Estilo aholkuak
Argi eta garbi
Agiri honetan idatzi behar dugun testua oso zehatza da. Hau da, prestatuta dagoen dokumentuan adierazi beharrekoak datu hutsak baino ez dira. Beraz, estilo aldetik eman dezakegun aholku bakarra da letra argiz idatzi behar dela. Zenbakiak idazterakoan ere kontuz ibiliko gara ez erratzeko.
Idazki elebidunetan, euskara nabarmendu
Hitzak elkarren ondoan idatzi behar baditugu, aukera bi ditugu euskarazkoa nabarmentzeko:
- Euskarazkoa aurretik, marra idatzi (ez gidoia, baizik eta marra zeiharra) eta ondoren erdarazkoa.
Izena / Nombre
- Euskarazkoa gainean, eta azpian erdarazkoa.
Helbidea
Dirección
Edozein kasutan ere, tipografiaz ere baliatu behar dugu: euskarazkoa letra handiagoz edota lodiaz idatziz; edo letra etzana (nekezagoa irakurtzeko) erabili erdararentzat.
BIDAIA- ETA OTORDU-GASTUAK
GASTOS DE VIAJE Y DIETAS
Bestalde, osagai batzuk euskara hutsean idatz daitezke nahiz eta inprimakia elebiduna izan; esate baterako, helbidea.