Zure osasun zentroko arreta, talde-lanean
Osasuna zaintzea talde-lana da. Norbanako bakoitzak parte har dezake bere osasuna hobetzen eta osasun-sistemari laguntzen.
Osakidetzako osasun-zentroak kalitatezko arreta eskaintzeko daude antolatuta, eta beharrezko bitartekoak dituzte.
Horretarako, betiere, pertsonen beharrak hartzen dira aintzat.
Osasun-zentroko taldea zenbait profesionalek eratzen dute. Fida zaitez haietaz eta jarrai itzazu beraien argibideak.
- Triptikoa deskargatu: Zure osasun zentroko, ARRETA, TALDE LANEAN (PDF, 584 KB)
Lagun iezaguzu zure osasuna zaintzen:
- Laguntzarik gabe ebatzi ezin dituzun osasun-zalantzak edo -arazoak kontsulta itzazu.
- Eskatuko duzuna premiazkoa den ala ez balora ezazu.
- Ahal den guztietan, saia zaitez telefonoz ebazten edo programatutako hitzordu batera joaten.
- Premia handiko egoeretan, jar ezazu zentroa jakinaren gainean (asko luzatu gabe) edo joan zaitez Etengabeko Arreta Gunetara (EAG).
- Autozaintzari eta tratamenduari buruzko jarraibideak eta aholkuak jarrai itzazu.
Zertan lagun diezazukete administrazio arloan?
- Beraiek dakite ondoen nora jo behar duzun osasun arloko premia duzunean. Esaiezu arazoa zein den, eta, horrela, lana erraztuko diezu.
- Zure zentroan edo erkidegoan garatzen diren osasun-programei buruzko informazioa emango dizute.
- Kontsultarako, probetarako edo analisietarako hitzorduak eta erreklamazioak kudeatzen.
- Administrazio-izapideak kudeatu edo jasoko dituzte (baja- edo alta-agiriak, errezetak, kontsulta-orriak edo zure osasun-txartelari edo zorroari loturiko horiek jasotzea).
Zer nolako zaintzak jaso ditzakezu erizaintzako langileen aldetik?
- Prozesu arinentzako zaintzak (hotzeria, eztarriko mina, sukarra, beherakoa eta okadak…).
- Etxean bertan zaindu ditzakezun beharrez haraindi doazen lesio, ultzera, zauri edo ubelentzako zaintzak.
- Zure gaixotasun kronikoaren jarraipena.
- Zure osasuna zainduko duten programak (tabakoa uztea, osasun-hezkuntza).
- Haurrentzako arretan: txertoak, haurrentzako osasun-programa…
Noiz joan emaginarenera?
- Haurdun bazaude, informazio, jarraipen, erditze aurretiko eta ondoko prestatze guztiarekin laguntzeko.
- Amagandiko edoskitzearekin laguntzeko.
- Kontrazepzioaren edo sexu-transmisiozko gaixotasunak prebenitzearen inguruko informazioa jasotzeko.
- Umetoki-lepoko minbizia bahetzeko programan parte hartzeko.
Noiz joan zure familiako medikuarenera?
- Zure osasun-egoeraren arabera, familiako medikuak behar duzun banan-banako jarraipena adieraziko dizu (zer nolako azterketa, zer nolako maiztasunez).
- Zure osasun-egoeran aldaketaren bat sumatuz gero edo zaintza orokorrekin arintzen ez diren sintoma berriak badituzu.
- Gaixotasun kroniko batek okerrera egiten badu.
- Arazoak badituzu agindutako medikazioarekin.
Noiz eraman zure seme-alaba pediatriako kontsultara?
- Haurrentzako osasun-programan zehaztutako hitzordua duzunean.
- Nahiz eta ohiko autozaintzako neurriak hartu, denboran luzatzen den edo txarrera egiten duen osasun-egoeran aldaketarik egonez gero.
Azken aldaketako data: