Ricardo Ituarte Eusko Jaurlaritzako Larrialdiei Aurre Egiteko eta Meteorologiako zuzendariak, Iñaki Inoriza Planifikazio Atalaren teknikari arduradunak eta Ibone Elorriaga arriskuen eta larrialdien arloko teknikariak lagunduta, urriaren 17an eta 18an Chesten, Valentziako Segurtasun Publikoko eta Larrialdiei Aurre Egiteko Institutuan, egin den Larrialdiei Aurre Egiteko II. Kongresu Nazionalean parte hartu du.

Kongresuan babes zibilari buruzko gaiak landu dituzte teknologiarekin eta komunikazioekin lotuta.  Alde horretatik, Ibone Elorriaga teknikariak “Erronka berriak landa- eta hiri-inguruneko bilaketa-lanetan” gaiari buruzko mahai-inguruan parte hartu du.