Euskadiko hotel establezimenduetako gaualdiak urte arteko %5,7 hazi ziren abuztuan, 974.200etik gertu geratuz, eta maximo historiko berri bat erregistratuz serie osorako. Urteko lehen zortzi hilabeteetako metatuan, urte arteko %3,4ko hazkundea izan zuten, eta 5.421.000tik gorakoak izan ziren, errekor berria hau ere.

Uztailean, atzerrira bidalitako euskal esportazioak %11,5 gehitu ziren urte batetik bestera. Hazkundea batez ere produktu energetikoen esportazioek bultzatu zuten (%200,4), baina produktu ez energetikoen kanpo salmentek ere bilakaera positiboa izan zuten, %6,2ko aurrerapenarekin 2025eko uztailarekin alderatuta.

Abuztuan, industriako prezioek %6,2 egin dute gora Euskadin, aurreko urteko hilabete beraren aldean, eta martxoan hasitako goranzko bideari eutsi diote. Sektore handien arabera, energia izan zen bultzatzaile nagusia %29,0ko hazkundearekin, ondoren bitarteko ondasunak (%3,4) eta ekipo ondasunak (%0,7). Aitzitik, kontsumo ondasunek %2,5eko beherakada izan zuten.

Abuztuan, eraikuntzaren kostuak %7,3 igo ziren urte artean Euskadin, martxotik izandako tasa altuei eutsiz, ekainean hazkundea zertxobait apaldu bazen ere. Lehengaiak (%8,2) eskulana (%4,7) baino gehiago garestitu ziren. Sektoreka, kostuek gora egin zuten bai obra zibilean (%7,5) bai eraikuntzan (%7,2).