Arautegia

Inprimatu

EBAZPENA, 2012ko urtarrilaren 22koa, Genero-indarkeriaren Biktimei Laguntzeko zuzendariarena, Herrizaingoko sailburuaren 2011ko maiatzaren 30eko Aginduan aurreikusitako diru-laguntzei Euskal Autonomia Erkidegoko 2012rako Aurrekontu Orokorretan emandako dotazioa iragartzen duena. Izan ere, Agindu horrek Genero-indarkeriaren aurkako Babes Integraleko Neurriei buruzko abenduaren 28ko 1/2004 Lege Organikoaren 27. artikuluan aurreikusitako genero-indarkeriaren biktima diren emakumeei diru-laguntza em

Identifikazioa

Lurralde-eremua: Autonomiko
Arau-maila: Ebazpena
Organo arau-emailea: Herrizaingo Saila
Jadanekotasuna-egoera: Indarrean

Aldizkari ofiziala

Deskargatu (PDF)

Aldizkari ofiziala: EHAA (Euskal Herria)
Aldizkari-zk.: 15
Hurrenkera-zk.: 337
Xedapen-zk.: ---
Xedapen-data: 2012/01/22
Argitaratze-data: 2012/01/23

Gaikako eremua

Gaia: Gizarte gaiak eta emplegua; Administrazioaren antolamendua; Segurtasuna eta justizia
Azpigaia: Gizarte Gaiak; Gobernua eta herri administrazioa; Herrizaingoa

Deskribapenak

Testu legala

Aurkibidea erakutsiAurkibidea ezkutatu

- EBAZTEN DUT :

Herrizaingoko sailburuaren 2011ko maiatzaren 30eko Aginduak (2011ko maiatzaren 30eko EHAA, 101. zenbakia) Genero-indarkeriaren aurkako Babes Integraleko Neurriei buruzko abenduaren 28ko 1/2004 Lege Organikoaren 27. artikuluan aurreikusitako genero-indarkeriaren biktima diren emakumeei diru-laguntza emateko eta ordaintzeko prozedura ezartzen du.

Finantziazio eta aurrekontu-egozteari buruzko Xedapen Gehigarrian, hauxe dago jasota: «Publizitate-printzipoa betetzeko asmoz, Genero-indarkeriaren Biktimei Laguntzeko zuzendariaren ebazpenez argitara emango da, aurrekontu ekitaldi bakoitzaren hasieran, Euskal Autonomia Erkidegoko Aurrekontu Orokorretan horretarako emandako dotazioa»

Euskal Autonomia Erkidegoko 2012ko Aurrekontu Orokorrak onetsi zituen abenduaren 23ko 6/2011 Legean 542.000 euroko partida zuzendu da diru-laguntza horiek finantzatzeko, Genero-indarkeriaren Biktimei Laguntzeko Zuzendaritzaren kontura, eta ondoren adierazten da aurrekontuko partidaren xehetasuna: 12.0.1.02 04.0000.1.453.01.22110.001.U

Horren indarrez,

EBAZTEN DUT :

1. artikulua Publizitate-printzipioa betetzeko asmoz, Euskal Autonomia Erkidegoko 2012ko Aurrekontu Orokorrak onetsi zituen abenduaren 23ko 6/2011 Legean adierazi denez, 542.000 euroko partida zuzendu da 2011ko maiatzaren 30eko Aginduak aurreikusitako diru-laguntzak finantzatzeko.

2. artikulua Ebazpen honen aurka, bide administratiboa agortzen ez duenez, gora jotzeko errekurtsoa aurkeztu dakioke Herrizaingoko sailburuari, ebazpen hau EHAAn argitaratzen denetik hilabeteko epean, Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legearen 114. eta 115. artikuluek ezarritakoaren arabera.

3. artikulua Ebazpen hau Euskal Herriko Agintaritzaren Aldizkarian argitara dadila agintzea, guztiek jakin dezaten.

Vitoria-Gasteiz, 2012ko urtarrilaren 22a.

Genero-indarkeriaren Biktimei Laguntzeko zuzendaria,

MARIOLA SERRANO ARGÜESO.