• Alerta bihar (astelehena) 12:00ak eta etzi (asteartea) 12:00ak bitartean aktibatuko da.
• Prezipitazioek eragin handiagoa izango dute Bizkaiko hegoaldean, Gipuzkoan eta Arabako iparraldean.

Eusko Jaurlaritzak alerta laranja ezarriko du bihar, astelehena, 12:00etatik etzi, asteartea, 12:00etara, prezipitazio iraunkorrengatik Euskadi osoan, batez ere Bizkaiko hegoaldean, Gipuzkoan eta Arabako iparraldean.

Euskalmet, Euskal Meteorologia Agentziaren arabera, prezipitazio ertainak, iraunkorrak eta oso ugariak espero dira, eta 24 ordutan 80 l/m² baino gehiago pila daitezke isurialde kantauriarrean, eta pixkanaka gutxituz joango dira lurraldearen iparraldean eta hegoaldean.

Oro har, aurreikuspenek adierazten dute 40 eta 80 l/m² artean metatu daitezkeela Bizkaiko eta Gipuzkoako barnealdean, 40 eta 60 artean Arabako Lautadan, eta 20 eta 40 artean kostaldean eta Arabako Errioxan.

Iragarpenen eguneratzeak Euskalmeten webgunean (www.euskalmet.euskadi.eus), X kontuan (@Euskalmet) edo "Gutun bidezko abisuak" zerbitzuan alta emanda jarraitzea gomendatzen da.

Larrialdiren bat izanez gero, deitu 112ra.

Informazio gehiago Irekia atarian (Leiho berrian irekiko da)