Ekonomia, Lan eta Enplegu Saila

Ekonomia

Ekonomia, Lan eta Enplegu Saila

Koiuntura DI-DA batean

2026ko iraila

PDF txostena (1 MB)

Afiliazioak maximoetan jarraitzen du abuztuan

Gizarte Segurantzako afiliazioa 1.031.282 pertsonakoa izan zen abuztuan Euskadin, erregistroak daudenetik daturik onena abuztu baterako. Urte arteko datuei dagokienez, afiliazioaren hazkundea %2,4ra iritsi zen, hau da, urtebete lehenago baino 24.487 afiliazio gehiago izan ziren. Uztailarekin alderatuta, afiliazioak %1,1 egin du behera, portaera hori ohikoa da abuztuan, urtarokotasun faktoreak direla eta.

Gizarte Segurantzako afiliazioa. Guztira
Urte arteko aldakuntza tasa

Abuztuko afiliazioa
%2,4

Abuztuan %2,1 murriztu da erregistratutako langabezia

Abuztuan 106.848 langabe erregistratu ziren Euskadin, hau da, uztailarekiko %1,1eko igoera, urtarokotasuna dela eta ohiko bilakaera . Urte arteko datuei dagokienez, ordea, langabeziak behera egin zuen berriro, ekainean eta uztailean izandako gorakaden ondorioz, eta 2025eko abuztuan izandako langabeziaren %2,1 azpitik geratu zen.

Langabezia erregistratua. Guztira
Urte arteko aldakuntza tasa


Langabezia erregistratua. Abuztua
-%2,1

Inflazioa %3,7raino igo zen uztailean

Inflazioa %3,7raino igo zen uztailean, energiaren garestitzeak bultzatuta, batez ere erregaien eta elektrizitatearen garestitzeagaitik. Azpiko inflazioa hiru hamarren igo zen aurreko hilaren aldean, industri ondasunen eta zerbitzuen azelerazioan oinarrituta. Hondar-inflazioak gorakada handiagoa izan zuen, nahiz eta landu gabeko elikagaien presioa txikiagoa izan, energiaren prezio igoera dela eta.

KPI Indize orokorra
Urte arteko aldakuntza tasa

2026ko uztaileko KPIa
%3,7

Atzerrirako esportazioak hazi egin dira bigarren hiruhilekoan

Eustaten datuen arabera, EAEko atzerrirako ondasunen esportazioak %2,1 hazi ziren urte artean 2026ko bigarren hiruhilekoan, 8.236 milioi euroraino. Bilakaera horrek aurreko hiruhilekoaren aldean hobekuntza dakar, nahiz eta kanpo salmentek osagai nagusi batzuen ahultasunak eta Europako merkatuen dinamismo murritzak baldintzatuta jarraitzen duten.

Esportazioak guztira
Milio euro

Batez besteko hazkundea
-%2,1

Eurogunearen jarduera hedapen eremuan mantentzen da

Euroguneko PMI konposatua 52,0an mantendu zen abuztuan, azken zortzi hilabeteetako hazkunde erritmo handienari eutsiz. Jarduera manufakturen ekoizpenaren dinamismo berrituan oinarritu zen. Izan ere, azken lau urte eta erdiko daturik onena lortu zuen. Zerbitzuek, berriz, aurrerapen leunagoa izan zuten. Eskariaren hobekuntzari esker, eskaera berriak sendotasunez hazi ziren berriro, eta enplegua lehen aldiz handitu zen aurten.

PMI konposatua
Eurogunea

2026ko abuztua
52,0

Sentimendu ekonomikoak gora egin du abuztuan eta batez besteko historikora hurbildu da

Europako Batzordearen sentimendu ekonomikoaren adierazleak gora egin zuen abuztuan, laugarren hilabetez jarraian, bai eurogunean, bai Europar Batasunean. Indizeak 1,3 puntu egin zuen gora euroaren eremuan, 98,4raino, eta 1,0 puntu EBn, 98,2raino. Aldeko ibilbide hori gorabehera, bi balioak 100etik pixka bat beherago geratu ziren, hau da, batez besteko historikoa.

Sentimendu ekonomikoa
Eurogunea

2026ko abuztua
98,4

Taula makroekonomikoa. Eustat

Urte arteko aldakuntza tasa

2024 2025 2025 2026
II III IV I II
BPG 2,5 2,3 2,2 2,3 2,4 2,2 2,1
Barneko azken kontsumoa 2,8 2,5 2,2 2,7 2,6 3,0 --
Familien kontsumoa 2,5 2,7 2,8 2,9 2,6 2,7 --
Administrazioaren kontsumoa 3,5 1,7 0,3 2,1 2,3 4,1 --
Kapital eraketa gordina 2,7 4,0 3,5 4,9 5,2 4,8 --
Barne eskaria 2,8 2,8 2,5 3,2 3,2 3,5 --
Esportazioak 0,1 0,4 0,8 -1,8 0,6 -1,4 --
Inportazioak 0,4 1,2 1,3 -0,5 1,8 0,5 --
Lehen arloa 4,3 -0,6 -0,4 -1,5 -1,2 -0,7 --
Industria eta energia 2,0 0,4 0,1 0,2 0,9 -0,3 --
Eraikuntza 2,0 3,7 3,1 5,1 4,9 2,5 --
Zerbitzuak 2,9 2,8 2,8 2,9 2,8 2,9 --
Balio erantsi gordina 2,6 2,3 2,1 2,4 2,5 2,1 --
Ekoizkinen gaineko zerga garbiak 1,6 2,2 2,4 2,2 2,1 2,2 --
Enplegua 1,5 1,4 1,4 1,4 1,4 1,3 1,3

2024ko datuak aurrerapena dira eta 2025ekoak behin behin-behineko datuak dira.

Aurreko buletinak