Giza odola eta bere osagaiak atera, egiaztatu, tratatu, biltegiratu eta banatzeko kalitate- eta segurtasun-arauak eta baldintza teknikoak betetzen direla egiaztatzea, giza osasunaren babes-maila altua bermatzeko. Odol-banku eta -biltegiak eta giza ehunen lorpen- eta ezarpen-zentroak eta -bankuak giza ehunen transfusio- eta hornikuntza-sarean sartzen dira, giza odol eta ehunetatik eratorritako produktuen premia sanitarioei erantzuteko, osasun-sare publikoan zein pribatuan.

Aplikazio-araudia

• 1343/2007 Errege Dekretua, urriaren 11koa, transfusio-zentroen eta -zerbitzuen kalitate-sistemari buruzko arauak eta zehaztapenak ezartzen dituena.
• 1088/2005 Errege Dekretua, irailaren 16koa, hemodonaziorako betekizun teknikoak eta gutxieneko baldintzak ezartzen dituena, bai eta transfusio-zentro eta -zerbitzuenak ere.
• 29/2001 Dekretua, otsailaren 13koa, transfusioetarako eta giza ehunen horniketarako Euskal Autonomia Erkidegoko Sarea antolatzeko dena.