Estatistikak

1. Sekzioa.¿ Baimen erregimena eta ezaugarriak.

   4. atala.¿ 1.¿ Kudeaketa zuzeneko jantokietarako prozedura eta baldintzak:

      1. OOG ko presidenteak sinatutako baimen-eskabidea igorriko du Lurralde Ordezkaritzako Ikastxeetako Burutzara.

         Eskabideri honako agiriak erantsiko zaizkio:

         1. ¿ OOG aren Akordioa, bertan, nahitaez, honakoak jasoko dira:

            • Kudeaketa zuzeneko jantoki-zerbitzuaren berariazko aukera.

            • Sailak antolatu eta finantziatutako eguerdiko garraioari berariaz uko egitea. Hala ere, Hezkuntza, Unibertsitate eta Ikerketa Sailak, OOG aren aginduz ikastetxeko jantoki-zerbitzua ezin erabil dezaketen talde zehatzentzat, taldeek eurek hala eskatzekotan, eta aurretiaz uko egiten badiote jantoki-zerbitzuari (uko egite hori ikasturte osorako izango da) eguerdiko garraio-zerbitzua baimen lezake.

         2. ¿ Zabaldu nahi den jantokiaren ezaugarri orokorren memoria, ikastetxeko zuzendariak sinatutakoa, honako puntuak jasoko dituena:

            • Jantokirako eskatutako antolaketa eta funtzionamendu barne araudia.

            • Eskola-jantokiko egoitza eta zerbitzu desberdinetara zuzendutako tokien kokapena erakusten duten planoak.

            • Erabiltzaileen gutxi gora-beherako kopurua, edukiera eta, dagokion kasuan, jantokiko txandak.

            • Jantokiko txanden aurretik eta ostetik egiteko programatutako jarduerak.

            • Jantokiaren finantziaziorako aurreikusitako sistema, aurrekontuak jotako sarrerak eta gastuak.

      2. Ordezkaritzako Ikastetxeen Burutzak baimentzearen edo ez baimentzearen bidezkotasunari buruzko txostena, bertan baimen-baldintzak jasoz, igorriko du, a) idazatian adierazitako gainontzeko agiriekin batera, Hezkuntza, Unibertsitate eta Ikerketa Saileko Ikastetxeetako Zuzendaritzara.

      3. Ikastetxeetako zuzendariak baimena eman edo eskabidea ukatzea erabakiko du, erabaki positibodun bi kasu eman daitezkeelarik:

         1. ¿ Behin-behineko baimena: jantokiak egokitze-lanak behar dituztenean eta jantoki-zerbitzuaren funtzionamendua berma dezaketenean.

         2. ¿ Behin-betiko baimena.

      4. Ikastetxeetako zuzendariak emango duen baimenak eskola-jantokiaren funtzionamendua ahalbidetuko du, ezarritako formaz eta araudiz.

      5. Aipatu baimenaren baldintzaren bat aldatuko balitz, Ikastetxeetako Zuzendaritzari jakinaraziko zaio, kasuan kasuko Lurralde Ordezkaritzaren bitartez, berorrek erabaki dezan aipatu baimena aldatzea egoki denentz.

         2. ¿ Agindu honetan ezarritako baldintzak eta betebeharrak ez betetzeak, edo jantoki-zerbitzuan ekonomia-defizita egoteak, eskola-jantokiaren zabaltzearen eta berorien funtzionamenduaren baimena baliogabetzea ekar lezake. Nolanahi ere, bazkalkideen kuotak ezartzeko Hezkuntza, Unibertsitate eta Ikerketa Sailak ezarritako irizpideak ez betetzeak berehala baliogabetzea ekarriko du.

            Halaber, ikastetxeko OOGak ezin berma baditzake eskola-jantokia behar bezala funtzionatzeko eta antolatzeko beharrezko baldintzak, Ikastetxeetako zuzendariak jantoki-zerbitzua etetea erabakiko du.

   5. atala.¿ Kudeaketa zuzeneko jantokiek honako ezaugarriak izango dituzte:

   1. ¿ Janarien prestaketa:

      1. Kanpoan prestatutako janaria: arloko enpresa bati kontratatutako prestaketa eta banaketa

      2. Hala ere, eta bazkalkideen taldearen ezaugarriek hala gomendatzekotan, ikastetxean prestatuko da janaria: lehengai horniketa, prestaketa eta banaketa arloko enpresa bati kontratatua.

   2. ¿ Sukaldeko langileak:

      1. Janari hornitzailea den enpresak kontratatutako sukaldeko langileak, bai ikastetxetik kanpo zein ikastetxean bertan prestatu.

      2. Salbuespenez, sukaldeko langileak Sailekoak bertakoak izan daitezke, azken hauek egoera geografikoak eta sozioekonomikoak erdeinatutako alderdietakoak diren ikasleez arduratzen diren jantokietara zuzenduko dira.

         Sukaldeko langileen ratioak Hezkuntza-Administrazioko Sailordetzak zehaztuko ditu urtero.

   3. ¿ Zaintza:

      1. Ikastetxeko irakasleak arduratuko dira zaintzaz, zaintza lanak egiten dituzten irakasleek, euren jardueraren ordainez, kasu bakoitzean ezartzen denaren arabera, irakastordu gutxiago emateko eskubidea izango dute.

      2. Salbuespenezko kasuetan arloko enpresa baten bidez kontratatuko da.

         Zaintzaz arduratzen diren langileen ratioak Hezkuntza-Administrazioko Sailordetzak zehaztuko ditu urtero.

   4. ¿ Arduraduna:

      Jantoki bakoitzeko bat, ikastetxeko irakaslea izango dena. Jantoki partituen kasuan jantoki-instalazioak dauden ikastetxeko irakaslea izango da.

   6. atala.¿ Jantoki-zerbitzua kontratatzeko erregimena:

   1. ¿ Hezkuntza, Unibertsitate eta Ikerketa Sailak bideratuko du kontratazio-espedientea, horretarako ikastetxeak eskatutako agiriak aurkeztu beharko ditu.

   2. ¿ Salbuespenez, Sail horrek berak hala baimenduta eta indarreango araudiarekin bat etorriz, aipatu kontratazioa ikastetxeak zuzenean egin ahal izango du, beti ere, zerbitzuaren kostua txikiagoa izan eta jantokiaren ardura duten langileak aipatu Sailekoak baldin badira.

2. Sekzioa.¿ Jantoki-zerbitzuaren erabilpena.

   7. atala.¿ Zerbitzu hori dohain erabiltzeko eskubidea izango dute sukaldaritza, zaintza eta arduradun funtzioak beteko dituzten Saileko langileek, baita Hezkuntza Bereziko laguntzaileek ere.

   8. atala.¿ Ikastetxeko OOGak jantokiko plazak esleituko ditu honako lehentasunen arabera:

      1. Berezko eskubidedunak:

         • Ikastetxeko ikasleak garraio eskubidearekin.

         • Beste ikastetxe batzuetako ikasleak garraio eskubidearekin.

         • Ikastetxeko bekadunak.

         • Beste ikastetxe batzuetako bekadunak.

      2. Bolondresak:

         • Ikastetxeko gainontzeko ikasleak.

         • Beste ikastetxe batzuetako gainontzeko ikasleak.

         • Ikastetxeko langileak.

         • Beste ikastetxe batzuetako langileak.

           Jantokian lan egiten duten irakasleek zein bestelako langileek beti izango dute plaza erreserba bete behar dituzten funtzioen izaera dela eta.

3. Sekzioa.¿ Funtzionamendu erregimena.

   1. Azpisekzioa.¿ Kudeaketa-organoak

   9. atala.¿ Ikastetxeko Ordezkaritza Organo Gorenari dagokio:

   1. ¿ Eskola-jantokiko antolaketarako eta funtzionamendurako jarraipideak onartzea.

   2. ¿ Jantokiko barne-funtzionamendurako araudia onartzea, ikastetxeko Antolamendu eta Jarduera-Araudiaren zati izango dena.

   3. ¿ Jantokiaren funtzionamendua ikuskatzea, Euskal Eskola Publikoaren Legeak bere 36.2.c) atalean zuzendarien kidegoari esleitzen dizkien eskumenen kaltetan gabe.

   4. ¿ Jantokiko kudeaketa ekonomikoa kontrolatzea, berorren aurrekontua eta berorren urte bukaerako kitapena onartuz (gastuen eta sarreren kontuak).

   5. ¿ Menuak onartzea ikasleen premia dietetikoak kontuan hartuz. OOG ak behar bezala justifikatutako osasun arrazoiengatik salbu, ez da onartuko bazkalkide-moten araberako menu berezituak izan daitezen.

   6. ¿ Bazkalkideen kuotak onartu, Hezkuntza, Unibertsitate eta Ikerketa Sailak ezarritakoaren arabera.

      Irizpide horiek aplikatuko ez balira jantokia zabaldu eta berorren funtzionamendurako baimena berehala baliogabetzea ekarriko luke berekin, Agindu honetako 4.2 atalean ezartzen denez.

   7. ¿ Ikastetxeko edo beste ikastetxe batzuetako ikasleak zein langileak jantokian sartzeko irizpideak, Agindu honetako 8. atalean ezarritakoak, betetzen diren ikuskatzea.

   8. ¿ Ikasleek parte har dezaten programak onartzea: osasunerako hezkuntza, gizarteko ohiturak hartzea eta aisialdia.

   9. ¿ Hala badagokio, Jantokiko Batzordea onartu.

   10. ¿ Zerbitzua behar bezala gara dadin beharrezkoa den beste edozein funtzio, baita indarreango araudiak agintzen dituenak ere.

   10. atala.¿ Ikastetxeko zuzendaria bera izango da jantokiko funtzionamenduaren arduradun gorena. Jantoki partituen kasuan, ikastetxeetako zuzendariek jantokiko zuzendaritza partitzen dute, hobeto deritzoten moduan antolatuko dira berorren kudeaketarako, beti ere instalazioak dauden ikastetxeko zuzendariaren gainbegiradapean.

       Jantokiko zuzendariak honako funtzioak beteko ditu:

   1. ¿ Jantokiko funtzionamenduari dagokionez egoki irizten diren izapideak eman arduradunari.

   2. ¿ Hala badagokio, jantokiko batzordeko presidentea izan.

   3. ¿ Jantoki-zerbitzura esleitutako Hezkuntza, Unibertsitate eta Ikerketa Saileko langileen buru gisa jardun eta kanpoko langileen kasuan, bete behar dituzten funtzioen buru gisa, hala egokituz gero, hornitzaileak diren enpresen eta beren langileen artean existitzen diren lan-harremanen kaltetan gabe.

   4. ¿ Gastuak eta ordainketak baimenduko ditu. Jantoki partituen kasuan, kudeaketa ekonomikoa, era berean ikastetxearen kudeaketa ekonomikoan sartua, jantokia dagoen ikastetxean bakarra izango da.

   5. ¿ Zerbitzua behar bezala gara dadin beharrezkoa den beste edozein funtzio, baita indarreango araudiak agintzen dituenak ere.

   11. atala.¿ Jantokiko arduraduna izango da jantokiko kudeaketaren erantzukizuna duena, beti ere, ikastetxeko zuzendariaren gainbegiradapean eta, jantokiko batzordeak lagunduko dio, batzorde hori eratzea komenigarri ikusten den jantokietan.

       Jantokiko arduradunak honako funtzioak beteko ditu:

   1. ¿ Zaintza zereginetan jardun.

   2. ¿ Janari-zerbitzua antolatu.

   3. ¿ Menuen jarraipena.

   4. ¿ Hornitzaileei gastuen eta ordainketen proposamena egin. Bere ikastetxeko zein zerbitzuaz baliatzen diren beste ikastetxe batzuetako ikasleei, konbrantzaren jarraipena.

   5. ¿ Elikagaien eta lokalen higienearen kontrola.

   6. ¿ Sukaldeko tresneriaren inbentarioa aldian behin prestatzea eta gaurkotzea eta, behar direnak berriz jartzea.

   7. ¿ Jantokiko batzordea eratzekotan, organo horrek egin bilkuren aktak jaso.

   8. ¿ Jantokiko fondoen kontrola eraman.

   9. ¿ Jantokian bere zerbitzuak eskaintzen dituzten irakasleekin eta langileekin zuzeneko tratua eta zerbitzuak ematen dituzten enpresekin ere harreman zuzena.

   10. ¿ Jantokiko batzorderik eratzen ez den kasuetan, organo horren funtzioak bere gain hartuko ditu.

   11. ¿ Zerbitzua behar bezala gara dadin beharrezkoa den beste edozein funtzio, baita indarreango araudiak agintzen dituenak ere.

   12. atala.¿ Jantokiko Batzordea existitu ahal izango da (eta Hezkuntza, Unibertsitate eta Ikerketa Sailak berori era dadin sustatuko du), eta honako kideek osatuko dute:

       1. Ikastetxeko/ikastetxeetako zuzendaria/k.

       2. Arduraduna.

       3. OOG ak/ek adostutako ikasle ( DBHko lehenengo ziklotik hasita) eta ikasleen guraso kopuru batek; ahal dela, eskola-jantokia erabiltzen duten ikasleak eta ikasleen gurasoak izan beharko dute.

          Jantokiko Batzordeak honako funtzioak bete beharko ditu:

          1. ¿ Jantokiko aurrekontua prestatu.

          2. ¿ Ordezkaritza Organo Gorenari kontuak eman.

          3. ¿ Arduradunarekin batera jantokiko fondoen administrazioanlagundu.

          4. ¿ OOG ari menuak proposatu, ikasleen premia dietetikoak kontuan hartuz.

          5. ¿ Ikasleek parte har dezaten programak prestatu: osasunerako hezkuntza, gizarte ohiturak hartzea eta aisialdia.

          6. ¿ Helburuak betezen direnentz jarraipena.

          7. ¿ Jantokiko zerbitzua ebaluatu eta OOGari hobekuntzak planteatu.

          8. ¿ Zerbitzua behar bezala gara dadin beharrezkoa den beste edozein funtzio, baita indarreango araudiak agintzen dituenak ere.

          2. Azpisekzioa.¿ Sukaldeko langileak, Zaintzaz

             arduratzen direnak eta Hezkuntza Bereziko

             laguntzaileak.

   13. atala.¿ Sukaldeko langileak arduratuko dira janariak behar bezala prestatzeaz.

       Sukaldeko langileei honako funtzioak dagozkie:

   1. ¿ Janariak prestatzea.

   2. ¿ Janaria behar bezala aurkeztea, jantokiraino eramanez.

   3. ¿ Janaria mahaietan zerbitzatu eta gero erretiratu.

   4. ¿ Sukaldearen garbiketa baita bertako tresneriarena ere.

   5. ¿ Jantokiko instalazioak garbitzea eta doitzea.

   6. ¿ Jantokiko arduradunari jantokiko funtzionamenduan zuzenean eragiten duten gaien jakitun jarri.

   7. ¿ Zerbitzua behar bezala gara dadin beharrezkoa den beste edozein funtzio, baita indarreango araudiak agintzen dituenak ere.

      Funtzio horiek arloko enpresa batean batzen diren jantokietan, funtziook kontratatutako enpresako langileek beteko dituzte, eta enpresa bera arduratuko da horiek ondo betetzeaz.

   14. atala.¿ Zaintzaz arduratzen diren langileen funtzioak honakoak dira:

   1. ¿ Jantokian ordena egon dadin arduratzea.

   2. ¿ Jantokian eta atsedenaldietan, jatordu aurretik zein ostetik, ikasleen ardura eta zaintza.

   3. ¿ Eskola-jantokiaren hezkuntza-izaera dela eta, Lehen Hezkuntzako hirugarren zikloko lehenengo urtetik hasita, ikasleen partehartzea sustatuko da mahai-zerbitzuak prestatzeko eta batzeko orduan eta, Derrigorrezko Bigarren Hezkuntzako lehenengo urtetik hasita, mahaiak zerbitzatzen eta txikienei laguntzen.

   4. ¿ Ikasleek parte har dezaten programak garatu: osasunerako hezkuntza, gizarte ohiturak eta aisialdia.

   5. ¿ Zerbitzua behar bezala gara dadin beharrezkoa den beste edozein funtzio, baita indarreango araudiak agintzen dituenak ere.

   15. atala.¿ Hezkuntza Bereziko laguntzaileak euren ikasleak eskola-komunitatean sartzeko bidea garatzeaz arduratuko dira era bateko edo besteko jantokien kasuan.

       Hezkuntza Bereziko laguntzaileei honako funtzioak dagozkie:

   1. ¿ Hezkuntza Berezikoak diren ikasle bazkalkideen zaintza-zereginak, beren garbitasunari arreta berezia jarriz.

   2. ¿ Bizikidetza-arauen garapena eta jateko orduan gizarte-portaera.

   3. ¿ Jantokiko tresnak erabiltzen irakatsi.

   4. ¿ Jolasaldian eta atsedenaldian, eta jatorduaren aurretik eta ostetik programatutako aisialdi-jardueretan zaintza-zereginak.

   5. ¿ Kurrikuluma norbanakoari egokitzearen garapenak ezartzen eta aurretiaz zehazten dituen lekualdaketetan hala eskatzen duen ikasleari lagundu.

   6. ¿ Zerbitzua behar bezala gara dadin beharrezkoa den beste edozein funtzio, baita indarreango araudiak agintzen dituenak ere.

   3. Azpisekzioa.¿ Erantzukizuna.

   16. atala.¿ Jantokiko funtzioak eta lanak betetzen dituzten langileen erantzukizuna, langileek eurek dituzten funtzioen arabera zehaztuko da.

4. Sekzioa.¿ Segurtasuna eta Higienea.

   17. atala.¿ Hezkuntza, Unibertsitate eta Ikerketa Sailak, Osasun Sailak ezartzen duena alde batera utzita, jantokien osasun-egoera kontrolatuko du, gai horren inguruan herriko erakundeen eskumenen kaltetan gabe.

       Halaber, ikasturte bakoitzean jantokia funtzionatzen hasi aurretik, instalazioen, etxetresna elektrikoen, sukaldeko tresneriaren eta abarren egoera ezin hobea dela egiaztatuko du.

       Horretarako, ikasturte bakoitza hasi orduko, Hezkuntza, Unibertsitate eta Ikerketa Sailak, Osasun Sailari baimendutako jantokien zerrenda helarazi ahal izango dio.

       Hori dela eta, baimendutako jantoki guztiek Osasun-Ikuskaritzaren bisiten liburua izango du.

5. Sekzioa.¿ Finantziazioa.

   18. atala.¿ 1.¿ Jantokiak bazkalkideen kuoten bitartez finantziatuko dira, eta hala badagokio, helburu horretara zuzendutako bestelako ente publikoren zein pribaturen diru-ekarpenen bitartez.

       Hezkuntza-Administrazioko Sailordetzak urtero ezarri ohi dituen irizpideei jarraiki zehaztuko dira bazkalkideen kuotak.

   2. ¿ Era berean, aipatu kuotek eta diru-ekarpenek jantoki-zerbitzuaren kostu erreala estaliko ez balute, Sailak emango dizkie ikastetxeei behar adinako dotazioak, Euskal Eskola Publikoaren Legearen 54.2 atalean ezarritakoaren arabera, Lege horretako 56.1, 31.2.b) eta 36.2.b) atalei jarraiki.

   3. ¿ Kuotak ordaindu ezean jantokiko plaza galduko da. OOGak erabakiko du nori kendu plaza.

6. Sekzioa.¿ Kontrola eta Erregistroa.

   19. atala.¿ 1.¿ Hezkuntza, Unibertsitate eta Ikerketa Sailak, arlo bakoitzean organo eskudunen bitartez, hau da, Ikastetxeetako Zerbitzuak, Langileria, Horniketa, Aukera Berdintasuna eta Aurrekontuak, eskola-jantokien administrazio-funtzionamendua eta funtzionamendu ekonomikoa ikuskatuko ditu, hori guztia Zerbitzuen Ikuskaritza Orokorraren bidez egin daitezkeen jardueren kaltetan gabe.

   2. ¿ Baimendu, aldatu eta baliogabetzeko jarduerak Sailak berak, Ikastetxeetako Burutzen bitartez, egingo ditu, eta langileen jarraipena Ordezkaritzako Langileriaren Burutzak egingo du.

   3. ¿ Aurrekontuen eta Kontrol Ekonomikoaren eta Aukera Berdintasunerako Zerbitzuek jantokiak ekonomikoki eta administratiboki kudeatzeko behar adina izapide emango dituzte.

      Hezkuntza Administrazioko eta Aurrekontuetarako Lurralde Burutzak, jantokien jarraipen administratiboa eta ekonomikoa egingo du eta horretarako beharrezkoa den informazioa eskatuko du.

   4. ¿ Funtzionamendu gastu orokorretarako baimendutakoaz aparte, ikastetxeek jantokia kudeatzeko banku-kontua edukiko dute, hala nahi izanez gero, eta ikastetxeko kudeaketa ekonomiko osoaren baitan kudeatuko da, aurretiaz onartutako urteko kudeaketa-programaren arabera.

   20. atala.¿ Hezkuntza, Unibertsitate eta Ikerketa Sailaren menpe dagoen ikastetxeetako erregistroan jasoko da zein diren baimendutako jantokiak.

I Sekzioa.¿ Baimen erregimena eta ezaugarriak.

21. atala.¿ 1.¿ Kudeaketa ez-zuzeneko jantokiak erabiltzeko prozedura eta baldintzak:

    1. Jantokirako baimen-eskabidea, Ikastetxeko OOGko presidenteak sinatua, Lurralde Ordezkaritzako Burutzara zuzenduko da.

       Eskabidearekin batera honako agiriak aurkeztuko dira:

       1. ¿ OOG aren Akordioa, bertan kudeaketa ez-zuzeneko jantoki-zerbitzuaren berariazko aukera.

       2. ¿ Ikastetxeko zuzendariak jantokiaren kudeaketa bere gain hartuko duen zuzenbide pribatuko enteari jantokirako erabiliko diren lokalak dohainik erabiltzeko aldi baterako baimenaren, eta enteak onartu dueneko egiaztagiria.

       3. ¿ Zabaldu nahi den jantokiaren ezaugarri orokorren memoria, jantokia kudeatuko duen zuzenbide pribatuko enteak sinatua, eta honako puntuak jasoko dituena:

          • Eskola-jantokiko egoitza eta zerbitzu desberdinetara zuzendutako tokien kokapena erakusten duten planoak.

          • Erabiltzaileen gutxi gora-beherako kopurua, edukiera eta, dagokion kasuan, jantokiko txandak.

          • Jantokiaren finantziaziorako aurrikusitako sistema, aurrekontuak jotako sarrerak eta gastuak.

          • Jantokiaren kudeaketa bere gain hartuko duen zuzenbide pribatuko entearen gaitasun juridikoaren egiaztagiria.

    2. Ordezkaritza Ikastetxeen Burutzak baimentzearen edo ez baimentzearen bidezkotasunari buruzko txostena, bertan baimen-baldintzak jasoz, igorriko du, a) idazatian adierazitako gainontzeko agiriekin batera, Hezkuntza, Unibertsitate eta Ikerketa Saileko Ikastetxeetako Zuzendaritzara.

    3. Ikastetxeetako zuzendariak baimena eman edo eskabidea ukatzea erabakiko du, erabaki positibodun bi kasu eman daitezkeelarik:

       1. ¿ Behin-behineko baimena: jantokiak egokitze-lanak behar dituztenean eta jantoki-zerbitzuaren funtzionamendua berma dezaketenean.

       2. ¿ Behin-betiko baimena.

    4. Ikastetxeetako zuzendariak emango duen baimenak eskola-jantokiaren funtzionamendua ahalbidetuko du, ezarritako formaz eta araudiz.

    5. Aipatu baimenaren baldintzaren bat aldatuko balitz, Ikastetxeetako Zuzendaritzari jakinaraziko zaio, kasuan kasuko Lurralde Ordezkaritzaren bitartez, berorrek erabaki dezan aipatu baimena aldatzea egoki denentz.

       2. ¿ Agindu honetan ezarritako baldintzak eta betebeharrak ez betetzeak, edo jantoki-zerbitzuan ekonomia-defizita egoteak, eskola-jantokiaren zabaltzearen eta berorien funtzionamenduaren baimena baliogabetzea ekar lezake.

          Nolanahi ere, ikastetxeko OOGak ezin berma baditzake eskola-jantokia behar bezala funtzionatzeko eta antolatzeko beharrezko baldintzak, Ikastetxeetako zuzendariak jantoki-zerbitzua etetea erabakiko du.

22. atala.¿ Kudeaketa ez-zuzeneko jantokietan, jantokiko-zerbitzua arloko enpresek emango dute.

23. atala.¿ Zerbitzuaren kontratazioa, hala badagokio, jantoki-erabilpenerako lokalak utzi zaizkion zuzenbide pribatuko enteak egingo du.

    Kudeaketa ez-zuzeneko jantoki-zerbitzuak eragiten dituen bestelako lan-harremanak ez dute Administrazioarekiko inolako lotura juridikorik ekarriko.

    II Sekzioa.¿ Jantoki-zerbitzuaren erabilpena.

24. atala.¿ Kudeaketa ez-zuzeneko jantokietan, Agindu honetako 8. atalean jasotzen den kudeaketa zuzeneko jantokietarako ezarritako berariazko eskubidea duten erabiltzaileen lehentasun-ordena errespetatu beharko da.

    3. Sekzioa.¿ Funtzionamendu erregimena.

25. atala.¿ Ikastetxeko Ordezkaritza Organo Gorenari dagokio:

1. ¿ Jantokiko barne-funtzionamendurako eta menuen hautaketarako irizpideak onartzea.

2. ¿ Jantokiaren funtzionamendua ikuskatzea.

3. ¿ Agindu honen 8. atalean ezarritako berezko eskubidedun erabiltzaileak sartzeko irizpideak betetzen direnentz ikuskatzea.

4. ¿ Jantokiaren kudeaketa ekonomikoa ikuskatzea.

26. atala.¿ Ikastetxeko zuzendaria arduratuko da eskola-jantokirako lokalen emate-akordian ezarritako irizpideak bete daitezen.

    4. Sekzioa.¿ Seguritatea eta Higienea.

27. atala.¿ Kudeaketa ez-zuzeneko jantokiei jantoki-zerbitzuan Seguritate eta Higienari buruz Agindu honetako 17. atalean ezarritakoa aplikatuko zaie.

    5. Sekzioa.¿ Kontrola eta Erregistroa.

28. atala.¿ 1.¿ Hezkuntza, Unibertsitate eta Ikerketa Sailak, arlo bakoitzean organo eskudunen bitartez, eskola-jantokien administrazio-funtzionamendua eta funtzionamendu ekonomikoa ikuskatuko ditu, hori guztia, Zerbitzuen Ikuskaritza Orokarraren bidez egin daitezkeen jardueren kaltetan gabe.

2. ¿ Baimendu, aldatu eta baliogabetzeko jarduerak Sailak berak, Ikastetxeetako Burutzen bitartez, egingo ditu.

3. ¿ Aurrekontuen eta Kontrol Ekonomikoaren Zerbitzuak eta Aukera Berdintasunerako Zerbitzuek Agindu honetan ezarritakoa betetzeko behar adina izapide emango dituzte eta Hezkuntza Administrazioko eta Aurrekontuetarako Lurralde Burutzak horretarako beharrezkoa den informazioa eskatuko du.

29. atala.¿ Agindu honen 20. atalean ezartzen denaren arabera jasoko dira ikastetxeko erregistroan kudeaketa ez-zuzeneko jantokiak.

    GEHIGARRIZKO XEDAPENAK