Wohlgemuth, Michael
Alemaniar pintorea eta grabatuegilea (Nurenberg, 1434 - Nurenberg, 1519). Pleydenwurff-en ikaslea izan zen eta ospe handia lortu zuen bere jaioterrian zuen lantegian, Alberto Durero izan baitzen, besteak beste, hango ikasleetariko bat. Oso marrazki gogorrak egin zituen, kolore biziez eta distiratsuez eginak. Koadro erlijiosoak pintatu zituen batez ere: Ama Birjina Zwickau-ekoaren erretaula, Ama Birjinaren bizitza eta nekaldiko gertaerak eta Negarra gorpuaren aurrean.
