Maiatzean, Euskadiko esportazioak %0,8 areagotu ziren eta 2.709 milioi eurotik gorakoak izan ziren. Aurrerapen hori produktu energetikoen hazkundean oinarritu zen, horien kanporako salmentak % 9,6 igo baitziren, baina baita esportazio ez-energetikoen susperraldian ere, %0,4ko hazkundea izan baitzuten aurreko hilabeteetan ikusitako ahultasunaren ondoren.

AENAren datuen arabera, euskal aireportuetatik 4 milioi pertsona inguruk bidaiatu zuten urteko lehen seihilekoan. Kopuru hori %8,5 hazi da aurreko urteko aldi beraren aldean, eta maximo historiko berri bat ezarri du.

Eustaten behin-behineko datuek erakusten dute Euskadiko ikerketa jarduerak beste hazkunde bat izan duela 2025ean. Ikerketa eta garapeneko gastuak %6,1 egin zuen gora, eta jarduera horietan diharduten langileen kopuruak, berriz, %3,0 egin zuen gora lanaldi osoko baliokidetzan. Hazkunde hori enpresetara, administrazio publikoetara eta unibertsitateetara zabaldu zen.

Eustaten datuen arabera, EAEko hotel establezimenduetan igarotako gaualdiak %1,1 egin zuten gora ekainean aurreko urteko aldi beraren aldean. Hau da, ia 738.000 gaualdi, ekain baterako daturik onena. Bilakaera horri esker, lehen seihilekoa % 2ko igoerarekin itxi da.