Arautegia
Inprimatu48/1996 DEKRETUA, martxoaren 12koa, Etxebizitza eta Lur arloan, babesgarri izan daitezkeen ekintzei dagokienez, kreditu.erakundeek 1996ko ekitaldian eman ditzaketen mailegu kualifikatuen interes tasak ezartzeko dena. (Hutsen zuzenketa).
Identifikazioa
- Lurralde-eremua: Autonomiko
- Arau-maila: Dekretua
- Organo arau-emailea: Ogasuna eta Herri Administrazioa; Lurralde Antolamendua, Etxebizitza eta Ingurugiroa
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 119
- Hurrenkera-zk.: 3045
- Xedapen-zk.: 48
- Xedapen-data: 1996/03/12
- Argitaratze-data: 1996/06/21
Gaikako eremua
- Gaia: Ingurune naturala eta etxebizitza; Ogasun eta Ekonomía
- Azpigaia: Hirigintza eta etxebizita; Ekonomia
Testu legala
Euskal Herriko Agintaritzaren Aldizkaria arautzen duen 155/1993 Dekretuko 24.1 atalean zera ezartzen da: Jaurlaritzaren Idazkaritzako eta Legebiltzarrarekiko Harremanetarako Zuzendaritzak, argitalpenaren gai izan diren testuetan eman daitezkeen tipografi edo inpresio mailako errakuntzak zuzendu egingo dituela, nahiz ofizioz, nahiz dagokion organoak edo entitateak hala eskatuta; baina hori egingo du, errakuntza horiek, xedapen horien esanahia aldatzea edo horiei buruzko zalantzak ekar ditzaketenean.
Etxebizitza eta Lur arloan, kreditu-erakundeek 1996ko ekitaldian eman ditzaketen mailegu kualifikatuen interes tasak ezartzen dituen martxoaren 12ko 48/1996 Dekretuaren testuan, gisa horretako errakuntzak egin dira. Dekretu hori 1996ko martxoaren 21ean argitaratu zen Euskal Herriko Agintaritzaren Aldizkariko 58. zenbakian. Bidezkoak diren zuzenketak egiten dira ondoren:
Atal bakarrean (5.016. orrialdea), honako hau dioenean:
"...tasa %8,5665ekoa izango da mailegua indarrean dagoen lehenengo urtean (...). Urteko benetako tasa ezin izango da %8, 7500etik gorakoa."
Honako hau esan behar du:
"...tasa %8,56koa izango da mailegua indarrean dagoen lehenengo urtean (...). Urteko benetako tasa ezin izango da
%8,75etik gorakoa."
Gehigarrizko xedapenetatik bigarrengoko 1. lerroaldean, a) letran (5.018 orrialdea), honako hau dioenean:
"... edo elbarriek erabiltzeko egokipenerako partidak sartuz gero, Dekretu honen 3. ataleko hirugarren, laugarren eta seigarren idazatietan ezarritakoaren arabera: urteko benetako interesaren %4,75a."
Honako hau esan behar du:
"...edo elbarriek erabiltzeko egokipenerako partidak sartuz gero, Dekretu honen 3. ataleko 3., 4. eta 6. idazatietan ezarritakoaren arabera: urteko benetako interesaren %4,75a."
Gehigarrizko xedapenetatik bigarreneko 2. idazatian (5.019 orrialdea) kendu egiten da honako lerroalde hau:
"Salbuespenez, Finantza-Entitateak eskatutako bermeez gain, mugiezinezko ondarearen titulartasuna edo aurretizko aurrezkia egiaztatzen dutenek jaso ahal izango dituzte dirulaguntza zuzenak; azken kasu honetan, urtebeteko aintzinatasunez etxebizitza-aurrezkirako kontuan gordailatuz, urtebeteko aintzinatasuneko epez aurrezki-ezarpena eginez edo azken urtean zehar bataz besteko saldoarekin ageriko ezarpenen bidez, etxebizitzaren prezioaren 100eko 20tik gorako zenbatekoa osatuz, trastetegia, garagea eta eraskinak barne."