzaintzaren patruila bat trafiko astunari buelta emateaz arduratuko da Puntxaseko biribilgunean, N-121-A errepideko 75. kilometroan. Bestalde, Irunerako noranzkoan doazen autoak Zaisa bidetik desbideratuko dira, eta, ondoren, AP-8an sartuko dira, Bilborako noranzkoan.
Lasterketan zehar izango diren trafiko-eraginak
|
ERREPIDEA |
HASIERAKO KP |
AMAIERAKO KP |
NORANZKOA |
HASIERA |
AMAIERA |
|
GI-636 |
15,300 Osinbiribilgo biribilgunea |
17,000 Behobiako biribilgunea |
Biak |
06:30 |
14:00 |
|
GI-636 |
17,000 Behobiako biribilgunea |
17,330 Iparraldeko muga |
Biak |
08:00 |
12:00 |
|
N-121-A |
74,400 Laskoaingo biribilgunea |
75,039 Behobiako biribilgunea |
Biak |
08:00 |
12:00 |
|
AP-8 |
0,500 1 irteera |
Bilbo |
08:00 |
11:30 |
|
|
GI-636-10 |
Suhiltzaileen biribilgunetik GI-636-10-1-S errepidearen eta Irunera jaisteko galtzadaren arteko lotuneraino |
Irun |
09:00 |
13:00 |
|
|
GI-636 |
7,900 |
9,560 |
Donostia Irun |
08:15 |
14:00 |
|
Gaintxurizketa gaina |
Jaitsierako galtzadarekiko lotura |
||||
|
Errei bat erabiliko da Donostia eta Irungo noranzkoan ibiltzeko |
|||||
|
GI-636 |
7,900 Gaintxurizketako biribilgunea |
4,800 Lintzirin |
Biak |
08:15 |
14:00 |
|
GI-636 |
4,800 Lintzirin |
2,600 Altamirako biribilgunea |
Irun |
08:15 |
14:00 |
|
GI-636 errepidea, Donostiarako noranzkoan, Lintzirin poligonoaren barrualdetik (atzealdea), irekita egongo da |
|||||
|
GI-636-4 |
Lintzirin eta Lartzabalgo biribilgunearen artean |
Biak |
08:15 |
14:00 |
|
|
GI-2132 |
15,500 Lartzabalgo biribilgunea |
15,200 Arragua |
|
08:15 |
14:00 |
|
Tarte horretan sarrera edo irteera duten egoiliarren ibilgailuen trafikoa bakarrik baimenduko da |
|||||
|
GI-636 |
2,100 Kaputxinoen gaina |
1,800 Kaputxinoen biribilgunea |
Donostia |
09:50 |
15:00 |
Gomendioak
Lasterketan parte hartuko duten korrikalarien kopurua handia dela kontuan hartuta (29.000 pertsona baino gehiago daude izena emanda), Eusko Jaurlaritzak kontuz ibiltzeko eskatu du, kirol-proba horrek trafikoan izango dituen eraginak direla eta. Lasterketa egingo den lekutik ibili behar direnei ordezko bideak erabiltzea eta Ertzaintzaren eta Udaltzaingoaren jarraibideak errespetatzea gomendatzen zaie.
Era berean, probako parte-hartzaileei gomendatzen zaie garraio publikoak erabiltzea probaren hasierara joateko. Ibilgailu partikularrean joanez gero, gogoan izan ezin dela ibilgailutik jaitsi AP-8 autobidean auto-ilaretan geldituta egonda, oinezkoen zirkulazioa debekatuta baitago. Ezin izango da ibilgailurik aparkatu Zaisa industrialdean, eta bertan geratu ahal izango da soilik korrikalariak uzteko, eta berehala jarraitu beharko du gidariak ibilbidea.
Frantziatik A-63 errepidetik ibilgailu partikularrean datozen parte-hartzaileei gomendatzen zaie Biriatuko irteera hartzea, eta handik Behobiara joatea, han jaitsi eta irteera-gunera oinez joateko.
Lasterketaren ibilbidea aurretik oinez eta probaren antolakuntzatik kanpo egin ohi duten pertsonei gogorarazten zaie, bide-segurtasuneko begi bistako arrazoiengatik, ibilbidea ez dela galtzadatik egin behar, eta are gutxiago gaueko ordutegian. Eusko Jaurlaritzak gogorarazten du, behar izanez gero, bazterbidetik baino ezin dela ibili, ikuspen-elementuak (txalekoak eta elementu islatzaileak) eramanda, zirkulazio-erreitik ahalik eta gehien bereizita eta ibilgailuen martxaren kontrako noranzkoan, urrutitik ikusi ahal izateko.
Informazio gehiago Irekia atarian (Leiho berrian irekiko da)