Hezkuntza Saila

Unibertsitate mailako eta goi-mailako beste ikasketa batzuk egiteko bekak

2018-2019 ikasturtea

Eskaerak aurkezteko epea 2018ko uztailaren 11an hasiko da eta ondorengo datetan bukatuko da:

  • Euskal Autonomia Erkidegoan kokatutako zentroetan matrikulatutako ikasleak: 2018ko urriaren 1a izango da eskaerak aurkezteko azken eguna.

  • Euskal Autonomia Erkidegotik at kokatutako zentroetan matrikulatutako ikasleak: 2018ko urriaren 15a izango da eskaerak aurkezteko azken eguna.

  • Beste unibertsitate batean nazio edo nazioarte mailako mugikortasun-programa batean parte hartzen duten ikasleak: eskaerak aurkezteko epea jatorrizko unibertsitatearena izango da.

  • Eskatzaileek haien matrikulatzeko epea irailaren 25etik aurrera, Euskal Autonomia Erkidegoan, edo urriaren 10etik aurrera, Estatuaren gainontzekoan, hasten den ikasketak egiten badituzte: matrikulatzeko data pasa eta hurrengo 5 lanegunetan eskatu beharko da beka. Ez dira  2018ko abenduaren 31aren ondoren egindako beka-eskaerak inoiz onartuko.

  • Eskabide-inprimakia paperez entregatzea ezinbestekoa da, aurkeztu beharreko gainontzeko dokumentazioarekin batera. Dokumentazio osoa entregatzen ez duten pertsonen eskaerak izango dira ebazteko azkenak eta, horregatik, beka ematen bazaie, beranduago kobratuko dute.

  • Eskaera entregatzean, betiere entregatu izana justifikatzeko agiri bat eramatea oso inportantea da (eskaeraren 6. orria), eskaera unibertsitatera sartu den data edo entregatzen den erregistro baimendua jasota agertuko dituena. Justifikatzeko agiri hori betiere izango da eskaera epean entregatu izana justifikatzeko baliagarri.

  • Matrikularen osagaiak eta prezio publikoa ordaintzea

    Unibertsitate-beka eman zaien ikasleei bi fase desberdinetan ordainduko zaie. Beka eman zaiela jakinarazteko ebazpenaren ondoren, behar diren bekaren osagai guztiak (egoitza, aparteko material didaktikoa, aprobetxamendu akademikoa edo garraioa) gehienezko hilabeteko epean ordainduko dira, ikasturtearen bukaeran ordainduko den matrikularen prezio publikoa izan ezik.

  • Matrikularen salneurri publikoa

    Deialdi honetatik aurrera, “matrikula” osagaiaren salneurria, gehienez, ikasketa berdinean edo baliokidean Universidad del País VAsco/Euskal Herriko Unibertsitatean matrikulak duen kostua izango da, 2018ko ekainaren 20ko Sailburuaren aginduaren arabera.

  • Matrikularen kredituak zabaltzea

    Unibertsitate Zuzendaritzari 2019ko martxoaren 31ren ondoren jakinarazten zaizkion kredituen zabaltzeak ez dira kontuan hartuko

  • Elkarbizitza-unitateak

    Ezkontzaren edo izateko bikotearen lokarria desagertu ez den egoera jakin batzuetan gurasoek elkarbizitza-unitateari egin beharreko ekarpena kalkulatzeko, deialdi-aginduak 15.4 artikuluan ezarritako irizpide (EHAA, 2018-07-10)

Beka eskatzen duten pertsona guztiek derrigorrean aurkeztu beharreko agiriak:

  • Eskabide-inprimakia, behar bezala beteta, eskatzaileak eta 16 urtetik gorako familia-unitatea osatzen duten gainerako pertsonek sinatuta. Zenbait orritan izenpetzea derrigorrezkoa da.

  • 2017ko abenduaren 31ko errolda kolektiboa. Ez da banakako errolda onartuko.

  • Libretaren edo banka elektronikoaren inprimatzearen fotokopia, eskatzaileak titular gisa agertu behar du, eta banku-libretaren edo kontu korrontearen kontu-zenbaki osoa (IBAN barne).

Eskatzailearen egoera pertsonalen arabera derrigorrean aurkeztu beharreko agiriak:

  • Eskatzailearen gurasoak dibortziatuta edo bananduta badaude: dibortzioari buruzko sententzia eta hitzarmen arautzaile osoa.

  • Ikasketak direla eta ohiko bizilekutik kanpo bizi behar badu:
    • Alokairu-kontratu osoa eta izenpetua, eta fidantza eta 1. hilabetea ordaindu izana justifikatzeko agiria.
    • Ikasleen egoitzan plaza erreserbatzearen ziurtagiria, kostua adieraziko duena, eta 1. hilabetea ordaindu izana justifikatzeko agiria.

  • Abisu inportantea nazio edo nazioarte mailako mugikortasun-programetan ari diren ikasleentzat: 2. seihilekoaren alokairu-kontratua hasieran entregatzerik ez badago, abisatzea gomendatzen da, eskaera dokumentazioa osorik egon arte ez tramitatzeko.

  • Pertsona elbarrituen kasuan: elbarritasun-maila aitortzen duen Aldundiaren ebazpenaren kopia.

  • Eskaera pertsona independente gisa (gurasorik gabe) egiten bada:
    • Alokairuan bizitzen bada, kontratuaren kopia.
    • Emantzipazio-programa batean badago, ziurtatzeko agiria.

  • Egindako gradukoa ez den unibertsitate batean masterrerako beka eskatzen badu: batez besteko nota agertzen duen espediente akademikoaren ziurtagiria.

  • Aginduaren 30. artikuluan agian aurkeztu beharreko beste agiri batzuk jasota agertzen dira, ikasle bakoitzaren egoera pertsonalaren arabera. (EHAA, 2018-07-10)
  • UPV/EHUn matrikulatutako ikasleak: ikasketak egingo diren zentroan entregatu beharko da eskaera, matrikula egiteko hitzordua ematen dioten egunean. Irailaren 17a baino lehenago egitea gomendatzen da, UPV/EHUk matrikula-tasak beka ebatzi arte ez kobratzeko.

  • Euskal Autonomia Erkidegoan kokatutako beste unibertsitate edo zentro batzuetan matrikulatutako ikasleak: eskaera unibertsitatean edo goi mailako zentroan bertan zuzenean entregatzea gomendatzen da.

  • Euskal Autonomia Erkidegotik at matrikulatutako ikasleak:
    • Ondorengo unibertsitateetakoren batean matrikulatutako ikasleak: beka-eskaera hantxe bertan entregatzea gomendatzen da, beka-zerbitzuan edo zentroko idazkaritzan.
UNED Nafarroako Unibertsitatea 
Kantabriako Unibertsitatea Salamancako Unibertsitate Pontificia
Madrilgo Unibertsitate Konplutentsea Comillasko Unibertsitate Pontificia
Salamancako Unibertsitatea La Coruñako Unibertsitatea
Valladolideko Unibertsitatea Errioxako Unibertsitatea
Zaragozako Unibertsitatea Burgoseko Unibertsitatea
Madrilgo Unibertsitate Politeknikoa  Errioxako Unibertsitate Internazionala 

    • Aurrekoetakoren bat ez den beste unibertsitate batean matrikulatutako ikasleak: eskaera Zuzenean-go edozein bulegotan edo edozein erregistro baimendutan entregatzea gomendatzen da.

    • Unibertsitateaz kanpoko goi mailako ikastegietan matrikulatutako ikasleak: eskaera Zuzenean-go edozein bulegotan edo edozein erregistro baimendutan entregatzea gomendatzen da.

 

2017-2018 ikasturtea

Beka ebazpen propoasamenaren emaitza ezagutzeko, zure espedientera, erabiltzaile eta pasa-hitzarekin, sartu behar duzu. Proposamenarekin ados daudenek onartzen dutela espresuki adierazi ahal dute. Proposamena onartzeko edo alegazioak aurkeztuko direla aditzera emateko, espedientera sartu behar da (alegazio-eredua)

Datozen asteetan proposamen berriak emango dira iragarki-taulan argitara. Unibertsitate Zuzendaritzak SMS bat eta abisua emateko e-mail bat bidaliko die, aldez aurretik, proposamen edo ebazpen bakoitzean dauden ikasleei.

  • 7. ebazpen proposamena (2018-05-04)
         Alegazioak aurkezteko epea: 2018ko maiatzaren 5etik 21ra arte, biak barne

  • 6. ebazpen proposamena (2018-04-19)
         Alegazioak aurkezteko epea: 2018ko apirilaren 20tik maiatzaren 4ra arte, biak barne

  • 5. ebazpen proposamena (2018-03-22)
          Alegazioak aurkezteko epea: 2018ko martxoaren 23tik apirilaren 6ra arte, biak barne

  • 4. ebazpen proposamena (2018-02-27)
         Alegazioak aurkezteko epea: 2018ko otsailaren 28tik martxoaren 14ra arte, biak barne

  • 3. ebazpen proposamena (2018-02-08)
         Alegazioak aurkezteko epea: 2018ko otsailaren 9tik 23ra arte, biak barne

  • 2. ebazpen proposamena (2018-01-17)
         Alegazioak aurkezteko epea: 2018ko urtarrilaren 18tik otsailaren 1era arte, biak barne

  • 1. ebazpen proposamena (2017-12-11)
       Alegazioak aurkezteko epea: 2017ko abenduaren 12tik 26ra arte, biak barne

Beka ebazpenaren emaitza ezagutzeko zure espedientera, erabiltzaile eta pasa-hitzarekin, sartu behar duzu. Beka ebazpenaren emaitzaren ziurtagiri bat deskargatzeko aukera izango duzu.

Datozen asteetan ebazpen berriak emango dira iragarki-taulan argitara. Unibertsitate Zuzendaritzak SMS bat eta abisua emateko e-mail bat bidaliko die, aldez aurretik, ebazpen bakoitzean dauden ikasleei.

Prozedura-ebazpen horren aurka, gora jotzeko errekurtsoa aurkeztu ahal izango zaio Unibertsitate eta Ikerketako sailburuordeari (Gora jotzeko errekurtsoa- Eredua)

  • Matrikularen salneurri publikoa

Deialdi honetatik aurrera, “matrikula” osagaiaren salneurria, gehienez, ikasketa berdinean edo baliokidean Euskal Herriko Unibertsitatean matrikulak duen kostua izango da. Matrikulen prezioa arautzen da 2017ko ekainaren 20koa, Hezkuntza, Hizkuntza Politika eta Kulturako sailburuaren Aginduaren bidez (EHAA 2017-06-30)

  • Matrikularen osagaiak eta prezio publikoa ordaintzea

Unibertsitate-beka eman zaien ikasleei bi fase desberdinetan ordainduko zaie. Beka eman zaiela jakinarazteko ebazpenaren ondoren, behar diren bekaren osagai guztiak (egoitza, aparteko material didaktikoa, aprobetxamendu akademikoa edo garraioa) ordainduko dira, ikasturtearen bukaeran ordainduko den matrikularen prezio publikoa izan ezik

  • Matrikularen kredituak zabaltzea

Unibertsitate Zuzendaritzari 2018ko martxoaren 31ren ondoren jakinarazten zaizkion kredituen zabaltzeak ez dira kontuan hartuko

  • Elkarbizitza-unitateak

    Ezkontzaren edo izateko bikotearen lokarria desagertu ez den egoera jakin batzuetan gurasoek elkarbizitza-unitateari egin beharreko ekarpena kalkulatzeko, deialdi-aginduak 15.4 artikuluan  ezarritako irizpide