Tokiko arrantzako patroiaren titulua lortzeko 2026an egin beharreko azterketa teorikoaren deialdia:

• Ohiko deialdia: 2026ko ekainaren 25etik (osteguna) 30era (asteartea)

• Eskabideak aurkezteko epea: itxita

Azterketa egiteko eskabideak Bermeoko Nautika eta Arrantzako LHIko idazkaritzan formalizatu behar dira. Eskabidearekin batera, indarrean dagoen nortasun-agiri nazionalaren, bizileku-txartelaren edo pasaportearen fotokopia aurkeztu beharko da.

Azterketak Bermeoko Nautika eta Arrantzako LHIIn egingo dira. Azterketen data zehatzak eskolako iragarki-taulan eta nautikaeskola.com webgunean iragarriko dira, gutxienez azterketa egin baino astebete lehenago.

Probaren egunean, izangaiek indarrean dagoen Nortasun Agiri Nazionala, bizileku-txartela edo pasaportea eraman beharko dute.

Azterketak indarrean dauden programetara egokituko dira, arrantza-sektoreko titulu profesionalak arautzen dituen urtarrilaren 24ko 36/2014 Errege Dekretua garatzen duen martxoaren 7ko PM/243/2018 Aginduaren arabera.

Azterketak amaitutakoan, lortutako kalifikazioen zerrendak jarriko dira eskolako iragarki-taulan. Hautagaiek erreklamazioak aurkeztu ahal izango dituzte 5 eguneko epean, aipatutako zerrendak argitaratzen diren egunetik zenbatzen hasita.

Frogak epaituko dituzten epaimahaiak izendatzea.

EBAZPENA, 2026ko apirilaren 30ekoa, Arrantza eta Akuikulturako zuzendariarena, zeinaren bidez tokiko arrantzako patroiaren titulazioa lortzeko azterketetarako deialdia egiten baita 2026rako, Arrantza Sektoreko Titulu Profesionalak arautzen dituen urtarrilaren 24ko 36/2014 Errege Dekretuan xedatutakoaren arabera.