Estatistikak

Jaurlaritzaren Kontseiluaren 2013ko maiatzaren 28ko Erabakiak, Euskal Autonomia Erkidegoko Administrazio Orokorreko eta Instituzionaleko kargu publikodunen eta behin-behineko langileen etika- eta jokabide-kodea onartzen duenak, 1. eranskineko 18.2 artikuluan ezartzen duenez, kode honek helburu dituen kargu publikodunak eta parekatuak izendatzen direnean, tresna honen eduki osoa banaka atxiki beharko dute nahitaez karguaz jabetu aurretik, eta kargu publikodunak eta parekatuak ezingo dira karguaz jabetu kodea aldez aurretik banaka atxiki gabe. Karguaz jabetzeko izapiderik aurreikusi gabeko karguak baldin badira, izendapenaren aurretik atxiki behar dute kodea.

Beraz, banan-banan zehaztu behar da zer unetan eska daitekeen atxikimendu hori, eta batez ere, ezinbestekoa da argitzea zer ondorio dituen, eta argi utzi behar da ezin duela ondorio juridikorik eduki kodeak helburu dituen pertsonak izendatzeko lege-araubidean.

Funtsezkoa da kontuan edukitzea kodearen testuingurua esparru juridikotik kanpokoa dela, eta hori dela hura ulertzeko balio garrantzitsuenetako bat; horregatik, ez da inola ere ulertu behar kodea onartu ondoren ezinbesteko lege-baldintza denik karguaz jabetu aurretik kode horri banaka eta esplizituki atxikitzea eta kodeari atxiki gabe ezin denik izendapena burutu. Izan ere, horrek lege orokorretan ezarritako araubide juridikoa aldatzea ekarriko luke, adibidez Jaurlaritzaren Legean ezarritakoa, eta hori ez da inola ere aldatu nahi.

Aitzitik, ulertu behar da maila etikoko betebeharra dela kodearen eduki osoari banaka eta aurretik atxikitzeko eskakizuna eta, nolanahi ere, horretarako, interesa duenari beharrezko mekanismoak jarri behar zaizkiola atxikimendu hori egiteko eta, azken batean, bere borondatea adierazteko. Era berean, ezarritako epean ezin izan bada atxikimendua egiterik izan karguaz jabetu aurretik, karguaz jabetu ondoren atxiki ahal izateko aukera izan behar du, eta hala, haren ondorioak erabat baliozkotu ahal izango dira. Halakoetan, ezinbestean, norbait behar bezala izendatua izan bada aurrez kodeari atxiki gabe, kodeak ezarritakoaren eraginpean geratuko da, eta, maila etiko horretan, kargutik kendu beharko litzateke.

Azkenik, Etika eta Jokabide Kodeko 18.5 artikuluak arautzen du Herri Administrazioaren arloko eskumena duen saileko titularra den pertsonaren aginduz zehaztuko dela banaka atxikitzeko prozedura eta haren izapideak.

Hori horrela, eta Herri Administrazio eta Justiziako Sailaren egitura organikoa eta funtzionala ezartzen duen apirilaren 9ko 188/2013 Dekretuaren 3.2.f) artikuluan sailaren titularrari ematen zaion eskumena baliatuz, honako hau