• Behin-behineko proposamena ez da behin betikoa, ebazpena argitaratu arte. Beka guztiak ez dira batera ebazten, ikasturtean zehar hainbat proposamen argitaratzen baitira. Proposamen bakoitzean sartutako pertsonek aldez aurretik SMS bat eta abisu-mezu elektroniko bat jasoko dituzte.
• Proposamena kontsultatzeko (emandako zenbatekoak edo ukatzeko arrazoiak), ziurtagiri digital baliodun batekin sartu behar da beka-eskaerara. Firefox Mozilla nabigatzailea erabiltzea gomendatzen da, eta ezin da Google Chrome erabili.
  • Proposamenarekin ados bazaude, komeni da onartzea, ebazpena eta osagaien ordainketa bizkortzeko, ikasturte amaieran ikasleei edo unibertsitateari ordaintzen zaion prezio publikoa izan ezik.
  • Proposamenarekin ados ez bazaude, alegazioak aurkez ditzakezu 10 egun balioduneko epean, jakinarazpena egiten denetik hasita. Gogoratu ezin direla alegazioak paperean aurkeztu, tramitazioa erabat elektronikoa baita.

• 1. Behin-behineko proposamena  

Alegazioak aurkezteko epea: 2020ko abenduaren 4etik 18ra arte, biak barne.

• 2. Behin-behineko proposamena

Alegazioak aurkezteko epea: 2021eko urtarrilaren 22tik otsailaren 4ra arte, biak barne.

Proposamena nola kontsultatu, onartu edo alegazioak nola aurkeztu:

1. Ziurtagiri elektroniko baliagarri bat erabiliz sar zaitez aplikazioara .
2. "Uneko espedienteak” atalean “Espedientea ikusi”n klik egin ezazu.
3. ”Behin-behineko ebazpena” atala aukeratu eta bi aukera izango dituzu:
   • Ados bazaude: “Proposamena onartu” ahal izango duzu.
   • Ez bazaude ados: “Alegazioa” sakatu eta formulario bat irekiko da. Bete eta “Gorde” botoian klik egin ondoren, “Gaineratutako dokumentuak” aukerara, dokumentazioa eransteko, sartu ahal izango zara.
4. “Gaineratutako dokumentuak” atalean aurkeztu nahi duzun dokumentua selekzionatu eta “Gehitu” aukeran klik egin ezazu. Pantaila horretatik aztertu ahal izango duzu, aurkeztu nahi duzun dokumentua zure dispositiboan bilatzeko. Ondoren, “Igo” botoian klik egin ezazu.
5. Dokumentu guztiak igo ondoren, “Eskaera aurkeztu” sakatu eta “Izenpetu” botoian klik egin ezazu, elektronikoki izenpetzeko. “Onartu” ondoren, ziurtagiri elektronikoaren PIN eskatuko zaizu, izenpetzeko eta erregistro elektronikoa emateko. Alegazioa elektronikoki aurkeztu izana egiaztatzeko agiria deskargatu ahal izango duzu.

• Behin betiko ebazpena: emandako osagaiak edo ukatzeko arrazoiak kontsultatzeko, espedientera sartu behar da beken aplikazioan, ziurtagiri digital bat erabiliz.
• Beka jaso duten ikasleek gehienez ere hilabeteko epean jasoko dute osagaien ordainketa, ebazpena jakinarazten denetik hasita, matrikularen prezio publikoa izan ezik, ikasturte amaieran jasoko baita.
• Ez da ebazpena onartu behar. Ados ez dauden pertsonek gora jotzeko errekurtsoa aurkeztu ahal izango diote Unibertsitate eta Ikerketako sailburuordeari, jakinarazpena jaso eta gehienez ere hilabeteko epean. Errekurtsoa elektronikoki baino ezin da aurkeztu, eta ez da paperezko errekurtsorik onartuko.
• Datozen hilabeteetan ebazpen gehiago argitaratuko dira eta ebazteke dauden alegazio guztiak ebatziko dira. Unibertsitate Politika eta Koordinazioko Zuzendaritzak SMS bat eta abisu-mezu elektroniko bat bidaliko dizkie ebazpen bakoitzean sartutako pertsonei.

• 1. Behin betiko ebazpena

Gora jotzeko aurkezteko epea: 2020ko abenduaren 22tik 2021eko urtarrilaren 21era arte, biak barne.

• 2. Behin betiko ebazpena

Gora jotzeko aurkezteko epea: 2021eko urtarrilaren 16tik otsailaren 15era arte, biak barne.

* Bigarren ebazpen honetan, lehen behin-behineko proposamenaren zain dauden alegazioak baino ez dira sartu. Oraindik alegazio batzuk ebazteke daude, eta datozen asteetan ebatziko dira.

Nola aurkeztu gora jotzeko errekurtso bat:

1. Ziurtagiri elektroniko baliagarri bat erabiliz sar zaitez aplikaziora .
2. ”Espedienteak tramitean” atalean, “Espedientea ikusi” estekan klik egin.
3. ”Behin betiko ebazpena” atalean “Errekurtsoa” aukeratu eta inprimaki bat irekiko da. Formularioa bete eta "gorde" botoiari eman ondoren, "Erantsitako dokumentuak" aukeran sartu ahal izango zara, dokumentazioa gehitzeko.
4. ”Erantsitako dokumentuak” atalean, aurkeztu nahi duzun dokumentua aukeratu eta “Gehitu” aukeran klik egin ezazu. Pantaila horretatik “Aztertu” ahal izango duzu, aurkeztu nahi duzun dokumentua zure dispositiboan bilatzeko. Ondoren, “Igo” botoian klik egin ezazu.
5. Dokumentu guztiak igo ondoren, “Eskaera aurkeztu” aukeratu eta “Izenpetu” botoian klik egin ezazu, era elektronikoan izenpetzeko. “Onartu” ondoren, ziurtagiri elektronikoaren PIN eskatuko zaizu, izenpetu eta era elektronikoan erregistratzeko. Dokumentazioa entregatu izanaren erregistro elektronikoren justifikazio agiria deskargatu ahal izango duzu.

Matrikularen osagaiak eta prezio publikoa ordaintzea. Unibertsitate-beka eman zaien ikasleei bi fase desberdinetan ordainduko zaie. Beka eman zaiela jakinarazteko ebazpenaren ondoren, behar diren bekaren osagai guztiak (egoitzari, aprobetxamendu akademikoari eta familia-errentari lotutako oinarrizko zenbatekoak, eta ikaskuntzari laguntzeko prozesuari lotutako zenbateko osagarri aldakorra eta Hiriarteko joan-etorriari lotutako zenbateko osagarri aldakorra) gehienezko hilabeteko epean ordainduko dira, ikasturtearen bukaeran ordainduko den matrikularen prezio publikoa izan ezik.

Matrikularen salneurri publikoa. “Matrikula” osagaiaren salneurria, gehienez, ikasketa berdinean edo baliokidean Euskal Herriko Unibertsitatean matrikulak duen kostua izango da. Matrikulen prezioa arautzen da 2020ko ekainaren 16koa, Hezkuntza sailburuaren aginduaren bidez

Matrikularen kredituak zabaltzea. Unibertsitate Zuzendaritzari 2021ko martxoaren 31ren ondoren jakinarazten zaizkion kredituen zabaltzeak ez dira kontuan hartuko, gradu amaierako lana izan ezik.

Elkarbizitza-unitateak. Dibortzio edo banantze kasuetan gurasoek bizikidetza-unitateari egiten dioten ekarpen ekonomikoa kalkulatzeko, 2020-2021 deialdi-aginduaren 15.4 artikuluan ezarritako irizpideei jarraituko zaie. (EHAA, 2020-08-24)

Unibertsitate beken araudia

• 2020-2021 ikasturtea (EHAA, 2020-08-24) 

Orokorrak

(10. artikulua)

• Euskal Autonomia Erkidegoan erroldatuta egotea 2019ko abenduaren 31n.
• Familia-unitateko ordaintzaile nagusienetako batek, gutxienez, foru-ogasunetan ordaindu behar ditu zergak.
• Ikasketa ofizial batean matrikulatuta egotea eta beka eskatzen den maila bereko titulaziorik ez izatea.
• Atzerritarren kasuan, errolda ez ezik, Espainian legez bizitzeko baimena ere izan behar dute indarrean.

Akademikoak

(22. artikulutik 29ra)

• Beka lortu ahal izateko, 60 kreditutan, gutxienez, egin behar da matrikula, 24. artikuluan jasota agertzen diren salbuespenak izan ezik. Kredituen konputuan ez dira baliokidetutako, ezagututako edo egokitutako kredituak kontuan hartzen.
• Aurreko ikasturtean exijitutako errendimendu akademikoa, irakaskuntza-adarraren arabera, gainditu behar da:
  • Unibertsitate- edo goi mailako graduko titulu ofiziala lortzera bideratutako ikasketak:
    • Lehen aldiz matrikulatzen diren ikasleak: ez zaie errendimendu akademikorik eskatuko.
    • mailan edo goragoko mailetan matrikulatzen diren ikasleak: errendimendu hau eskatuko zaie:
      • Ingeniaritza eta Arkitektura adarreko ikasketak: matrikulatutako kredituen % 60.
      • Zientzien adarreko ikasketak: matrikulatutako kredituen % 65.
      • Osasun Zientzien, Gizarte Zientzien, Zientzia Juridikoen eta Arte eta Humanitateen adarreko ikasketak: matrikulatutako kredituen % 75.
  • Masterraren titulu ofiziala lortzera bideratutako ikasketak:
    • Urteko master baterako edo bi urteko master baten lehen ikasturterako: ez da gutxieneko batez besteko nota eskatzen beka izateko.
    • Masterreko bigarren ikasturterako: aurreko ikasturtean matrikulatuta egon diren kreditu guztiak gainditu izana, eta masterreko ikasketak amaitzeko geratzen zaizkien kreditu guztietan matrikulatuta egotea.

Ekonomikoak: Errenta eta ondarea

(13. artikulutik 21era)

• Jabetzan, gehienez ere, bi etxebizitza, ohiko etxebizitza barne, izatea. Jabetza soila izaten den etxebizitzak ez dira zenbatuko, baina egoera hori justifikatu beharko da (19. artikulua). Dibortzioa gertatuz gero, ohiko bi etxebizitza deskontatuko dira, gurasoen ohiko bizilekua errolda bidez justifikatzen bada.
• Familia-unitateko kideen jabetza diren hiri-finka guztien katastro-balioa, behin ohiko etxebizitza kenduta, ezin izango da 42.900 eurotik gorakoa izan.
• Ezin izango da kideen kopuruaren arabera baimendutako gehienezko errenta-muga gainditu.

  Konputatzeko moduko kideak	1. ataria (Euros)	2. ataria (Euros)	3. ataria (Euros)
  1	8.871	13.236	14.826
  2	13.306	22.594	25.308
  3	17.742	30.668	34.352
  4	22.177	36.421	40.796
  5	25.726	40.708	45.598
  6	29.274	43.945	49.224
  7	32.822	47.146	52.810
  8	36.371	50.333	56.380

Diru-sarrerak bi modutan kalkulatzen dira:

• Errenta-aitorpena aurkeztu duten pertsonak:
  • 2019ko ekitaldiaren PFEZren gaineko aitortzan, zerga-oinarri orokorraren eta aurrezkiaren zerga-oinarriaren zenbatekoak hartu eta batuko dira. Zerga-oinarri orokor guztiak edo berorren zati batek jarduera ekonomikoen errendimenduak baditu eta errendimendu horiek negatiboak badira, zero balioarekin konputatuko dira. Ateratzen den zenbatekotik, kuota likidoa kenduko da.
  • Gainera, diru-jasotzaileak PFEZrik gabeko diru-sarrerak lortu baditu, haien zenbatekoak aurreko formularen bidez lortutako emaitzari gehituko zaizkio.
• Derrigortuta ez egoteagatik errenta-aitorpena aurkeztu ez duten pertsonak:
  • 2019ko ekitaldian edozein kontzepturengatik (lan-etekinak, langabezia-prestazio edo sorospenak, pentsioak, gizarte-laguntzak, salbuetsitako errentak … ) lortutako diru-sarrera guztiak batuko dira, baita ohiko etxebizitza,-aplikatu beharreko zerga-araudiaren arabera konputatzen da PFEZren ondorioetarako,- ez diren hiri-izaerako ondasunen errendimendua ere.
  • Ateratzen den zenbatekotik konturako atxikipenak eta aplikatzeko moduko gastu kengarriak (Gizarte Segurantza … ) deskontatuko dira.
    18. artikuluan familia-zirkunstantzien arabera- guraso bakarreko familiak, kide ugariko familiak, elbarritasuna, beka eskatzen duten unibertsitate-anaia /arrebak, ekonomikoki zutabe nagusia ez diren konputatzeko moduko kideengatik dedukzioa … - diru-sarrerei aplikatu ahal zaizkien zenbait kenketa ezartzen dira.
• Diru-sarrerak, ikasketa-gastuari begira, behar bezala justifikatzea (13. artikulua)
• Kapital higigarriaren errendimendu garbi murriztu guztien eta konputatzeko moduko familiako kideen ondare-irabazi eta galera guztien saldo garbi positiboaren arteko batuketa ezin izango da 1.700 eurotik gorakoa izan.
• Familia- /elkarbizitza-unitateko konputatzeko moduko kideen jarduera ekonomikoen fakturazio-bolumenaren batuketa ezin izango da 155.500 eurotik gorakoa izan 2019ko ekitaldian.

Osagaiak eta zenbatekoak

Beka izateko eskatutako gutxieneko kredituak