Berean zerbitzuak prestakuntza espezializatua eskaintzen die erakundeetako eta gizarteko eragileei. Zenbait formatutan ematen da prestakuntza (aurrez aurrekoa eta online), mailak daude (oinarrizkoa eta aurreratua) eta zenbait gairi buruzkoak dira: aniztasunaren kudeaketa positiboa, tratu-berdintasuna eta diskriminaziorik eza, eta gorroto-delituen identifikazioa eta prebentzioa.

Prestakuntza- eta sentsibilizazio-jarduera da diskriminazioaren aurkako borrokaren estrategia garrantzitsuenetako bat; izan ere, aukera ematen du diskriminazioa identifikatu, egiaztatu, kudeatu eta horren aurka borroka dezaketen eragileen eta agenteen kopurua eta gaitasuna handitzeko. Ildo horretan, prestakuntza benetako prebentzio-estrategia bihurtu da, eta horrela landu da.