Arautegia

Inprimatu

EBAZPENA, 2013ko otsailaren 7koa, Emakunde-Emakumearen Euskal Erakundeko zuzendariarena, Herrizaingoko sailburuaren 2011ko maiatzaren 30eko Aginduan aurreikusitako diru-laguntzei Euskal Autonomia Erkidegoko 2013rako luzatutako Aurrekontu Orokorretan emandako dotazioa iragartzen duena. Izan ere, agindu horrek ezartzen du Genero-indarkeriaren aurkako Babes Integraleko Neurriei buruzko abenduaren 28ko 1/2004 Lege Organikoaren 27. artikuluan aurreikusitako genero-indarkeriaren biktima diren emakumee

Identifikazioa

Lurralde-eremua: Autonomiko
Arau-maila: Ebazpena
Organo arau-emailea: Lehendakaritza
Jadanekotasuna-egoera: Indarrean

Aldizkari ofiziala

Deskargatu (PDF)

Aldizkari ofiziala: EHAA (Euskal Herria)
Aldizkari-zk.: 43
Hurrenkera-zk.: 1161
Xedapen-zk.: ---
Xedapen-data: 2013/02/07
Argitaratze-data: 2013/03/01

Gaikako eremua

Gaia: Gizarte gaiak eta emplegua; Ogasun eta Ekonomía; Administrazioaren antolamendua; Segurtasuna eta justizia
Azpigaia: Gizarte Gaiak; Ogasun; Gobernua eta herri administrazioa; Herrizaingoa

Deskribapenak

Testu legala

Aurkibidea erakutsiAurkibidea ezkutatu

- EBAZTEN DUT :

Herrizaingoko sailburuaren 2011ko maiatzaren 30eko Aginduak (2011ko maiatzaren 30eko EHAA, 101. zenbakia) ezartzen du Genero-indarkeriaren aurkako Babes Integraleko Neurriei buruzko abenduaren 28ko 1/2004 Lege Organikoaren 27. artikuluan aurreikusitako genero-indarkeriaren biktima diren emakumeei diru-laguntza emateko eta ordaintzeko prozedura.

Finantziazio eta aurrekontu-egozteari buruzko xedapen gehigarriak honela dio: «Publizitate-printzipioa betetzeko asmoz, Genero-indarkeriaren Biktimei Laguntzeko zuzendariaren ebazpenez argitara emango da, aurrekontu ekitaldi bakoitzaren hasieran, Euskal Autonomia Erkidegoko Aurrekontu Orokorretan horretarako emandako dotazioa»

Lehendakaritzaren idazkari nagusiaren 2013ko urtarrilaren 31ko Ebazpenaren bitartez, Emakunde-Emakumearen Euskal Erakundeko zuzendariari ematen zaizkio Genero-indarkeriaren Biktimei Laguntzeko Zuzendaritzaren titularraren eskumenak eta eginkizunak.

Abenduaren 23ko 6/2011 Legearen bidez, Euskal Autonomia Erkidegoko 2012ko Aurrekontu Orokorrak onetsi ziren, 2013an luzatuak izan direnak. Diru-laguntza horiek finantzatzeko, 540.000 euroko partida zuzendu zen, Genero-indarkeriaren Biktimei Laguntzeko Zuzendaritzaren kontura, eta ondoren adierazten da aurrekontuko partidaren xehetasuna: 13.0.1.01 04.0000.1.453.01.22110.001.N.

Horren indarrez, honako hau

EBAZTEN DUT :

1. artikulua Publizitate-printzipioa betetzeko asmoz, Euskal Autonomia Erkidegoko 2012ko Aurrekontu Orokorrak onetsi zituen abenduaren 23ko 6/2011 Legean adierazi denez 2013an luzatuak izan direnak, 540.000 euroko partida bideratu da 2011ko maiatzaren 30eko Aginduak aurreikusitako diru-laguntzak finantzatzeko.

2. artikulua Ebazpen honek amaiera ematen dio administrazio-bideari, eta, beraren aurka, interesdunek berraztertzeko errekurtsoa aurkez diezaiokete Emakunde-Emakumearen Euskal Erakundeko zuzendariari, hilabeteko epean, ebazpena Euskal Herriko Agintaritzaren Aldizkarian argitaratu eta biharamunetik aurrera; bestela, administrazioarekiko auzi-errekurtsoa aurkez dezakete zuzenean, dagokion Administrazioarekiko Auzietako Epaitegian, hil biko epean, ebazpena EHAAn argitaratu eta biharamunetik aurrera.

3. artikulua Ebazpen hau Euskal Herriko Agintaritzaren Aldizkarian argitara dadila agintzea, guztiek jakin dezaten.

Vitoria-Gasteiz, 2013ko otsailaren 7a.

Emakunde-Emakumearen Euskal Erakundeko zuzendaria,

MIREN IZASKUN LANDAIDA LARIZGOITIA.

Gaiarekin lotutako edukiak

Arauaren historia

Eskumenak eta transferentziak

Ez dago lotutako edukirik.

Garrantzi juridikoko dokumentazioa