Ekonomia, Lan eta Enplegu Saila

Ekonomia

Ekonomia, Lan eta Enplegu Saila

Koiuntura DI-DA batean

2026ko uztaila

PDF txostena (1 MB)

EAEko ekonomia %1,7 haziko da 2027an

Ekonomia Zuzendaritzaren aurreikuspenen arabera, BPGren hazkundea %1,9koa izango da 2026an eta %1,7koa 2027an, nazioarteko ziurgabetasunak eta, bereziki, Ekialde Hurbileko gatazkak Iranen inguruan izan duen bilakaerak oraindik ere baldintzatzen duten ingurune batean. Izan ere, Iranen behin betiko ebazpena zalantzazkoa da, nahiz eta azken aurrerapenak egin diren.

BPGa
Urte arteko aldakuntza tasa

2027ko hazkundea
%1,7

Afiliazioaren errekor historiko berria ekainean

Gizarte Segurantzako afiliazioa 1.044.686 pertsonakoa izan zen ekainean Euskadin. Hau da, %1,5eko urte arteko hazkundea izan du, eta 2006tik eskuragarri dagoen serie historikoaren maximo berri bat ezarri du, 1.040.000 afiliatuen gainetik finkatuta. Afiliatuen zenbateko osoa 15.541 pertsonatan igo da aurreko urteko ekainarekin alderatuta. Sexuaren arabera, bilakaerak orekatua izaten jarraitzen du: 502.106 emakume eta 542.578 gizon afiliatu bait daude, hau da, urte arteko %1,5eko hazkundea egon da bi kasuetan.

Gizarte Segurantzako afiliazioa. Guztira
Urte arteko aldakuntza tasa

Afiliazioa ekaina
%1,5

Erregistratutako langabezia zertxobait igo da ekainean

Euskadik 104.212 langabe izan zituen ekainean, hau da, urte arteko %0,8ko hazkundea. Horrela, aurreko hilabeteetan ikusitako jaitsiera joera eten du. Guztira, langabeziak gora egin zuen 821 pertsonatan 2025eko ekainarekin alderatuta. Igoera horrek ez du aldatzen Euskadiko lan merkatuaren sakoneko joera, langabezia maila txikiei eusten baitie, eta, bigarren hiruhileko osoan, erregistratutako langabeziaren urte arteko %1,0ko jaitsiera metatzen baitu.

Langabezia erregistratua. Guztira
Urte arteko aldakuntza tasa

Langabezia erregistratua. Ekaina
%0,8

Inflazioa %3,2an mantendu da maiatzean

Inflazioa %3,2an mantendu zen maiatzean, elektrizitatearen eta gasaren neurritasunean oinarrituta; garraioak eta zerbitzuek, berriz, goranzko presioa egiten jarraitu zuten. Azpiko inflazioa hamarren bat igo zen apirilarekin alderatuta, zerbitzuek bultzatuta. Aitzitik, hondarreko inflazioa moteldu egin zen energiak eutsi egin zueako eta prestatu gabeko elikagaien presio txikiagoagatik.

KPI Indize orokorra
Urte aldakuntza tasa

2026ko maiatza KPIa
%3,2

Euskal enpresek dinamismo txikiagoa aurreikusten dute, baina baikor jarraitzen dute

Laboral Kutxaren inkestaren arabera, euskal enpresen konfiantza leundu egin zen 2026ko hirugarren hiruhilekoari begira, baina hedapen eremu argi batean finkatuta jarraitzen du. Indize orokorra 58,0 puntutik 55,1era jaitsi zen; maila hori oraindik ere handia da ikuspegi historikoan, eta 50eko atalasetik gorakoa, aldeko eta kontrako igurikimenak bereizten baititu. Gainera, adierazlea pandemiaren ondorengo urte gehienetan ikusitako erregistroen gainetik dago oraindik, EAEko enpresa ehunak bere negozioaren bilakaerari buruzko pertzepzio eraikitzaileari eusten diola islatuz.

Enpresen konfiantzaren indizea
Euskadi

2026ko 3. hiruhilekoa
55,1

ELGAk dezelerazio globala aurreikusten du tentsio energetikoek dirauten bitartean

ELGAren ustez, Ekialde Hurbileko gatazkari lotutako hornidura-disrupzioen iraupenak baldintzatuko du munduko ekonomiaren bilakaera hurrengo hiruhilekoetan. Jarduera globalak urte hasieran erresistentzia ahalmen nabarmena erakusten bazuen ere, energia hornidurako zailtasunak eta ziurgabetasunaren areagotzea pixkanaka eragiten ari dira kontsumoari, inbertsioari eta merkataritzari buruzko erabakietan. Ondorioz, munduko hazkundeak intentsitatea galduko du 2026an eta %2,8an kokatuko da, 2025ean erregistratutakoa baino sei hamarren gutxiago.

Munduko BPGa
Urte arteko aldakuntza tasak

2026ko BPGa
%2,8

Taula makroekonomikoa. Eustat

Urte arteko aldakuntza tasa

2024 2025 2025 2026
I II III IV I
BPG 2,5 2,3 2,1 2,2 2,3 2,4 2,2
Barneko azken kontsumoa 2,8 2,5 2,4 2,2 2,7 2,6 3,0
Familien kontsumoa 2,5 2,7 2,6 2,8 2,9 2,6 2,7
Administrazioaren kontsumoa 3,5 1,7 1,9 0,3 2,1 2,3 4,1
Kapital eraketa gordina 2,7 4,0 2,3 3,5 4,9 5,2 4,8
Barne eskaria 2,8 2,8 2,4 2,5 3,2 3,2 3,5
Esportazioak 0,1 0,4 2,0 0,8 -1,8 0,6 -1,4
Inportazioak 0,4 1,2 2,4 1,3 -0,5 1,8 0,5
Lehen arloa 4,3 -0,6 0,6 -0,4 -1,5 -1,2 -0,7
Industria eta energia 2,0 0,4 0,4 0,1 0,2 0,9 -0,3
Eraikuntza 2,0 3,7 1,7 3,1 5,1 4,9 2,5
Zerbitzuak 2,9 2,8 2,7 2,8 2,9 2,8 2,9
Balio erantsi gordina 2,6 2,3 2,1 2,1 2,4 2,5 2,1
Ekoizkinen gaineko zerga garbiak 1,6 2,2 2,3 2,4 2,2 2,1 2,2
Enplegua 1,5 1,4 1,5 1,4 1,4 1,4 1,3

2024ko datuak aurrerapena dira. 2025ekoak eta 2026koak hiruhileko kontabilitatea dira.

Aurreko buletinak