Elikadura, Landa Garapena, Nekazaritza eta Arrantza Saila

Elikadura, Landa Garapen, Nekazaritza eta Arrantza Saila

Estatistikak

Arautegia

Inprimatu

200/1993 DEKRETUA, uztailaren 6koa, unibertsitate mailakoak ez diren Euskal Autonomi Elkarteko ikastetxeen antolaketa eta ihardunbide arautegia gertatuko duen Batzordea osatzeko era finkatzen duena.

Identifikazioa

  • Lurralde-eremua: Autonomiko
  • Arau-maila: Dekretua
  • Organo arau-emailea: Hezkuntza, Unibertsitateak eta Ikerketa
  • Jadanekotasuna-egoera: Indarrean

Aldizkari ofiziala

Deskargatu (PDF)

  • Aldizkari ofiziala: EHAA (Euskal Herria)
  • Aldizkari-zk.: 153
  • Hurrenkera-zk.: 2693
  • Xedapen-zk.: 200
  • Xedapen-data: 1993/07/06
  • Argitaratze-data: 1993/08/13

Gaikako eremua

  • Gaia: Hezkuntza; Administrazioaren antolamendua
  • Azpigaia: Gobernua eta herri administrazioa
Deskribapenak

Testu legala

Aurkibidea erakutsiAurkibidea ezkutatu
XEDATU DUT : Bakarra.- 1988ko urtarrilaren 18ko Aginduz onartutako Ertzaintzako gaurregungo lanarierroldearen egitura zati batean aldatuz, berregituratzeko den 1993ko uztailaren 15eko Agindua, 138 zenbakiko 1993ko uztailaren 22ko EHAAn argitaratua, aldatzea, ondoren adierazten den eran: 1.- I Eraskinean, «Kopurua» zutabean eta 144 kodeari dagokion lerroan, «1» dioen lekuan «4» esan behar du (138 zenbakiko 93-7-22ko EHAA, 7082 orrialdea). 2.- II Eraskinean, «Lanpostua» zutabean eta 370 kodeari dagokion lerroan, «1. Ertzain/Ertzaina» dioen lekuan «Ofizialordea» esan behar du (138 zenbakiko 93-7-22ko EHAA, 7085 orrialdea). 3.- II Eraskinean, «Lanpostua» zutabean eta 371 kodeari dagokion lerroan, «Ofizialordea» dioen lekuan «1. Ertzain/Ertzaina» esan behar du (138 zenbakiko 93-7-22ko EHAA, 7085 orrialdea). 4.- III Eraskinean, «Lanpostua» zutabean eta 370 kodeari dagokion lerroan, «1. Ertzain/Ertzaina» dioen lekuan «Ofizialordea» esan behar du (138 zenbakiko 93-7-22ko EHAA, 7090 orrialdea). 5.- III Eraskinean, «Lanpostua» zutabean eta 371 kodeari dagokion lerroan, «Ofizialorde» dioen lekuan «1. Ertzain/Ertzaina» esan behar du (138 zenbakiko 93-7-22ko EHAA, 7090 orrialdea). 6.- III Eraskinean, «Kopurua» zutabean eta 341 kodeari dagokion lerroan, «25» dioen lekuan «32» esan behar du (138 zenbakiko 93-7-22ko EHAA, 7086 orrialdea). Vitoria-Gasteiz, 1993ko uztailak 26. Herrizaingo Sailburua, JUAN MARIA ATUTXA MENDIOLA.Euskal Eskola Publikoari buruzko otsailaren 19ko 1/1993 Legearen aldibaterako xedapenetatik lehenengoko bigarren idazatian agintzen denez, eskola komunitatearen sektore bakoitzak ikastetxeetan aukeratu behar dituen ordezkariak zehaztuko ditu Hezkuntza, Unibertsitate eta Ikerketa Sailak, Lege horrek indarra hartzen duenetik kontatzen hasi eta hiru hilabeteko epearen barruan. Aukeraketa egin ondoren, lege horretako 29. atalean aipatzen den arautegia, antolaketa eta ihardunbideari buruzkoa, gertatuko dute, udal administrazioko ordezkariarekin batera; izan ere, lege horretan jasotako autonomi irizpideetariko bat besterik ez da. Dekretu honen bigarren atalean, ikastetxe bakoitzak aukeratuko dituen ordezkariz osatutako Batzordeaz hitzegiten da. Horren egiteko bakarra, antolaketa eta ihardunbide arautegia gertatzea da; beraz, Batzorde horrek ez ditu eragotziko egon badagoen eskola kontseiluaren edo ikastetxean gaurregun ezarrita dagoen eta horren antzekoa den gobernu-organuaren iharduketak eta egitekoak. Dekretu honetako 3. eta 4. ataletan hitzegiten da Batzorde horren osakeraz. Egon dauden ikastetxeen tipologia hartuko da kontutan; beraz, eraketaz 3. atalean aipatzen den arau orokorrarekin batera, 4. atalean aipatzen den salbuespena ezartzen da, berarizko ezaugarriak dituzten ikastetxeen bereizitasun propioetan oinarritutakoa hain zuzen ere; 3. atal horretan, «gutxienezkoa» izeneko batzordea eratzen da, ikastetxeen autonomiari eusteko. Hurrengo ataletan, halaber, antolaketa eta ihardunbide arautegi horrek izan behar duen edukiaz gain, amaierarako eta onarpenerako gehienezko epeak ezartzen dira; eta hori, premiazkoak ez diren atzerapenei bidea ixteko, 1/1993 Legez exigitzen den azkartasun irizpidearen aurka joango baitlirateke. Ondorioz, Hezkuntza, Unibertsitate eta Ikerketa Sailburuaren proposamenez, Jaurlaritzaren Kontseiluak 1993ko uztailaren 6an egindako bileran aztertu eta onartu ondoren, hauxeXEDATU DUT: 1. atala.- 1.- Euskal Eskola Publikoari buruzko otsailaren 19ko 1/1993 Legearen aldibaterako xedapenetatik lehenengoko bigarren idazatian aipatzen den eskola komunitateko sektore bakoitzak ikastetxeetan aukeratu behar dituen ordezkarien kopurua finkatzea da dekretu honen helburua. 2.- Dekretu hau, 1/1993 Legearen 1. ataleko lehenengo eta bigarren idazatietan ezarritako eran, Euskal Autonomi Elkartean unibertsitatekoak ez diren irakaskuntzak ematen dituzten ikastetxeetan aplikatuko da. 2. atala.- 1/1993 Legearen aldibaterako xedapenetatik lehenengoko bigarren idazatian aipatzen diren ordezkariek Batzorde bat osatuko dute aukeratua izan deneko ikastetxe bakoitzean; lege horretako 29. atalean aipatzen den antolaketa eta ihardunbide arautegia gertatzea da Batzorde horren egiteko bakarra, gaurregun ikastetxean ezarrita dagoen Eskola Kontseiluak edo antzeko gobernu organuak bereganaturik dituzten eskuduntzez baliatzen jarraitu dezatenaren kaltetan gabe. 3. atala.- 1.- Oro har, hurrengo atalean ezarritakoaren kaltetan gabe, honako kide hauek osatuko dute Batzorde hori: - ikastetxeko zuzendariak, lehendakari izango dela; - ikastetxeko idazkariak, Batzordeko idazkari lez ihardungo duela, hitz egiteko eskubidez baina botorik gabe; - ikastetxeko irakasleen bi ordezkarik; - ikastetxea kokatuta dagoeneko udalaren ordezkari batek; - ikasleen eta gurasoen lau ordezkarik, ikastetxe moetaren arabera honela banatuko direnak: a) Haur Hezkuntzako ikastetxeak, Lehen mailako Hezkuntzako ikastetxeak/OHO, Hezkuntza Bereziko ikastetxeak eta oinarrizko mailako Musika Kontserbatorioak: gurasoen lau ordezkari. b) Bigarren mailako Hezkuntzako ikastetxeak, Batxilergoko institutoak, Lanbide Hezkuntzako institutoak, oinarrizkoaren gainetiko graduak ematen dituzten Musika Kontserbatorioak, Dantza eskolak eta Arte Plastiko eta Deseinu Eskolak: gurasoen bi ordezkari eta ikasleen beste bi ordezkari. c) Helduen Hezkuntza Iraunkorreko ikastetxeak, Hizkuntza Eskola Ofizialak, Goi Mailako Kontserbatorioak eta Arte Dramatikoko eskolak: ikasleen lau ordezkari. 2.- Duen tamainaren edo berarizko ezaugarrien arabera, Eskola Kontseiluak edo gaurregun ezarrita dagoen antzeko gobernu-organuak horrela erabaki duelako, Batzordearen osakideak aldatu ditzake ikastetxe bakoitzak, baina aldezaurretik ezarrita zegoen gutxienezko partaidetza eta Batzordeko irakasle, guraso eta ikasleen arteko oreka errespetatu egin beharko du. 4. atala.- Eskola unitarioak eta hiru unitate baino gutxiagoko eskolak ez dira sartzen aurreko atalean araututakoaren barne. Horri dagokionez, honako kide hauek osatuko dute Batzordea: - ikastetxeko irakasleen ordezkari batek, lehendakaria izango dela; - ikastetxeko gurasoen bi ordezkarik; - ikastetxea kokatuta dagoeneko udalaren ordezkari batek. 5. atala.- 1.- Euskal Eskola Publikoari buruzko Legearen 29.2 atalean ezarritakoari jarraiki, antolaketa eta ihardunbide arautegiak halabeharrez jaso beharko ditu honako alderdi hauek: a) ikastetxearen eraketa-egituraren eta horren ihardunbidearen zehaztapena; b) hezkuntza komunitateko kide guztien arteko elkarbizitza eta elkarrenganako begirunea eta bulegoak eta dependentziak egokiro erabiltzea bermatzen duten arauak; jarrera demokratikoz egin beharko dira arauok; c) Ebaluaketetan murtziloak aurkeztu ahal izateko erregimena. 2.- Ikastetxearen antolaketa-egiturak, aipatu legearen 30. atalean ezarritakoan oinarrituz, ikastetxearen kudeaketa eta partaidetza organuak, bai kolegiatuak zein unipertsonalak, finkatuko ditu; bakoitzari dagozkion osakera, egitekoak eta koordinaketa mekanismoak ezarriko ditu. Lanbide hezkuntza, batxilergo teknikoak eta arte plastiko eta diseinuko irakaskuntzak eman ditzaten ikastetxeetan, sindikatuen, enpresen eta irakaskuntza hauekin zerikusirik duten erakundeen goreneko ordezkapen-organuetan nork parte hartuko duen ebatziko du beti. Eskuduntzadun organuak finkatuko ditu eta bai ikastetxearen kudeaketa-planak gertatzeko, onartzeko eta baloratzeko erabili beharko liratekeen prozedurak ere. Ikastetxearen Hezkuntza Egitasmoaren garapenean laguntza eskein lezaketen pedagogi koordinaketarako organuak ere finkatu ditzake. 6. atala.- Dekretu hau ezartzen duen Batzordeak 1994ko otsailaren 1a baino lehenago amaitu beharko du ikastetxearen antolaketa eta ihardunbide arautegiaren gertaketa. Arautegia gertatu ondoren, Batzordeak, Eskola Kontseiluari edo antzeko gobernu-organuari bidaliko dio, horrek aztertu eta, beharko balitz, onar dezan. Eskola Kontseiluari edo antzeko gobernuorganuari bidali aurretik, Batzordeak, hezkuntza komunitateko sektore guztiei (ikasleak, gurasoak eta irakasleak) aurkeztu beharko die egitasmoa, horiek aurkez ditzaketen iradokizunen berri izateko. 7. atala.- Eskola Kontseiluak edo gaurregun ihardunean dagoen horren antzeko gobernu-organu batek onartu beharko du antolaketa eta ihardunbide arautegia; 1994ko martxoaren 1a baino lehen onartu beharko da beti. 8. atala.- Eskola Kontseiluak edo horren antzeko gobernu-organuak antolaketa eta ihardunbide arautegia onartu ondoren, Hezkuntzako Ikuskaritza Teknikoko Zerbitzuari bidaliko zaio; honek, arautegi horren eragina izan dezaketen gaiak arautzen dituzten xedapenekin bat datorren edo ez ebatzi beharko du. 9. atala.- Antolaketa eta ihardunbide arautegiaren bihar-etziko eraberriketa edo aldaketa OrdezkapenOrganu Gorenak onartu beharko du eta Hezkuntzako Ikuskaritza Teknikoari bidaliko zaio. 10. atala.- Hezkuntza, Unibertsitate eta Ikerketa Sailak, 1993-94 ikasturtea hasi baino lehen, antolaketa eta ihardunbide arautegi lez erabil daitezkeen ereduak argitaratuko ditu; ereduok, bereganatu egin ditzake ikastetxeak edo aldatu bere ezaugarrien arabera eta dituen irizpideekin bat etorriz. AZKEN XEDAPENAK Lehenengoa.- Dekretu honen garapen eta aplikapen egokirako behar diren xedapenak hartzeko ahalmena ematen zaio Hezkuntza, Unibertsitate eta Ikerketa Sailburuari. Bigarrena.- Euskal Herriko Agintaritzaren Aldizkarian argitaratzen den egunaren biharamunetik hartuko du indarra dekretu honek. Vitoria-Gasteizen, 1993ko uztailak 6. Lehendakaria, JOSE ANTONIO ARDANZA GARRO. Hezkuntza, Unibertsitate eta Ikerketa Sailburua, FERNANDO BUESA BLANCO.

Gaiarekin lotutako edukiak


Arauaren historia (5)

Arauaren historia →

Eskumenak eta transferentziak (0)

Ez dago lotutako edukirik.

Garrantzi juridikoko dokumentazioa (0)

Ez dago lotutako edukirik.
Tag-ak