Evreuxko Etxea
1328-1425 urteetan Nafarroan agindu zuen errege dinastia frantsesa. Frantziako etxeko dinastiaren ondorengo errege dinastia izan zen Nafarroan. Evreuxko dinastia Juana II.a Nafarroako Filipe III.a Evreuxkoarekin ezkondu zenean hasi zen, Karlos III.a Frantziakoa hil ondoren (1328). Evreuxko dinastiako erregeak izan ziren: Karlos II.a Gaiztoa deitua (1349-1387), Karlos III.a Noblea (1387-1425) eta Zuria Nafarroakoa, Joan II.aren emaztea (1425-1442). Karlos III.a izan zen Evreux etxeko errege indartsuena; Viana printzerria sortu zuen, baina haren ondoren hasi ziren Nafarroako nobleen arteko tirabirak, gatazkak eta, azkenean, gerra zibila.
