dokumentuak digitalizatzeko prozesua egiteko, Adobe Scan doako app-a deskargatzea gomendatzen dizugu, Google Play-tik Android-erako edo AApp Store-tik iPhone-rako. Azken horrek PDF fitxategi bakarra lortzeko aukera ematen du, dokumentu bereko hainbat orritako argazkietatik abiatuta.

Instalatu ondoren, prestatu dokumentua eta hasi aplikazioa terminalean:

• Egokitu zure terminaleko argazki-kameraren bereizmenetik; oro har, 2 megapixelekin nahikoa izaten da. Hala ere, ziurtatu lortzen dituzun argazkiek digitalizatzen ari zaren dokumentuko testuak ondo irakurtzeko aukera ematen dutela. Gehiegizko bereizmenarekin, lortutako fitxategia oso astuna izango da (mega asko izango ditu); beraz, sisteman kargatzeko prozesua askoz motelagoa izango da, eta arazoren bat ere izan lezake.
• Hautatu argazkia atera behar den eremuaren azpian ageri den dokumentua aukera. 
• 
• Eskuratu dokumentuaren lehen orrialdeko argazki bat. Ziurtatu argazkiak orrialde osoa duela, ez dela deformatuta agertzen eta testuak ezin hobeto irakurtzen direla.
• Dokumentuak orri gehiago baditu, sakatu Jarraitu botoia dokumentuaren gainerako orrialdeetako argazkiak lortzeko.
• 
• Argazkiak ateratzeko orrialde gehiago geratzen ez direnean, sakatu beheko aldean, eskuinaldean, agertzen den miniaturazko irudia, eta horrela lortutako argazki guztiak ikusi ahal izango dituzu, orri bakoitzeko bat.
• Sakatu goiko aldean ageri den lapitz-formako botoia, fitxategiari izen bat emateko. Ziurtatu izen hori gerora erraz aurkitzeko bezain esanguratsua dela.
• 
• Fitxategia gordetzeko, sakatu "Gorde PDF" aukera.
• 
• Orain, ordenagailura eramatea besterik ez zaigu geratzen, gero eskabideari erantsi ahal izateko. Horretarako, Adobe Scanetik zuzenean egin dezakezu, "Compartir" aukerarekin, zure helbide elektronikora bidaltzeko aukera ematen dizu, ondoren ordenagailura deskargatzeko, edo hodeian biltegiratzeko sistemetako baten kopia partekatzeko (Dropbox, OneDrive, Google Drive, edo antzekoa), etab..
  • 
  
  Beste aukera bat zure smartphonea ordenagailura zuzenean USB kablearen bidez konektatzea da, sortutako pdf fitxategia transferitu ahal izateko.
  Hala ere, gogorarazten dizugu badaudela beste aukera batzuk dokumentuak smartphonea edo tableta erabiliz digitalizatu ahal izateko.