Indarrean dagoen araudiaren arabera, osasun-zentro, -zerbitzu eta -establezimenduek aldez aurreko administrazio- eta osasun-baimenaren printzipioa bete behar dute beren jarduera gauzatzeko. Osasun-baimenak hiru motatakoak dira: instalazioa, funtsezko aldaketak eta funtzionamendua.

Osasun Zentro, Zerbitzu eta Establezimenduen Erregistroa Osasun Sailaren baimena duten Euskal Autonomia Erkidegoko osasun-zentro guztien bilduma da. Izaera publikoa du, eta inskripzioa edo erregistro-oharra herritar guztien eskura daude. Bakarra da Euskal Autonomia Erkidego osorako, Osasun Saileko lurralde-ordezkaritzetan modu deszentralizatuan kudeatzeari kalterik egin gabe, Plangintza, Antolamendu eta Ebaluazio Sanitarioko Zuzendaritzaren zuzendaritzapean, kontrolpean eta koordinaziopean.

Osasun, Kontsumo eta Gizarte Ongizateko Ministerioak, bere webgune ofizialaren bidez, osasun-zentroen, -zerbitzuen eta -establezimenduen Erregistro Orokorrerako (REGCESS)  sarbidea eskaintzen die herritarrei.

• Ospitaleak
• Kontsulta medikoak/Beste profesional sanitario batzuk/Balioaniztunak/Egoitzak
• Kirurgia Handi Anbulatorioko Zentroak
• Hortz-klinikak
• Laborategi klinikoak
• Ortopediak
• Audioprotesi-establezimenduak
• Optikak
• Osasun-laguntzako zentro mugikorrak
• Mutualitateen mendeko osasun-zentro, zerbitzu eta establezimenduak
• Kanpoko zerbitzuak