Gaur egun, EAEn, COVID-19ak eragindako osasun-krisiari aurre egiteko beharrezkoak diren prebentzio-neurriak ezartzen dituzten Osasuneko Sailburuaren bi agindu daude indarrean: 2021eko azaroaren 16ko AGINDUA eta urriaren 6ko AGINDUA .

Prebentzio neurriak - Urriaren 6ko AGINDUA

• Ezarritako neurrien laburpena
• Ohiko galderak

Neurri orokorrak eta prebentziozkoak

• Oro har, pertsonen artean 1,5 metroko distantzia gordetzeko ahalegina egin beharko da leku publikoetan, eta distantzia hori gordetzeko are ahalegin handiagoa egin beharko da barruti itxietan.
• Modu berean, eskuak soluzio hidroalkoholikoarekin edo ur eta xaboiarekin sarriago garbitzeko ahalegina egin beharko da.
• Erabilera publikoko establezimenduek eta lekuek etengabeko aireztapena bermatu beharko dute.

Maskaren erabilera

• Maskara erabiltzeak nahitaezkoa izaten jarraitzen du erabilera publikokoa den edo publikoarentzat zabalik dagoen edozein espazio itxitan. Aire zabaleko espazioetan maskara nahitaez erabili beharko da, baldin eta pertsonen artean gutxienez 1,5 metroko distantzia etengabe gordetzeko aukerarik ez badago, bizikide diren taldeetan izan ezik.

Edukiera

• 5.000 pertsona baino gehiagorentzako edukiera duten barruti itxietan, gehieneko edukiera % 80koa izango da, eta ezingo da elikagairik edo edaririk kontsumitu ekitaldietan, ez barrualdeetan ez kanpoaldeetan.

Ordutegiak

• Merkataritza-, gizarte- eta kultura-jardueretarako ixteko eta irekitzeko ordutegia horren inguruan aplikagarria den ordutegien ohiko arauketara egokituko da.

Ekitaldiak

• Ekitaldiak antolatzean, Osasun Publikoaren Zuzendaritzak ezartzen dituen jarraibideak bete beharko dira. (Hemen argitaratuko dira, datozen egunotan: www.euskadi.eus/koronabirusa).
• Ekitaldiak egin bitartean, barneko eta kanpoko barrutietan ura baino ezingo da kontsumitu; beste elikagairik eta edaririk ezingo da hartu. Elikagaiak eta edariak ostalaritzako eta jatetxeetako espazioetan baino ezingo dira saldu eta kontsumitu. (Adibideak: futboleko edo beste kirol batzuetako partidak, kontzertuak…).

Osasun-arloko erantzukizuna

• Kutsatuta daudenek eta haiekin kontaktuan egon direnek Euskadiko COVID-19aren Kasu eta Kontaktuen Zaintza Sarearen jarraipen- eta trazabilitate-lanean elkarlanean jarduteko betebeharra dute. Beraz, herritarrei eskatzen zaie segimendua egiteko pertsona arduradunek egiten dizkieten deiei arreta ematean zorroztasunez erantzuteko eta eskatzen dieten informazioa ahalik eta bizkorren emateko eta informazioa ahalik eta egiazkotasun handienez emateko.

Prebentzio neurriak - Azaroaren 16ko AGINDUA

BAT - Udal-agintariek jarduera batean 2021eko urriaren 6ko Aginduan ezarri diren prebentzio-neurriak betetzea bermatu ezingo dela aurreikusten badute, aldi baterako etetea edo atzeratzea jarduera, eremua gorabehera.

Bereziki hartuko dira kontuan jatekoa eta edatekoa hartzea dakartenak; izan ere, horrek maskara ez erabiltzeko bide ematen du eta birusa zabaltzeko arriskua areagotzen du.

BI - Prebentzio-neurriak gordetzen diren ekitaldietan, bai barneko eremuetan bai aire zabalean egiten direnetan, komeni da neurriak sendotzea:

• Publikoarentzako eremua handitzea, jendetza egotea aurreikusten den lekuetan.

• Joan-etorrietarako korridoreak finkatzea, pertsonen fluxu antolatua izateko.

• Jatekoak eta edatekoak saltzeko eta kontsumitzeko eremuak mugatzea.

• Posible denean, jarduerak kanpoaldean antolatzea. Aire zabaleko jarduerak seguruenak dira, eta COVID-19a hartzeko edo transmititzeko arriskua handiagoa da eremu itxi eta jendetsuetan.

HIRU - Osasun Sailak buletin epidemiologikoa astean bi aldiz bidaliko du (astelehenak eta ostegunak). Udalerrien egoeraren berri izateko, udalen lana errazteko eta herritarrak pandemiaren bilakaeran duten inplikazioaz kontzientziatzeko.