Ezagutu Ingurumen Sanitatearen arloa

Ingurumen-osasunaren esparruan sartzen diren jarduerak honako hauek dira: ingurumeneko faktore arriskutsuen aurrean (fisikoak, kimikoak eta biologikoak) populazioaren osasuna zaindu, prebenitu eta babestearekin lotutakoak. Ildo horretan, Osasun Publikoko arlo nagusi bat da, ingurumen-arriskuek populazio osoei eragiten baitiete. Beste alde batetik, azpimarratu behar da egoera eta kolektibo kalteberenei edo gizarte-egoera ahulenean daudenei eman behar zaiela arreta berezia.

Hurrengo arloetan lan egiten dugu

• Kontsumoko urak

  Kontsumoko uren kalitatea kontrolatzea eta jarraipena egitea, hornidura-puntuetatik kontsumo-puntuetara. Herritarrentzako informazioa.

• Bainu urak

  Uraren kalitatea kontrolatzea eta hondartza eta igerilekuetako baldintza higieniko sanitarioak kontrolatzea.

• Legionella

  Legionella hedatzeko foku izan daitezkeen instalazioak kontrolatzea.

• Produktu kimikoak

  Produktu kimikoen merkaturatze-baldintzak kontrolatzea, bereziki herritarren eskura jartzen direnak.

• Eremu elektromagnetikoak

  Eremu elektromagnetikoen eraginpean egoteak osasunean izan ditzakeen ondorioei buruzko ebidentziei jarraipena egitea, eta herritarrei informazioa ematea.

• Airearen kalitatea

  Kutsadura biotikoak eta abiotikoak eragindako osasun-ondorioak.

• Osasun hondakinak kudeaketa

  Bereziki, hondakin sanitarioen ekoizleei zuzendutako informazioa, hondakin horiek kudeatzeko planei buruzkoa.

Erlazionatutako webguneak