Medikamentu Baten eta kontrako erreakzio baten arteko kausalitate erlazio posible bat ebaluatzeko beharrezkoak diren gutxieneko datuak jasotzen dituen  formulario (JPG, 349 KB) bat da.

Zer jakinarazi behar da?

Terapeutikan sartu berriak diren (azken 5 urteetan) medikamentuekin trataturiko pazienteengan igarri diren kontrako erreakzioen susmo guztiak.

Ezezagun edo ustekabekoak diren kontrako erreakzio guztiak. Hilgarriak gertatu diren, pazientearen bizitza arriskuan jarri duten, ospitaleratu beharra eragin edo ospitaleko egonaldia luzarazi duten erreakzio guztien susmoak, bai eta sortzetiko malformazioak eta efektu atzeraezinak eragin dituztenenak ere.

Nola egin behar dira jakinarazpenak?

Herritarrek:

Herritarrek AEMPSen  webguneko formulario elektronikoaren bidez jakinaraz dezakete.

Osasun-alorreko profesionalek:

Zenbait bide dituzte Osakidetzan lan egiten duten profesionalek jakinarazpena egiteko:

• Osabide Globaleko “Alertak” atalaren bidez: SEOK jakinarazpenak Osabide Global gunearen bidez
• Jakinarazteko formularioaren  bidez, Osakidetzaren intraneten barruan.
• AEMPSen  webguneko formulario elektronikoaren bidez.
• Telefonoz (94.400.7070 – 857070).
• Posta elektronikoz (farmacovigilancia@osakidetza.eus)
• Ohiko txartel horiaren bidez

Zenbait bide dituzte Osakidetzaren saretik kanpo lan egiten duten profesionalek jakinarazpena egiteko:

• AEMPSen webguneko formulario elektronikoaren bidez.
• Telefonoz (94.400.7070 – 857070)
• Posta elektronikoz (farmacovigilancia@osakidetza.eus)
• Ohiko txartel horiaren bidez

Nork jakinarazi behar du?

Medikuek, farmazialariek, gaixoek, osasuneko profesionalek eta, oro har herritarrek

Noiz jakinarazi behar da?

Medikamentuaren Kontrako Erreakzioaren susmoa hartu bezain laster; inoiz ez da itxaron behar ziur gaudela uste dugun arte.

Non jakinarazi behar da?

• Galdakaoko-Usansolo Ospitaleko Farmakojagoletza Unitatean.
• Labeaga auzoa 48960 Galdakao.
• Telefonoa: 94 400 70 70
• FAXa: 94 400 71 03
• Posta elektronikoa: farmacovigilancia@osakidetza.eus

Euskal Herritik kanpo lan egiten baduzu jar zaitez harremanetan zeure komunitateko Farmakojagoletzako Zentroarekin.