Ekonomia, Lan eta Enplegu Saila

Ekonomia

Ekonomia, Lan eta Enplegu Saila

Koiuntura DI-DA batean

2024ko uztaila

PDF txostena (1 MB)

EAEko ekonomia %1,7 hazi zen 2024ko lehen hiruhilekoan

Eustatek argitaratutako informazioaren arabera, 2024ko lehen hiruhilekoan EAEko ekonomia %1,7 hazi zen urte arteko tasan. Beraz, egonkortasun handiko irudia eskaintzen du, aurreko bi hiruhilekoetan lortutako erritmoa berdinduz. Lortutako tasa Ekonomia eta Plangintza Zuzendaritzaren aurreikuspena (%1,4) baino hiru hamarren handiagoa da. Hiruhileko arteko tasan, berriz, hazkundea %0,6koa izan zen, aurreko aldietakoa baino zertxobait handiagoa.

BPGa
Urte arteko aldakuntza tasa

2024ko 1. hiruhilekoa
%1,7

Enpleguaren sorrera bizkortu egin zen urte honen hasieran

Eustatek argitaratutako kontu ekonomikoen arabera, 2024ko lehen hiruhilekoan enplegua, lanaldi osoko lanpostu baliokidetan, %2,0 hazi zen urte arteko tasan. Beraz, hazkunde erritmoa pixka bat bizkortu da azken urtean. Guztira, EAEko ekonomiak 992.800 lanpostu baino gehiago ditu orain, hau da, 2023ko aldi berean baino 19.350 enplegu gehiago

Enplegua guztira
Urte arteko aldakuntza tasa

2024ko 1. hiruhilekoa
%2,0

Inflazioa %3,9ra igo zen maiatzean

Euskadiko KPIa lau hamarren igo da maiatzean, %3,9raino, eta, horrela, hiru hilabetez jarraian, gorantz egin du. Erregistro horren bilakaera, 2023ko apiriletik lortutako handiena baita, oso baldintzatuta egon zen elektrizitatearen prezioen igoerarekin, baita erregaien prezioekin ere, duela urtebete baino gutxiago merkatu baitziren.

KPI indize orokorra
Urte arteko aldakuntza tasa

2024ko maiatza
%3,9

EAEko enpresek ikuspegi negatibo samarra dute hirugarren hiruhilekoari buruz

Laboral Kutxak argitaratzen duen inkestaren arabera, EAEko enpresek ezkortasun txiki bat erakutsi dute aurtengo hirugarren hiruhilekoari begira. Horrela, indizearen balioa bigarren hiruhilekoko 49,8tik gaur egungo 47,4ra jaitsi da, uzkurdura eta hedapena bereizten dituen 50eko mailatik hurbil oraindik. EAEko ekonomiaren datua gaur egun inguruko ekonomientzat antzeko estatistiketan erregistratzen ari direnen azpitik dago.

Enpresen konfiantzaren indizea
Euskadi

2024ko 3. hiruhilekoa
47,4

EAEko familiek konfiantza irabazten jarraitzen dute

Laboral Kutxak landutako adierazlearen arabera, 2024ko bigarren hiruhilekoan EAEko familiek konfiantza handitu zuten berriro, eta baikortasunetik oso gertu daude. Izan ere, hiru hiruhilekoz jarraian hobetu dira, eta azken bederatzi hiruhilekoetako daturik altuena (-3) erregistratu dute orain. Emaitza ekonomikoak eta enpleguaren bilakaera ona daude norabide positibo horren atzean.

EAEko familien konfiantza
Indizea

2024ko 2. hiruhilekoa
-3

Euroguneko jarduera ekonomikoak goranzko joera galgatu zuen

Ekainean, euroaren eremuko susperraldi ekonomikoa moteldu egin zen, euroaren eremuko PMI konposatua 50,8koa izan baitzen, aurreko datua baino puntu bat eta lau hamarren txikiagoa. Jarduerak behera egin zuen bai zerbitzuen sektorean hedapen txikiagoa izan zelako, bai manufakturen ekoizpenaren murrizketa nabarmenagoa izan zelako, eta horrek beherakadarik handiena izan zuen aurtengo hilekoen artean.

PMI konposatua
Eurogunea

2024ko ekaina
50,8

Taula makroekonomikoa. Eustat

Urte arteko aldakuntza tasa

2022 2023 2023 2024
I II III IV I
BPG 5,4 1,8 2,4 1,5 1,7 1,7 1,7
Barneko azken kontsumoa 6,0 1,5 2,0 1,2 1,6 1,4 1,9
Familien kontsumoa 7,7 1,5 1,8 0,9 1,6 1,5 1,7
Administrazioaren kontsumoa 0,7 1,8 2,4 2,3 1,3 1,2 2,6
Kapital eraketa gordina 8,7 2,1 1,6 2,5 2,6 1,6 1,3
Barne eskaria 6,7 1,7 1,9 1,5 1,8 1,4 1,8
Esportazioak 17,1 1,2 6,3 -2,5 -0,6 1,6 -3,7
Inportazioak 18,7 1,0 5,4 -2,3 -0,3 1,3 -3,4
Lehen arloa -8,7 -3,0 1,3 -5,9 -4,4 -2,6 -0,5
Industria eta energia 4,7 0,3 1,2 -0,7 0,5 0,1 0,1
Eraikuntza 6,7 2,1 0,9 3,6 2,5 1,5 2,0
Zerbitzuak 5,9 2,4 3,0 2,2 2,1 2,3 2,2
Balio erantsi gordina 5,5 1,8 2,5 1,5 1,7 1,6 1,6
Ekoizkinen gaineko zerga garbiak 4,6 1,6 1,8 1,0 1,5 1,9 1,9
Enplegua 2,8 1,7 1,5 1,6 1,7 1,9 2,0

Aurreko buletinak