Aurkezpena

Zalantzarik gabe, eskua eta eskumuturra funtsezko tresna espezializatua dira gure jardueretan, mugikortasun handiagatik, egokitzeko gaitasunagatik eta oratzeko, heltzeko, mugimendu finak egiteko edo indarra emateko berariazko funtzio konplexuak egiteagatik. Hala ere, egitura organikoa denez, zaurgarritasun handia du hainbat lesioren aurrean, bai lanean, bai eguneroko bizitzan.

Laneko testuinguruan, eskuak eta eskumuturrak lesio akutuak eta patologia kronikoak edo funtzionalak eragin ditzaketen traumatismoak izan ditzakete maiz, mikrotraumatismo errepikakorren ondorioz. Tailer horretan, eskuaren eta eskumuturraren anatomia eta miaketa errepasatuko da, miaketa ekografikoari buruzko datuak emango dira, eta prebentzio- eta errehabilitazio-neurrien garrantzia aztertuko da ergonomiaren eta errehabilitazioaren ikuspegitik.

Laburpena

2024ko azaroaren 8an, "Esku-eskumuturreko patologia eguneratzea. Lan-arloko alderdiak” jardunaldia ospatu da, Osalanek, Laneko Medikuntzako Euskal Elkarteak eta Bilboko Medikuntza Zientzien Akademiak antolatuta. Prebentzio-zerbitzuetako osasun-langileei zuzendutako jardueren barruan programatuta, 140 pertsona baino gehiago bertaratu dira jardunaldi honetara, aurrez aurre eta online (107 emakume, 40 gizon).

Eskua eta eskumuturra funtsezko tresna espezializatuak dira, mugikortasun handia dutelako eta zeregin konplexuak egiteko gaitasun handia dutelako. Zeregin horiek funtsezkoak dira gure eguneroko bizitzako jardueretan eta, jakina, lan-esparruan baita. Hala ere, lesioekiko zaurgarritasuna alderdi kritikoa da, batez ere lan-ingurunean.

Hitzaldietan, modu osagarrian eta ikuspegi praktikotik, agerian geratu da prebentzioa eta errehabilitazioa funtsezkoak direla eskuaren eta eskumuturraren osasuna mantentzeko.

Lehenengo hitzaldian, ekografiaren erabilgarritasuna gogorarazten da; izan ere, teknika ez-inbaditzailea eta segurua da, eta irudiak denbora errealean lortzeko aukera ematen du, diagnostiko zehatza eta azkarra erraztuz. Horregatik, teknika horren etengabeko prestakuntza eguneratuaren garrantzia osasun-eremu ezberdinetan erabiltzeko, lan-ingurunea barne.

Era berean, eskuzko miaketa-teknikak erakutsi dira, hasierako etapetan arazoak detektatzeko aukera ematen dutenak, tratamendu eraginkorragoa errazten duenak, eta luzatze-teknika prebentiboak, eskuaren eta eskumuturraren osasuna mantentzen lagun dezaketenak, lesio-arriskua murriztuz eta lesiorik izanez gero errekuperazioa hobetuz.

Gaixotasun profesionalei dagokienez, eskuarekin eta eskumuturrarekin lotutako gaixotasun profesionalak sailkatzearen garrantzia ere azaldu eta gogorarazi da, funtsezkoa baita patologia horiek prebenitzeko eta behar bezala tratatzeko. Diagnostiko goiztiarrak aukera ematen du lesioak larriagotu aurretik esku hartzeko, zereginak eta lan-baldintzak ebaluatzeko, arrisku-faktore espezifikoak identifikatzeko eta tratamendu pertsonalizatua planifikatzeko.

Arestian deskribatutakoa aurrera eramateak eskuko eta eskumuturreko patologiak prebenitzen lagun dezake, langileen osasuna eta ongizatea hobetuz.

Eskerrak eman nahi dizkiegu prestakuntza-saio honetan parte hartu duten guztiei, bereziki hizlariei, bai eta jardunaldia antolatzen lagundu duten langile guztiei ere.

Hitzaldiak

Ostirala 2024ko azaroak 8, Osalanen Kontseilu Aretoa (Barakaldo)

• Aportación de la técnica ecográfica en nuestros servicios, anatomía, diagnóstico, casos clínicos
  Pablo Barceló, Lan Medikua.
• Exploración manual mano-muñeca. Técnicas de estiramiento preventivas
  Miguel Angel de la Iglesia, Lan Medikua eta Ergonomoa.
• Enfemedad profesional. Medidas preventivas. Visión de médica rehabilitadora
  Arantza Bringas, Errehabilitazioko eta medikuntza fisikoko mediku espezialista.

Bideoa

Argazkiak