Fozion
Atenasko jenerala eta hizlaria (Atenas, K.a. 402 inguru - Atenas, 318). Aristokraten alderdikoa zen; berrogeita bost aldiz izendatu zuten estratega, eta mazedoniarrak Eubea eta Kersonesotik bota zituen. Gudari handia bazen ere, bakezalea zen, eta Alexandro eta Antipatrosen aurrera joan zen mandatari gisa. Abertzaletasunak irabazi zuenean, zikuta edatera kondenatu zuten. Demostenek, bere etsaiak, oso hizlari bikaintzat zeukan.
