Arautegia

Inprimatu

AGINDUA, 2003ko azaroaren 3koa, Nekazaritza eta Arrantza sailburuarena, Euskal Autonomia Erkidegoko barruko uretan txitxardin-arrantza egiteko debekua kentzen duena.

Identifikazioa

Lurralde-eremua: Autonomiko
Arau-maila: Agindua
Organo arau-emailea: Nekazaritza eta Arrantza Saila
Jadanekotasuna-egoera: Indarrean

Aldizkari ofiziala

Deskargatu (PDF)

Aldizkari ofiziala: EHAA (Euskal Herria)
Aldizkari-zk.: 224
Hurrenkera-zk.: 6159
Xedapen-zk.: 265
Xedapen-data: 2003/11/03
Argitaratze-data: 2003/11/17

Gaikako eremua

Gaia: Segurtasuna eta justizia; Ingurune naturala eta etxebizitza
Azpigaia: Herrizaingoa; Ingurumena; Nekazaritza eta arrantza

Deskribapenak

Testu legala

Aurkibidea erakutsiAurkibidea ezkutatu

- EBATZI DUT :

2002ko azaroan izandako petroliontziaren istripuak eragindako hidrokarburoen kutsadura-egoeraren ondoren, azterlan zientifikoak eta teknikoak egin dira, kutsadura horrek barruko uretako arrantzarekin, itsaski-bilketarekin eta akuikulturarekin lotutako jardueretarako izan dituen ondorioen jarraipena egin ahal izateko.

Azterketa horiek aipatutako jardueretan kontuz ibiltzea eta arreta ez galtzea gomendatzen zuten bereziki, eta horregatik eman zen, beste xedapen batzuekin batera, 2003ko urriaren 3ko Agindua. Agindu horrek zuhurtziaz Euskal Autonomia Erkidegoko barruko uretan txitxardina edo angula hartzea debekatu zuen, harik eta kontrakorik xedatu arte.

Hala ere, kutsaduraren bilakaeraz eta eraginez ditugun datu berriak ikusita, kasu zehatz honetan, barruko uretan txitxardina harrapatzeaz dagokion kasuan alegia, aipatutako aginduak ezarri zuen debekua kentzea gomendagarritzat eta beharrezkotzat jotzen da.

Azaldutakoa kontuan izanik,

EBATZI DUT :

Lehenengoa. 2003ko urriaren 3ko Agindu bidez zuhurtziaz Euskal Autonomia Erkidegoko barruko uretan txitxardin-arrantza egiteko ezarri zuen debekua kentzea.

Bigarrena. Xedapen honen aurka, interesdunek aukerako berraztertzeko errekurtsoa jar diezaiokete Nekazaritza eta Arrantza sailburuari, hilabeteko epearen barruan, ebazpen hau Euskal Herriko Agintaritzaren Aldizkarian argitaratu eta biharamunetik kontatzen hasita, edo bestela, administrazioarekiko auzi-errekurtsoa, bi hilabeteko epean, agindua argitaratu eta biharamunetik kontatzen hasita.

Hirugarrena. Euskal Herriko Agintaritzaren Aldizkarian argitaratzen den egunetik aurrera izango da indarrean agindu hau.

Vitoria-Gasteiz, 2003ko azaroaren 3a.

Nekazaritza eta Arrantza sailburua,

GONZALO SAÉNZ DE SAMANIEGO BERGANZO.