Estatistikak

Uztailaren 14ko 895/1989 Errege Dekretuak, Eskolaurre, Oinarrizko Hezkuntza Orokorra eta Hezkuntza Bereziko Ikastetxeetako lanpostuak betetzeko era arautzen duenak (20ko BOE), ondoren azaroaren 8ko 1664/1991 Errege Dekretuz aldatu zenak (22ko BOE), hezkuntza maila horietan ordura arte indarrean zegoen lanpostuak betetzeko era funtsezko puntuetan aldatzen du, guzti hori irakasleen kualifikazio handiagoa lortze arren, hori azken finean irakaskuntzaren kalitatea hobetzeko izango baita. Era berri honen egiazko ezarpenak aldez aurretik zenbait prozesu burutzea eskatzen du, hala nola: aipatu 895/1989 Errege Dekretuko zortzigarren atalean ohartarazitako espezialitate berrien edo haren garapenean ezartzea erabaki daitezenekin bat etorriko den lanpostu zerrenda argitaratzea; irakaslegoa aipatutako espezialitate berri horietarako egokitzea, kasu bakoitzean horietara iristeko eska daitezen baldintzen arabera eta, azkenik, irakaslegoa adskribatzea behin eta berriz aipatutako 895/1989 Errege Dekretuko azken xedapenetarik bigarrenean ohartarazitako baldintzetan. Aipatutako prozesuetako lehenengoa, hezkuntza maila horiei dagokien lanpostuen zerrenda egitea, berriki itxi da maitzaren 4ko 124/1993 Dekretuaren argitarapenaren bidez. Zerrenda edo katalogo honek E.H.A.E.ko berarizko bereiztasun gisa aurkezten du espezialitate ezberdindu batzuk ezartzea (Kontsultagilea, Helduen Hezkutza Iraunkorra bere modalitate ezberdinetan) eta hizkuntza eskakizun bereziak finkatzea, irakaskuntzako lanpostuetarako berariazkoak direnean, martxoaren 9ko 47/1993 Dekretuan (apirilaren 2ko EHAA) xedaturikoa beteaz. Prozesuetako bigarrenari dagokionez, irakaslegoaren egokitzapena, hain zuzen, nahiz eta prozesu horri 1990eko otsailaren 1eko Aginduaren argitarapenaz (15eko EHAA) eman zitzaion hasiera, zeinaren behinbetikotestua urte bere horretako otsailaren 22ko Aginduaren bidez (martxoaren 1eko EHAA) ezarri zen, eta ondoren 1992ko apirilaren 10eko Aginduaren bidez (maiatzaren 11ko EHAA) aldatu zen, beharrezko izan da birgaurkotze prozesu berri bat irekitzea, zeinak agindu hori irakaskuntzako lanpostuen hizkuntza eskakizun berrietara egokitzea eta Elkarteko berarizko espezilitate berrietarako egokitzapena aitortzea (1993ko apirilaren 2ko Agindua - 13ko EHAA) ahalbideratuko duen. Beraz, lanpostu zerrenda egiteari eta egokitzapenak aitortzeari buruzko prozesuak burutu direlarik, prozesuetarik azkenekoari ekiteko garaia iritsi da eta horrek, aldez aurreko eskakizun gisa, lanpostuak betetzeko era berria egiaz ezartzea eskatzen du: ikastetxeetan behinbetiko destinua duen irakaslegoa lanpostuen zerrendari dagokion onespenaren ondorio diren espezialitate berrietara adskribatzea; irakaslegoaren mugikortasuna ez ezik lehenengo destinuaren igurikapenean dauden Behin-behineko irakasleen indizea ere murriztea ahalbideratuko duen lekualdatze lehiaketa bat berehala deitu ahal izan dadin. Agindu honek aipatu adskripzio prozesua arautzen du, 895/1989 Errege Dekretuko azken xedapenetarik bigarrenean ezarritako abiaburuen arabera. Agindu hau egiterakoan, hainbat abiaburu uztartzea bilatu da, administrazio iharduketan eska daitekeen eraginkortasun abiaburua ziurtatzeko asmoz: hizkuntza eskakizunak izateak bereziki eragiten dueneko hezkuntza sistema konplexua modu arrazionalago batean antolatzea, dauden giza baliabideak ahalik eta ongien erabiliz; irakasleen aukeratzeko eskubidearekiko errespetua, gure hezkuntza sistemak dituen berezitasunen eraginez administrazio egoera ezberdinak dituzten irakasle kidegoak elkarrekin daudeneko Ikastetxeek dituzten lortutako eskubideekiko errespetua. Azaldutako guztiaren ondorioz,XEDATU DUT: 1. atala.- Xedea. E.H.A.E.ko unibertsitateaz kanpoko mailetako Ikastetxeetako Maisu-Maistren, Bigarren Irakaskuntzako Irakasleen, Lanbide Heziketako Irakasle Teknikoen eta Hizkuntza Eskola Ofizialetako Irakasleen Kidegoetako funtzionarientzat gordetako irakaskuntzako lanpostuen zerrenda onartzen duen maiatzaren 4ko 124/1993 Dekretuaren argitarapenaren ondorioz Eusko Jaurlaritzako Hezkuntza, Unibertsitate eta Ikerketa Sailaren menpeko Maisu-Maistren Kidegoko funtzionariak dagokien destinuko ikastetxeetan, iraunkortasunez, egituraturik gerta daitezen lanpostuetarako adskripzio prozesurako deialdia arautzea da Agindu honen xedea. 2. atala.- Eremu subjektiboa. 2.1.- Agindu hau argitaratzen den unean iharduneango zerbitzuan dauden eta Hezkuntza, Unibertsitateeta Ikerketa Sailaren menpeko Haur Hezkuntza, Lehen Hezkuntza / Oinarrizko Hezkuntza Orokorra, Hezkuntza Berezia eta Helduen Hezkuntza Iraunkorreko Ikastetxeetan behin-betiko jabeak diren funtzionari guztiak daude behartuak deialdi honetan parte hartzera. 2.2.- Era berean beharrezkotasun beraz parte hartu beharko dute zerbitzu berezietako egoeran, egitekoak utziarazitakoan eta seme-alabak zaintzeko borondatezko lan-utziladian dauden funtzionariek, baldin eta egoera horiek behin-betiko lanpostua gordetzen zaiela ekar dezatenean beraiekin. 2.3.- Hala ere, prozesu honetatik salbuetsita geratzen dira 1993ko abuztuaren 30etik aurrera jubilazioa hartzeko asmoa izan dezaten funtzionari guztiak. 3. atala.- Xede eremua. E.H.A.E.ko unibertsitateaz kanpoko mailetako Ikastetxeetako Maisu-Maistren, Bigarren Irakaskuntzako Irakasleen, Lanbide Heziketako Irakasle Teknikoen eta Hizkuntza Eskola Ofizialetako Irakasleen Kidegoetako funtzionarientzat gordetako irakaskuntzako lanpostuen zerrenda onartzen duen maiatzaren 4ko 124/1993 Dekretuaren argitarapenaren ondorioz dagokien behinbetiko destinuko ikastetxeetan, iraunkortasunez, egituraturik gerta daitezenak izango dira, lehenengo oinarri-arauean adierazi denez, deialdi honetan sartuta dauden funtzionariak adskribatu ahal izango direneko lanpostuak. Lanpostu horiek esleituta daukate bakoitzari dagokion hizkuntza eskakizuna, hala nola dagokien derrigortasun eguna ere, eta ondorengo espezialitate zerrenda honetan agertzen direnak dira: PTE Hezkuntza Berezia. Pedagogia Terapeutikoa. ENM Hezkuntza Berezia. Entzumen eta Mintzamena. EAU Eskolaurrea. ING O.H.O. Filologia, Gaztelania eta Ingelesa. FRA O.H.O. Filologia, Gaztelania eta Frantsesa. GAZ O.H.O. Filologia, Gaztelania. EUS O.H.O. Filologia, Euskara. MAT O.H.O. Matematika eta Natur Zientziak. GIZ O.H.O. Gizarte Zientziak. GHE O.H.O. GorputzHezkuntza. HEZ O.H.O. Hasiera eta Erdiko Zikloak. KON O.H.O. Kontsultagilea. MUS O.H.O. Musika. HHI H.H.I. Filologia, Gaztelania eta Ingelesa. HHF H.H.I. Filologia, Gaztelania eta Frantsesa. HHM H.H.I. Matematika eta Natur Zientziak. HHG H.H.I. Gizarte Zientziak. HHZ H.H.I. Hasiera eta Erdiko Zikloak. 4. atala.- Baldintza eta irizpide orokorrak. Adskripzio prozesuaren aldi ezberdinetan izaera orokorreko ondorengo baldintza eta irizpide hauek bete beharko dira: 4.1.- Baldintzak: Berehalako derrigortasuna duen bigarren hizkuntza eskakizuna (2HE) esleitua izan dezan lanpostu batera adskribatua izateko nahitaezko baldintza izango da aipatu eskakizuna egiaztaturik izatea edo, hala egoki dadinean, IGA iragankortasunaitormenaren jabe izatea edo irakaskuntzako lanpostuetakohizkuntza eskakizunak eta derrigortasun egunak zehazten dituzten irizpideak ezartzen dituen martxoaren 9ko 47/1993 Dekretuko xedapen iragankorretarik bigarrenean espreski agertzen den egoeran egotea. Era berean berehalako derrigortasuna duen lehenengo hizkuntza eskakizuna (1HE) esleitua izan dezan lanpostu batera adskribatua izateko nahitaezko baldintza izango da aipatu eskakizuna egiaztatzea edo aipatu berri den martxoaren 9ko 47/1993 Dekretuko xedapen iragankorretarik bigarrenean agertzen den egoeran egotea. Aldiz, derrigortasun egun atzeratua izan dezaten hizkuntza eskakizuna duten lanpostuak direnean, ez da beharrezko izango inolako hizkuntza eskakizunik egiaztatzea. 4.2.- Irizpideak: Ondorengo ataletan zehazten diren aldietariko bakoitzean lehiatzen diren funtzionariak ondoren zehazten diren aintzinatasun irizpideen arabera sailkatuko dira: a) Ikastetxeko aintzinatasun handiena behinbetiko izendapenaz. Horretarako, zerbitzu eginkizunetan, zerbitzu berezietan eta behin-betiko destinua galtzea ekar ez dezaten beste egoera batzuetan egindako egonaldia zenbatuko da. Agindu honetan aurrikusten den adskripziorako, ikastetxe batean beste baten xehekapen edo lekualdatze guztizko edo zatikakoaren ondorioz destinua izan dezaten irakasleek ikastetxe horretako behin-betiko lanpostuen jabe direnez, aintzintasunerako, beraien jatorrizko ikastetxeari dagokiona zenbatuko dute. Trataera bera emango zaie orain duten destinuaren aurrekoa ezabatu zitzaien irakasleei. b) Maisu-Maistren Kidegoan karrerako funtzionari gisa egindako zerbitzu-aldi handiena. c) Azkenean, pertsonalaren erregistroko zenbakirik txikiena edo, hala egoki dadinean, zerrendako zenbakirik onena. 4.3.- Prozesuko aldi eta txanda ezberdinetan partehartzea beharrezko izango dute kasu bakoitzean eska daitezkeen baldintzak bete ditzaten funtzionariek. Ondorioz, ez da onartuko aldi eta txanda ezberdinetan parte hartzearekiko uko egiterik, Agindu honetako seigarren atalean ohartarazitako kasuetan izan ezik. 5. atala.- Prozesuko aldiak. Adskripzio prozesua jarraikako hiru alditan burutuko da: 5.1.- Horietariko lehenengoan Hezkuntza Berezia (Pedagogia Terapeutikoa eta Entzumen eta Mintzamena) eta Eskolaurreko Hezkuntzako lekualdatze lehiaketetan eta Euskarazko berariazkoetan parte hartzearen ondorioz ikastetxeko behin-betiko destinua duten funtzionarien adskripzioa egingo da. 5.2.- Bigarrenean lanpostuak burutzeko eskatzen diren egokitzapenerako baldintzen jabe diren funtzionarien adskripzioa burutuko da. 5.3.- Azkenik, hirugarren aldian, lanpostuak burutzeko eskatzen diren egokitzapenerako baldintzen jabe ez diren funtzionarien adskripzioa gauzatuko da. 6. atala.- 1 Aldia 6.1.- Hezkuntza Berezia - Pedagogia Terapeutikoa, Hezkuntza Berezia - Entzumen eta Mintzamena, Eskolaurrea eta O.H.O. Euskal Filologia espezialitateei dagozkien lanpostuak bete egingo dira aldi horretan, eta horietara adskribatuko dira, aurreko atalean adierazi denez, espezialitate horietako berariazko behinbetiko funtzionariak. Lehen aldi honetako adskripzio prozesua jarraikako bi alditan sailkatuko da, bigarren hizkuntza eskakizuna (2HE) esleituta izan dezaten lanpostuak betetzearekin hasiko dena eta lehenengo hizkuntza eskakizuna (1HE) esleituta izan dezaten beste haiekin segituko dena. Aurreko edozein txandetarako parte hartzeko baldintzak eta sailkapen irizpideak Agindu honetako laugarren atalean izaera orokorrez ezarri direnak izango dira. Bigarren hizkuntza eskakizuna esleituta duten funtzionariek, lehenengo txandan adskribatuak izan ez direnean bakarrik parte hartu ahal izango dute bigarren txandan. Aurrikusitako txandetariko bakoitzean lehiatzen diren izangaiak zehaztu ondoren, espezialitate eta hizkuntza eskakizun bakoitzeko bete beharreko lanpostuen kopurua behin-betiko jabe partehartzaileen kopuruareriko parekoa edo gainetikoa izan dadinean, adskripzioa automatikoki burutuko da. Espezialitate eta hizkuntza eskakizun bakoitzeko bete beharreko lanpostuen kopurua azpitikoa izan dadinean, adskripzioa ondorengo arau hauen arabera burutuko da: a) Prozesuko aldi honetan adskribatu gabe geratuko dira borondatez hala eska dezatenak. Aukera hau egikaritu ahal izango duten irakasleen gehienezko kopurua behin-betiko destinua duten irakasleen kopuruaren eta dagokien espezialitate eta hizkuntza eskakizuneko lanpostuen kopuruaren arteko diferentziaren parekoa izango da. b) Automatikoki ez adskribatzeko eskatzaileen kopurua a) atalkian zehaztutako irakasleen gehienezko kopuruarekiko parekoa edo azpitikoa izan dadinean, guztioriek automatikoki hartuko dute aldi honetan ez adskribatutakoen izaera eta hurrengo aldian parte hartzera pasatuko dira. c) Aldi honetan adskribatua ez izateko eskabideen kopurua a) atalkian ezarritako gehienezko kopuruaren gainetikoa izan dadinean, ez adskribatuen izaera lortzeko lehentasuna Ikastetxean behin-betiko gisa izan dezan aintzintasun handiagoak zehaztuko du, adskripzioaren gai den espezialitatean. Ondorio horietarako aintzinatasuna laugarren oinarri-arauean ohartarazitakoaren arabera zenbatuko da. d) Baldin eta borondatezko uko egiteak deskontatu ondoren espezialitate eta hizkuntza eskakizunen arabera sailkatutako lanpostuen kopuruak irakasle guztiak adskribatzea nahikoa ez izaten jarraitzen badu, laugarren oinarri-araueko aintzinatasun hurrenkeraren arabera egingo da adskripzioa. 6.2.- Berariazko lehiaketen bidez lortutako behinbetiko destinua duten irakasleak izanik borondatezko uko egiteagatik edo nahikoa lanpostu ez egoteagatik aldi honetan adskripziorik lor ez dezatenek adskripzio prozesuan ohartarazitako gainerako aldietan parte hartu ahal izango dute. Era berean, lehenengo aldi hau burutu ondoren hutsik gera daitezen lanpostuak ondorengo aldietan bete egingo dira. 7. atala.- 2 Aldia 7.1.- Lanpostuak burutzeko eskatzen diren egokitzapenen jabe diren funtzionariak adskribatuko direneko bigarren aldi honetan, jarraikako bi txanda ebatziko dira: a) Horietako lehenengoan bigarren hizkuntza eskakizuna (2HE) esleituta duten lanpostuak beteko dira. Bigarren hizkuntza eskakizuna (2HE) esleituta izan dezaten behin-betiko destinua duten funtzionariak egongo dira behartuak deialdi honetan partzera. Era berean borondatez parte hartu ahal izango dute IGA iragankortasun-aitormenaren jabe diren funtzionariek, irakaskuntzako lanpostuetako hizkuntza eskakizunak eta derrigortasun egunak zehazten dituzten irizpideak ezartzen dituen martxoaren 9ko 47/1993 Dekretuko xedapen iragankorretarik bigarrenean agertzen den egoeran egon daitezenek, inolako hizkuntza eskakizunik egiaztatuta ez duten gainerako guztiek, nahiz eta azken balizko honetan, bostgarren oinarri-arauean adierazi denez, derrigortasun egun atzeratua duten hizkuntza eskakizuneko lanpostuetara bakarrik adskribatu ahal izango dira. b) Bigarren txandan lehenengo hizkuntza eskakizuna (1HE) esleituta duten lanpostuak beteko dira. Bigarren hizkuntza eskakizuna egiaztaturik duten funtzionariek aurreko txanda eta aldietan adskribatu ahal izan ez daitezenean bakarrik parte ahal izango dute txanda honetan. Irakaskuntzako lanpostuetako hizkuntza eskakizunak eta derrigortasun egunak zehazten dituzten irizpideak ezartzen dituen martxoaren 9ko 47/1993 Dekretuko xedapen iragankorretarik bigarrenean agertzen den egoeran dauden funtzionariak berehalako derrigortasuneko lehenengo hizkuntza eskakizuna duten lanpostuetara adskribatu ahal izango dira. 7.2.- Aurreko txandetako bakoitzaren barruan, laugarren atalean adierazi diren aintzinatasun irizpideen arabera sailkatuko da adskripzio prozesua, Hezkuntza Berezia, Eskolaurreko Hezkuntza eta Euskarazko berariazko irakasleak izan ezik, zeintzuek, lehenengo aldian automatikoki adskribatuak izan ez daitezen kasuetan, doakien txanda zehatzean beraiekin lehiatzen diren gainerako funtzionarien ondoren joango diren. 8. atala.- 3 Aldia. 8.1.- Dagozkien egokitzapenak egiaztaturik ez duten funtzionariak adskribatuko direneko hirugarren eta azken aldi honetan era berean jarraikako hiru aldi ezarriko dira: a) Horietako lehenengoan hutsik segitzen duten lanpostuak beteko dira, baldin eta eskatzen den egokitzapenalortzera bideratuak dauden prestakuntzabideetan daudela egiaztatzen duten funtzionariak egon daitezeneko espezialitateei badagozkie lanpostu horiek. b) Bigarren txandan Gizarte Zientziak, Matematika eta Natur Zientziak eta Gaztelania espezialitateei dagozkien lanpostu hutsak bete egingo dira. c) Azkenik, aurreko txanda eta aldiak bukatu ondoren hutsik segitu ahal dezaten gainerako lanpostuak bete egingo dira. 8.2.- Aurreko txandetako bakoitzaren barruan, bigarren hizkuntza eskakizuna (2HE) esleiturik izan dezaten lanpostuak beteko dira lehenik eta, behin eta ezaugarri hauetako lanpostuen adskripziorako ahalbideak agortzen diren lehenengo hizkuntza eskakizuna (1HE) esleiturik duten lanpostuak betetzearekin segituko da. Aurrekoa alde batera utziz, laugarren atalean adierazi diren aintzinatasun irizpideen arabera sailkatuko da adskripzio prozesua, Hezkuntza Berezia, Eskolaurreko Hezkuntza eta Euskarazko berariazko irakasleak izan ezik, zeintzuek, aurreko aldietan automatikoki adskribatuak gerta ez daitezen kasuetan, doakien txanda zehatzean beraiekin lehiatzen diren gainerako funtzionarien ondoren joango diren. 9. atala.- Adskripzio batzordeak. Agindu hau argitaratu eta ondorengo bost lanegunetako epean, ikastetxe bakoitzean ondorengo kide hauek osatuko duten Batzorde bat eratuko da: Ikastetxeko Zuzendaria, Lehendakari gisa ihardungo duena. Ikastetxean aintzinatasun handieneko behinbetiko destinua duen irakaslea. Ikastetxean aintzinatasun txikieneko behinbetiko destinua duen irakaslea. Hezkuntzako Ikuskari Tekniko bat, Batzordearen aholkulari eta Administrazioaren ordezkari gisa ihardungo duena, eta arau hauek bete daitezen zainduko duena. Ikastetxeko idazkaria, Batzordearen idazkari gisa ihardungo duena. 10. atala.- Aparteko klaustroa. Aurreko atalean aipatu den Batzordeak ikastetxeko behin-betiko irakasle guztiak (hala ikastetxean iharduneango zerbitzu egoeran daudenak nola ikastetxetik kanpo egon arren bigarren ataleko irizpideen arabera adskripzio prozesuan parte hartu beharko duten beste irakasleak) aparteko klaustro baterako dei egingo ditu. Batzordea eratu eta hamar egunetako gehienezko epean nahitaez egin beharko da klaustro hori, eta bertan irakaslegoaren adskripzioa egingo da deialdi honetan ohartarazitakoarekin bat etorriz. 11 atala.- Ez etortzeak sor ditzakeen ondorioak. Bidezko arrazoi bat dela eta, aparteko klaustro honetara etorri ahal ez daitezen irakasleek egokitzapen baldintzak bete ditzateneko ikastetxeko lanpostu zerrenda bidaliko diote ikastetxeko Zuzendariari eta baita egokitzapenikizan ez dezaten beste lanpostuena ere, lehentasun ordenaren arabera sailkaturikoa, era horretan Zuzendariak berak, ezarritako sailkapen irizpideen arabera eta adierazitako lehentasunekin bat etorriz, Lurralde Ordezkari eskudunari igorri diezaion adskripzio proposamenari erantsi ahal dakizkion zerrenda horiek. Kanpoan izanik batzarre honen aurretik Zuzendariarekin harremanetan jartzen ez diren irakasleak ofizioz adskribatuko ditu Lurralde Ordezkariak, Ikastetxeko Batzordearen saloz, lehiatzera beharturik zeudeneko aldi edo txandari dagozkion lanpostuetara. 12. atala.- Banakako agiriak. Hezkuntza, Unibertsitate eta Ikerketa Sailak prozesu honetan parte hartu behar izan dezaten irakasle guztiei, behin-betiko destinua duten ikastetxeetara, ondorengo agiriok igorriko dizkie: - behin-betiko destinua duen Ikastetxeari dagozkion lanpostuen zerrenda, horietako bakoitzean eskatutako hizkuntza eskakizuna eta horri dagokion derrigortasun eguna adieraziz. - Irakasleari buruzko nortasun eta lanbide zehaztasunak: - Nortasun zehaztasun nagusiak - Oinarrizko Hezkuntza Orokorreko Irakasleen Kidegoko karrerako funtzionari gisa egindako zerbitzualdia. - Adskripzioa eskatzen dueneko destinuko bere Ikastetxean behin-betiko jabe gisa egindako zerbitzualdia. - Egiaztatutako egokitzapenak. - Egokitzapena zein hizkuntza eskakizunerako lortu duen. - Pertsonalaren erregistroko zenbakia. - Zerrendako zenbakia. - Administrazio egoera. 13. atala.- Ikastetxeari buruzko agiriak. Arestian adierazitako banakako agiriez gainera, Hezkuntza, Unibertsitate eta Ikerketa Sailak Ikastetxeetako Zuzendariei igorriko die, adskripzio prozesuaren funtzio bateragilea horiei egotzi zaienez: Ikastetxeko behin-betiko irakasleen zerrenda aintzinatasunaren arabera sailkaturik, horiei dagozkien egokitzapen eta hizkuntza titulazioei buruzko zehaztasunak jaso eraziz. Ikastetxeko lanpostuen zerrenda, horiei buruzko hizkuntza eskakizuna eta horri dagokion derrigortasun eguna adierariz. Agiri hauei behar bezalako zabalkundea emango zaie eragindako funtzionari irakasleen artean. 14. atala.- Espedienteak bidaltzea. Behin eta adskripzio prozesua bukatu ondoren, Zuzendariak prozesuari dagokion espediente osoa igorriko dio Hezkuntza Lurralde Ordezkariari. Bidezko egokitzapenaren jabe direneko lanpostuetara adskribatutako irakasleen zerrenda eta zein lanpostutarako adskribatzen diren. Egokitzapenaren jabe direneko lanpostuetara adskribatutako irakasleen zerrenda, zein lanpostutara adskribatzen diren espreski adieraziz. Adskribatu gabe gera daitezen irakasleen zerrenda. Gerta daitezen erreklamazioak; erreklamatzailearen izena eta deiturak eta erreklamazioaren arrazoia. Agiri horiek Batzordeko kide guztiek izenpetu beharko dituzte. 15. atala.- Behin-behineko ebazpena - erreklamazioak. Lurralde Ordezkariak, behin eta agiri horiek berraztertu ondoren, adskribatu eta ez adskribatutako irakasleei dagozkien Behin-behineko zerrendak emango ditu argitara, ondoren hamar lanegunetako erreklamazio epe bat irekiko delarik. 16. atala.- behin-betiko ebazpena. Aurreko atalean adierazitako erreklamazioak ebatzi ondoren, Lurralde Ordezkariek Hezkuntza Administraziorako Sailburuorde Jn. T. Prestuari igorriko diote behin-betiko proposamena, eta hark Euskal Herriko Agintaritzaren Aldizkarian emango du argitara. 17. atala.- Izaera iragankorreko adskripzioak. 17.1.- IGA iragankortasun-aitormena duten irakasleak bigarren hizkuntza eskakizuna (2HE) esleiturik duten lanpostuetarako adskribatzea ez da behinbetikoa izango, harik eta hizkuntza eskakizuna egiaztatzen duten arte, eta horretarako hiru urtetako epea izango dute lehenengo adskripzio honen eragin-datatik aurrera. 17.2.- Derrigortasun egun atzeratuko bigarren hizkuntza eskakizuna (2HE) esleiturik duten lanpostuetarako adskribatzeak Behin-behineko izaera izango du eta lanpostuen zerrendan ezartzen den epean eskakizun hori egiaztatzera baldintzatua egongo da. 17.3.- Irakaskuntzako lanpostuetako hizkuntza eskakizunak eta derrigortasun egunak zehazten dituzten irizpideak ezartzen dituen martxoaren 9ko 47/1993 Dekretuko xedapen iragankorretarik bigarrenean xedaturikoaren arabera berehalako derrigortasun eguneko lehenengo eta bigarren hizkuntza eskakizuna (1HE eta 2HE) esleiturik duten lanpostuetara adskriba daitezen irakasleen adskripzioak ere Behin-behineko izaera bera izango du, harik eta hizkuntza eskakizuna egiaztatzen ez duten arte, eta horretarako hiru urtetako epea izango dute. 18. atala.- Gaizki adskribaturik gerta daitezen funtzionarien egoera. Prozesu honen arabera egokitzapenik ez duteneko lanpostu baterako adskribaturik gera daitezen behinbetiko irakasleek destinu berriak lortu ahal izango dituzte azaroaren 8ko 1664/1991 Errege Dekretuko xedapen iragankorretarik hamaikagarrenean eta azken xedapenetarik bigarren bisean ohartarazitako ihardunbideak erabiliaz. 19. atala.- Ezabatutako funtzionariak. Agindu honetan ohartarazitako adskripzio prozesuaren bidez lanpostua lortzen ez duten irakasleek orain duten behin-betiko destinuan ezabatu izaera automatikoki hartuko dute. 20. atala.- Aginduaren garapena. Pertsonal Kudeaketarako Zuzendaritzari ahalmena ematen zaio Agindu honetan jasota dagoena garatzeko, hala nola horri dagokion aplikazio egutegia ezartzeko ere. 21. atala.- Errekurtsoak. Agindu honen aurka, berraztertze errekurtsoa tartejarri ahal izango dute interesatuek, Hezkuntza, Unibertsitate eta Ikerketa Sailburu Jn. T. Gorenaren aurrean, Agindu hau Euskal Herriko Agintaritzaren Aldizkarian argitaratzen den egunaren biharamunetik kontatzen hasi eta hilabeteko epean . INDARGETZEZKO XEDAPENA Eskolaurreko Hezkuntza, Hezkuntza Berezia eta Oinarrizko Hezkuntza Orokorreko eskola unitateen ezabapen, eraldakuntza, xehekapen eta integrazio eta bategiteak gerta daitezenean aplikatzeko arauak ematen dituen Hezkuntza, Unibertsitate eta Ikerketa Sailburuaren 1989ko maiatzaren 6ko Agindua indargetua geratzen da. Vitoria-Gasteiz, 1993ko maiatzak 11. Hezkuntza, Unibertsitate eta Ikerketa Sailburua, FERNANDO BUESA BLANCO.