Web Zerbitzua

2007ko azaroaren 2an, Mario Hernández Crespo jaunak, Becker SK enpresaren izenean eta ordezkaritzan, Eusko Jaurlaritzako Ingurumen eta Lurralde Antolamendu Sailari ingurumeneko baimen bateratua ematea eskatu zion, Kutsaduraren prebentzio eta kontrol integratuari buruzko uztailaren 1eko 16/2002 Legeak xedatutakoaren arabera, Alegiako udalerrian (Gipuzkoa) kobrezko eta aluminiozko hari esmaltatu eta estalia ekoizteko. Eskaerarekin batera, Alegiako Udalak eman zuen aldeko hirigintza-txostena (2007ko urriaren 19koa) eta agiri tekniko hauek aurkeztu zituen:

Laburpen ez-teknikoa.

Oinarrizko proiektua.

B agiria (1254/1999 Errege Dekretuaren aplikagarritasunari buruzko galdera-sorta).

Erreferentziako baimena eskatzeko unean, Becker SK enpresak, besteak beste, isurketak egiteko 2002ko urriaren 17ko baimena zuen, eta hondakin geldoen ekoizleen erregistroko inskripzioa, 2002ko maiatzaren 21ekoa.

2008ko ekainaren 9an, Ingurumenaren Kalitatearen Zuzendaritzak prozeduran esku-hartzea duten hainbat organori txostenak eskatu zizkion, Ingurumen Organoaren bidez proiektua jendaurrean jartzeko izapidetzea adosteari dagokionez. Zehazki Alegiako Udalari, Eusko Jaurlaritzako Osasun Sailari eta Iparraldeko Ur Konfederazioari eskatu zien txostena.

Ingurumen Organoak agiri osagarriak eskatu zizkion sustatzaileari 2008ko uztailaren 14an; espedientea 2008ko irailaren 25ean osatu zen.

Aurkeztutako agiriak nahikoa zirela egiaztatu ondoren, Ingurumeneko sailburuordeak 2008ko urriaren 10ean emandako Ebazpenaren bidez, Becker SK enpresak sustatutako proiektua jendaurrean jarri zen 30 egun balioduneko epean, Euskal Herriko Agintaritzaren Aldizkarian eta Gipuzkoako Aldizkari Ofizialean argitaratuta, bietan 2008ko urriaren 29an, egoki iritzitako alegazioak aurkezteko. Era berean, Euskal Autonomia Erkidegoko bi egunkaritan argitaratu zen 2008ko urriaren 26an, eta ondoko auzokideei banan-banan jakinarazpena bidali zitzaien.

Jendaurrean jartzeko izapidea amaitu ondoren, bi alegazio-idazki aurkeztu direla egiaztatu da, eta horien inguruko txostena erantsi da ebazpen honen I. eranskinean.

Uztailaren 1eko 16/2002 Legearen 17. eta 18. artikuluetan xedatutakoa betez, 2008ko abenduaren 12an Ingurumenaren Kalitatearen Zuzendaritzak txostenak eskatu zizkien Alegiako Udalari eta Eusko Jaurlaritzako Osasun Sailari, eta 2009ko urtarrilaren 27an Iparraldeko Ur Konfederazioari, espedientean ageri den emaitza jasoz.

2009ko otsailaren 5ean, Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 20. artikuluan xedatutakoa betez, espediente osoa Becker SKaren esku utzi zen, Ingurumen eta Lurralde Antolamendu Sailak egindako ebazpen-proposamena gehituta.

2009ko martxoaren 2an, Becker SKaren ofizioa jaso da, 2008ko maiatzean hiru isurtze-foku ordezteko aurreikuspenari, «araztegiko lohiak» hondakinaren izenari, eta ISO 14001 arauaren araberako ingurumena kudeatzeko sistema ezartzeari buruz.

Uztailaren 1eko 16/2002 Legearen 1. artikuluan xedatutakoaren arabera, lege horren xedea da atmosferaren, uraren eta lurzoruaren kutsadura saihestea edo, hori ezinezkoa denean, kutsadura hori gutxitu eta kontrolatzea; eta hori lortzeko, ingurumen osoaren babes-maila altua helburutzat harturik, kutsadura prebenitu eta kontrolatzeko sistema integratu bat ezartzea.

Kutsaduraren Prebentzio eta Kontrol Integratuari buruzko uztailaren 1eko 16/2002 Legea garatu eta burutzeko Erregelamendua onartzen duen apirilaren 20ko 509/2007 Errege Dekretuaren 3. artikuluan xedatutakoa betez, baimen honetan sartzen dira ekoizpen-elementu eta lerro guztiak; 16/2002 Legearen 1. eranskinean aipatzen ez diren arren, lege hori aplikatu beharreko esparruko jardueren instalazioetan gauzatzen direnak eta jarduera horrekin zerikusia dutenak.

16/2002 Legearen 9. artikuluak ezartzen duena betez, ingurumeneko baimen bateratua behar da 1. eranskinean aipatzen diren jardueraren bat garatzen duten instalazioak eraiki, muntatu, ustiatu, lekuz aldatu nahiz funtsezko beste aldaketaren bat egiteko. 11. artikuluaren arabera, baimen honen oinarrizko helburua baldintzak ezartzea da, araua aplikatzeko den instalazio guztietan betetzen dela bermatzeko; horretarako, baimena ematen parte hartuko duten Herri Administrazio guztien artean koordinatuko den prozedura bat erabili nahi da, izapideak erraztu eta partikularrek ordaindu beharreko kargak gutxitzearren. Era berean, indarrean den legerian aurreikusitako ingurumen-baimen guztiak administrazio-egintza bakar batean bildu nahi dira. Becker SK enpresaren kasuan, baimen hauek guztiak behar ditu: hondakin arriskutsu eta ez-arriskutsuak ekoizteko baimena; jabari hidrauliko publikora isurtzeko baimena, eta ingurumen-izaerako beste zehaztapenen artean, atmosferaren kutsadurari dagozkion baimenak eta lurzoruaren kutsadurari aurrea hartu eta zuzentzeari dagozkionak. Era berean, beste administrazio eta erakunde eskudunek egindako txostenak aurkeztu dituzte, espedientean parte hartzen dutela agerian uzteko.

Uztailaren 1eko 16/2002 Legearen 29. artikuluan xedatutakoaren arabera, ingurumeneko baimen bateratua emateko prozedurak ordezkatu egiten du azaroaren 30eko 2414/1961 Dekretuak, Jarduera Gogaikarri, Osasungaitz, Kaltegarri eta Arriskutsuei buruzkoak, aurreikusten duen jarduera sailkatuetarako udal-baimenaren prozedura; ez du ordezkatzen, ordea, udal-agintaritzak emango duen behin betiko ebazpena. Ondorio horietarako, ingurumeneko baimen bateratua udal-agintarientzat loteslea izango da baldin eta lizentzia ukatzeko bada edota neurri zuzentzaileak ezartzeko; baita goiko arauaren 22. artikuluan jasotako ingurumen-alderdiei buruzko guztian ere. 29. artikulu horretan aipatzen denez, goiko guztiak ez ditu kaltetuko autonomia-erkidego bakoitzean jarduera sailkatuei aplikatzekoak diren gainerako arauak. Transkribatutako aginduak aplikatuz, Becker SK enpresari dagokion ingurumeneko baimen bateratuaren prozedurak barne hartu ditu Euskal Autonomia Erkidegoko Ingurumena Babesteko otsailaren 27ko 3/1998 Lege Orokorrean aurreikusitako izapideak; horiez gain, espedientean sartu dira Alegiako Udalaren eta Eusko Jaurlaritzako Osasun Sailaren txostenak.

Instalazioak gehienez isur ditzakeen gai kutsagarrien balioak eta ingurumena, oro har, ahalik eta gehien babesteko ustiapenerako ezarriko zaizkion beste baldintza batzuk zehazte aldera, ebazpen hau egiterakoan kontuan izan dira teknika erabilgarri onenak eta aplikatzeko den arloko legerian ezarritako baldintzak. Zehazki, kontuan hartu da Europako Batzordearen 2007ko maiatzeko Reference Document on Best Available Techniques on Surface Treatment using Organic Solvents BREF agiriaren edukia. Gainera, arloko araudiei dagokienez, kasu honetan aplikatzekoak dira apirilaren 30eko 782/1998 Errege Dekretua, ontziei eta ontzi-hondakinei buruzko apirilaren 24ko 11/1997 Legea garatzeko eta betetzeko Araudia onartzen duena, eta urtarrilaren 31ko 117/2003 Errege Dekretua, zenbait jardueratan disolbatzaile organikoak erabiltzean sortzen diren konposatu organiko hegazkorren isuriak murrizteari buruzkoa.

Espedientean dauden agiriak eta aurkeztutako alegazioak aztertu ondoren (I. eranskinean doa horien gaineko txostena) eta proiektu osoak ingurumenean duen eraginaren ebaluazioa egin eta gero, ebazpen-proposamena txertatu eta Becker SK enpresak sustatutako proiektuari aplikatzeko baldintzak txertatu ziren.

Goian adierazitako izapideak amaitu dira, eta Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 20. artikuluan jasotzen den entzunaldi-izapidea bete da.

Ebazpen hau egiterakoan sustatzaileak eginiko alegazioak kontuan hartu direla ikusiz, isuri atmosferikoetarako adierazitako baldintzak aldatu gabe, fokuen aldaketarik oraindik ez denez egin eta isurketa-foku berriak jartzeko nahikoa agiri aurkeztu ez denez, ez da ingurumena zaintzeko programaren emaitzak kanpoko erakunde batek eginiko txostena batekin aurkezteko betebeharraz salbuetsiko, dagokion Ingurumena Kudeatzeko Sistema ezarri izana egiaztatu arte.

Organo hau da ingurumeneko baimen bateratua emateko eskuduna, aipatutako legearen 13. artikuluan eta Ingurumen eta Lurralde Antolamendu Sailaren egitura organikoa ezartzen duen urriaren 25eko 340/2005 Dekretuaren 9. artikuluan ezarritakoari jarraituz.

Ondorengo araudia ikusi da: Ingurumen eta Lurralde Plangintza Sailak 2009ko otsailaren 5ean emandako ebazpen-proposamena; otsailaren 27ko 3/1998 Lege Orokorra, Euskal Herriko Ingurumena Babesteari buruzkoa; uztailaren 1eko 16/2002 Legea, Kutsaduraren Prebentzio eta Kontrol Integratuari buruzkoa; urriaren 25eko 340/2005 Dekretua, Ingurumen eta Lurralde Antolamendu Sailaren egitura organikoa ezartzen duena; azaroaren 26ko 30/1992 Legea, Herri Administrazioen Araubide Juridikoa eta Administrazio Prozedura Erkideari buruzkoa, eta aplikatzeko den gainerako araudia, hau

Lehenengoa. Egoitza soziala Alegiako udalerriko (Gipuzkoa) Amezketako errepideko z./g.an eta IFK: F 20814976 zenbakia duen Becker SK enpresari ingurumeneko baimen bateratua ematea, Alegiako udalerriko bere instalazioetan kobrezko eta aluminiozko hari esmaltatu eta estalia ekoizteko jarduerarako, ebazpen honen bigarren atalean ezarritako baldintzekin.

Era berean, ingurumeneko baimen bateratu hau eman da, uztailaren 1eko 16/2002 Legearen 19. artikuluaren arabera, Arroko Erakundeak landu beharreko txostenaren emaitzei kalterik egin gabe.

Jarduera Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 1. eranskinean jasota dago. Hain zuzen ere, 10.1 kategorian, «Disolbatzaile organikoak erabiltzen dituzten material, objektu edo produktuen azalerak tratatzeko instalazioak, bereziki distira emateko, estanpatzeko, estaltzeko eta koipegabetzeko, iragazgaizteko, itsasteko, lakatzeko, garbitzeko edo bustitzeko, orduko 150 kg disolbatzailetik gora edo 200 tona/urteko kontsumitzeko gaitasunarekin».

Becker SK enpresak kobrezko eta aluminiozko hari esmaltatu eta estalia ekoizten du, eta enpresaren instalazioak Alegiako udalerriko (Gipuzkoa) Amezketako errepideko z./g.an daude.

Becker SK enpresaren ekoizte-ahalmena 12.000 t/urtekoa da.

Erabilitako energia-iturriak elektrizitatea (lantegiaren erabilera orokorretarako) eta gasolioa (lurrun-galdaretarako) dira, eta azken horrek NOX, SO2 eta CO isuriak sortzen ditu.

Becker SK enpresak garatutako ekoizte-prozesu nagusiak trefilaketa eta esmaltazioa dira. Prozesu osagarri gisa, sarrerako uren tratamendua eta araztegian industriako hondakin-uren tratamendua daude.

Ekoizte-prozesua trefilaketarekin hasten da, hots, funtsean hariaren diametroa mehartzea, txirbil-harroketarik gabe hariaren luzatze bat sortzen duten ilara koniko batzuetatik igaroz. Prozesu hau trefilina izeneko emultsio batean gauzatzen da. Urez eta olioz osatuta dago, eta hozteko eta lubrifikatzeko helburuak ditu. Emultsio hori zirkuitu itxi batean birzirkulatzen da, partikula esekien iragazte batekin.

Hurrengo urratsak, esmaltazioak, aurreko urratsean hasitako trefilaketarekin segitzen du, bezeroak eskatutako diametro izendatua izateko. Jarraian, suberaketak trefilaketako haria gogortzea saihesten du. Prozesu hau lurrunez saturatutako atmosfera batean burutzen da, oxigenoa egotea eragozteko eta haria oxidatzea saihesteko.

Esmaltazioa hariaren gainean berniza aplikatuz hasten da. Jarraian, bernizez estalitako haria labean sartzen da, eta lehen eremuan bernizeko disolbatzaileak lurruntzen dira, eta ondorioz, berniz-hondakinak sortzen dira.

Labearen barne-korronteak berekin arrastatzen ditu disolbatzaile horiek, eta berotu ondoren, katalizatzaile batzuetan zehar pasarazten ditu, horiek erretzeko. Barne-errekuntza horrek, batetik, labeko airea berotzeko kontsumo elektrikoa murrizten du, eta bestetik, KOHen isuri atmosferikoak.

Labearen irteeran, haria bobinagailuraino eramaten da, eta produktu bukatua lortzen da, bobinak.

Lurruna sortzeko eta trefilinak elikatzeko eta sosa sortzeko erabiltzen den sarrerako ura deskaltzifikazio- eta desmineralizazio-prozesuen bidez tratatzen da.

Becker SK enpresan sortutako hondakin-urak ibilgu publikora isurtzen dira, zehazki Amezketa ibaira. Urak bereizteko sarea eta lau isurketa-puntu ditu. Batetik ur sanitarioak bereizten dira; ur sanitarioak eta zabalguneko euri-urak bigarren isurketa-puntu batean; konpresore eta galdaren purgak, estalkiko euri-urak eta deskaltzifikazio/desmineralizazioko urak hirugarren puntuan; eta azkenik, aluminioa garbitzeko urak tratatzen dituen araztegiko efluentea.

Becker SK enpresak isuri atmosferikoen 21 foku ditu. Horietatik, 19 foku esmaltatze-prozesuari lotutakoak dira, eta beste 2ak lurruna sortzeari. Esmaltazio-saileko fokuetan errekuntza katalitikoko sistema bat dago, energia-kontsumoa zein isuri atmosferikoak murrizteko.

Becker SK enpresan sortzen diren hondakin arriskutsuak hauek dira: berniza, trefilina, trefilina-iragazkiak, trefilinaz eta berniz-solidoez bustitako kobre-hautsa trefilatze-prozesuan, hondakin-uren arazketako araztegiko lohiak, olio erabiliak, berun azidozko bateriak, fluoreszenteak, ekipo elektriko eta elektroniko baztertuak, plastikozko eta metalezko ontzi kutsatuak, eta zerbitzu orokorretan sortutako koipegabetzailea. Sortutako hondakin ez-arriskutsuak txatarra, zura, plastikoa eta HHSak dira.

Becker SK enpresak aurkeztutako proiektuak teknika erabilgarri onenak (TEO) izan daitezkeen ondorengo neurriak barneratzen ditu: disolbatzaileak kudeatzeko plana, erauzi beharreko aire-bolumenak murriztea isuriak errekuntza katalitiko bidez tratatuz, labeetako airea berotzean disolbatzaileen errekuntza katalitikoa baliatuz (700 şC-etara iristen dira) energia-kontsumoa murriztea.

Bigarrena. Becker SK enpresak Alegiako udalerrian kobrezko eta aluminiozko hari esmaltatu eta estalia ekoizteko jarduera ustiatzeko ondorengo baldintza eta eskakizunak jartzea.

1. Administrazioarekiko harremanen arduradunari buruz emandako datuetan aldaketarik badago, Becker SK enpresak aldaketa horien berri emango du Ingurumen Sailburuordetzan.

2. Neurri babesle eta zuzentzaileak, sustatzaileak Ingurumen Sailburuordetza honetan aurkeztu dituen agirietan aurreikusi bezala burutuko dira, indarrean dagoen araudiaren arabera eta ondorengo ataletan ezarritakoari jarraituz:

   1. Airearen kalitatea babesteko baldintzak.

   1.1. Baldintza orokorrak.

   Becker SK enpresaren lantegia, kobrezko eta aluminiozko hari esmaltatu eta estalia ekoiztekoa, ustiatzean egingo diren isuri atmosferikoek ez dituzte ebazpen honetan ezarritako isurtzeko muga-balioak gaindituko.

   Prozesuan zehar atmosferara isurtzen den kutsatzaile oro bildu eta ihesbide egokienean zehar kanpora bideratuko da, behar denean, gai kutsatzaileen ezaugarrien arabera diseinatutako gasak arazteko sistema batetik igaro ondoren. Arau orokor hori bete beharrik ez dute izango isuri ez-zarratuak biltzea teknikoki edota ekonomikoki bideragarria ez denean, edo ingurunean kalte urria eragiten dutela egiaztatzen denean.

   Neurriak hartuko dira ustekabeko isuririk ez egiteko, eta egiten direnak giza osasunerako eta gizartearen segurtasunerako arriskutsuak izan ez daitezen. Gas-efluenteak tratatzeko instalazioak behar bezala eraiki, ustiatu eta mantenduko dira, efluenteen tenperatura eta konposizio-aldakuntzei modu eraginkorrean aurre egiteko. Era berean, ahalik eta gehien murriztuko dira instalazio horiek gaizki dabiltzan edo geldirik dauden aldiak.

   1.2. Fokuak identifikatzea. Katalogazioa.

   Becker SKaren instalazioak foku hauek ditu, indarrean den araudiaren arabera katalogatuta:

   (Ikus .PDF)

   Gainera, KOHen isuri barreiatuak sortzen dira esmaltatze-prozesuan, lerroak garbitzean, hain zuzen.

   1.3. Isurtzeko muga-balioak.

1. Instalazioa ustiatzean atmosferara egingo diren isuriek ez dituzte isurtzeko muga-balio hauek gaindituko:

   (Ikus .PDF)

   • Bobinetarako alanbrea estaltzeko jarduerarako isurtzeko guztizko muga-balioa 10 g/kg-koa izango da alanbrearen batez besteko diametroa 0,1 mm bada, edo 5 g/kg-koa handiagoa bada. Bobinetarako alanbrea estaltzeko jarduerari lotutako fokuetako neurketen emaitzen arabera, KOHen muga-balioak ezarriko dira hondakin-gasetan.

     Isurtzeko muga-balioak baldintza hauei buruzkoak dira: 273 K-eko tenperatura, 101,3 kPa-eko presioa eta gas lehorra.

2. Neurtutako parametroek ez dituzte isurtzeko muga-balioak gaindituko arauz egingo diren aldizkako ikuskapenetan (ordubeteko hiru neurketa gutxienez), zortzi ordutan zehar neurtuta. Neurketa-tolerantzia gisa, kasu guztien % 25ean gainditu ahal izango da muga-balioa, % 40 gainditzen ez duen zenbatekoa baldin bada. Tolerantzia hori gaindituz gero, neurketa-aldia astebetez luzatuko da, eta aldi horretako tolerantzia global gisa, kasuen % 6an gehienez onar daitezkeen mailak gainditzea onartuko da, % 25a gainditzen ez duen zenbatekoa denean. Tolerantzia horiek izanda ere, gai kutsatzaileak isurtzen dituen fokuaren eragin-eremuan ezin izango dira inoiz higienikoki onar daitezkeen balioak gainditu.

   KOHei (KOG gisa neurtuta) dagokienez, ez dituzte isurtzeko muga-balioak gaindituko arauz egingo diren aldizkako ikuskapenetan (ordubeteko hiru neurketa gutxienez), baldin eta neurketa guztien batez bestekoak ez baditu gainditzen isurtzeko muga-balioak, eta ordubeteko neurketek ez badituzte isurtzeko muga-balioak 1,5etik gorako faktorean gainditzen.

   Dimetilamida azetatoari dagokionez, ez ditu isurtzeko muga-balioak gaindituko arauz egingo diren aldizkako ikuskapenetan (ordubeteko hiru neurketa gutxienez), baldin eta neurketa guztien batez bestekoak ez baditu gainditzen isurtzeko muga-balioak, eta ordubeteko neurketek ez badituzte isurtzeko muga-balioak 1,5etik gorako faktorean gainditzen.

   1.4. Gasak biltzeko eta husteko sistemak.

   Fokuetako hondakin-gasak kanporatzeko tximiniek ez dute B.1.2 atalean jasota dagoen goreneko kota baino baxuagoa izango. Tximinietan behar beste neurri hartuko dira Industria Ministerioak 1976ko urriaren 18an emandako Agindua (industriak atmosferan eragiten duen kutsadurari aurre hartu eta hori zuzentzeari buruzkoa) bete dezaten; besteak beste, laginak hartzeko puntuetara iristeko sarbide seguru eta errazak izango dituzte.

   Zehazki, laginak hartzeko aurreikusitako zuloen kokapenari eta ezaugarriei dagokienez, gas-fluxuak laginketa-puntutik neurketa-puntura bitartean, bere norabidean zehar nahiz aurkakoan, edozein asaldu izan dezakeen puntura bitarteko distantziek (L1 eta L2 parametroak) 1976ko urriaren 18ko Aginduaren III. eranskinean xedatutakoa beteko dute.

   L1 8D eta L2 2D distantziak betetzen ez diren fokuetan, inoiz ez dira L1 < 2D eta L2 < 0,5D balioak onartuko. Kasu horietan, neurketen txostenean laginketa-planoaren baliotasuna justifikatzea eskatuko da.

   Isurtze barreiatuak murrizteko, isuriak biltzeko, husteko eta arazteko sistema guztien mantentze-lan zuzenak egingo dira, eta gainera, beste jarduera hauek: instalazioak egunero eta astero garbitzea, kanpoko ateak ixtea, pabiloia orokorrean ixtea, etab., isuri horiek minimizatzea bermatzeko. Aipatutako informazio guztia agiri honen D.3 ataleko prebentziozko mantentze-lanen eskuliburuan jaso eta erregistratuko da.

   2. Ibilgura isurtzeko baldintzak.

   Ibilgu publikora isurtzen duten lau puntu daude. Lehenengoa ur sanitarioen isurketa-puntu bat da, aurrez hobi septikoan iragazki biologikoarekin tratatua. Bigarren isurketa-puntuak zabalguneko euri-urak eta sanitarioak hartzen ditu barne. Hirugarrenak estalkiko euri-urak, konpresore eta galdaren purgak eta desmineralizazio/deskaltzifikazioko urak hartzen ditu. Azkenik, laugarren isurketa-puntua aluminioa garbitzeko urak tratatzen dituen araztegiko efluentea da.

   2.1. Isurketen sailkapena, jatorria, ingurune hartzailea eta kokapena.

   Isurketa sortzen duen jarduera mota nagusia: Hari eta kable elektriko isolatuen fabrikazioa.

   Jarduera-taldea: 16. Metalen tratamendua eta estaldura.

   Mota-taldea-EJSN: 3-16-28.51.

   (Ikus .PDF)

   2.2. Gehienez isur daitezkeen emari eta bolumenak.

   1. Isurketa. Erabilera sanitarioko urak (PV1 eta PV2).

   (Ikus .PDF)

   2. isurketa: Deskaltzifikazio/desmineralizazioko industria-urak, galdara eta konpresoreen purgak (PV3).

   (Ikus .PDF)

   3. isurketa: Aluminioa garbitzeko industria-urak (araztegiko efluentea) (PV4).

   (Ikus .PDF)

   2.3. Isurtzeko muga-balioak.

   Ibilgura egiten den isurketaren ohiko kutsadura-parametroak ondoren zerrendatutakoak izango dira soil-soilik, bakoitzerako zehazten diren gehienezko balioekin:

   1. Isurketa: Erabilera sanitarioko urak (PV1, PV2).

   (Ikus .PDF)

   2. isurketa: Deskaltzifikazio/desmineralizazioko industria-urak, galdara eta konpresoreen purgak (PV3).

   (Ikus .PDF)

   3. isurketa: Aluminioa garbitzeko industria-urak (araztegiko efluentea) (PV4).

   (Ikus .PDF)

   Metalen kontzentrazioak elementu horien «guztizko» edukiari dagozkie.

   Ezingo dira diluzio-teknikak erabili isurtzeko muga-balioak lortzeko.

   Gainera, ingurune hartzaileari dagozkion arauak eta kalitate-helburuak bete behar dira. Aitzitik, titularrak tratamendu egokia instalatu beharko du, isurketaren ondorioz aipatutako kalitate-helburuak urratzen ez direla ziurtatzeko.

   Baimen horrek ez du baldintza honetan berariaz adierazitakoak ez diren bestelako substantzien isurketa onartzen, batez ere maiatzaren 23ko 606/2003 Errege Dekretuaren hirugarren xedapen gehigarrian aipatzen diren gai arriskutsuak. Errege Dekretu horren bidez, apirilaren 11ko 849/1986 Errege Dekretua Urei buruzko abuztuaren 2ko 29/1985 Legearen atariko titulua eta I, IV, V, VI eta VIII. tituluak garatzen dituen jabari publiko eta hidraulikoari buruzko Erregelamendua onartzen duena, aldatzen da.

   2.4. Araztu eta husteko instalazioak.

   Arazketa-instalazioek edo hondakin-urak zuzentzeko neurriek elementu hauek hartuko dituzte barne funtsean:

   Ur sanitarioak:

   Iragazki biologikoa duten bi hobi septiko.

   Industria-urak:

   000 l-ko edukierako ponpatze-andela.

   000 l-ko neutralizazio- eta malutapen-ganbera, irabiatze mekanikoa, pH-neurgailua eta erreaktibo-gehitzea dituena.

   Dekantazioko ponpatzea.

   Dekantagailu konoenborkara.

   Lohien lodigarria.

   Lohiak deshidratatzeko prentsa-iragazkia.

   Neutralizatzaile, koagulatzaile eta malutatzaile erreaktiboak prestatzea eta dosifikatzea.

   Emari-neurgailuak.

   Hartutako neurri zuzentzaileak nahikoak ez direla ikusiz gero, Becker SK enpresak, baimeneko baldintzak betetzearen erantzule den aldetik, behar beste aldaketa egingo ditu arazketa-instalazioetan, isurketak baimenean ezarritako baldintzak bete ditzan. Aldaketak Ingurumen Sailburuordetzari jakinaraziko dizkio lehenik, eta behar izanez gero, baimena aldatzeko ere eskatuko du.

   Dauden zerbitzuko aire-konpresoreek galdaratxoak purgatu ondoren sortutako olioak ezabatzeko ekipamendu berezia izan behar dute nahitaez.

   Inguruan saneamendu orokorreko kolektore bat eraikitzen denean, ibilgura egiten diren isurketak bertan behera geratuko dira, eta kolektorera gehituko dira. Egoki daitezkeen hartuneko azpiegiturak egitea Becker SK enpresaren erantzukizuna izango dira, eta horretarako beharrezko koordinazioa izango du Gipuzkoako Ur Kontsortzioarekin eta Alegiako Udalarekin.

   Kontrol-kutxeta bat jarriko da baimendutako hondakin-ur mota bakoitzerako; kutxeta horiek isurketen lagin esanguratsuak lortzeko beharrezko ezaugarriak izango dituzte. Kutxetak Uraren Euskal Agentziak egoki deritzonean ikuskatzeko sarbide zuzena duen lekuan kokatuko dira.

   Gainera, erabilera higienikoko ur eta industria-uren isurketek kontrol-kutxeta bana izango dute euri-urekin elkartu aurretik.

   Kasu honetan, nahitaezkoa izango da emari-neurgailua eta pH-neurgailua izatea, aluminioa garbitzeko uren isurketa jarraiki neurtzen dutena, efluentea kontrolatzeko.

   2.5. Isurien kontrol-kanona.

   Uraren Legearen Testu Bateginaren 113. artikulua eta Jabari Publikoko Urguneen Erregelamenduaren (606/2003 Errege Dekretua) 291. artikulua aplikatuz, hauxe da isurien kontrol-kanona:

   (IKK): Isurien kontrol-kanona = V × Pu.

   Pu = Po × Km.

   Km = K2 × K3 × K4.

   Honela ulertuta:

   V = Isurketa baimenduaren bolumena (m3/urte).

   Pu = Isurketaren kontroleko prezio unitarioa.

   Po = Oinarrizko prezioa m3-ko isurketaren izaeraren arabera.

   Km = Isurketaren maiorazioko edo minorazioko koefizientea.

   K2 = Isurketaren ezaugarrien araberako koefizientea.

   K3 = Isurketaren kutsadura-mailaren araberako koefizientea.

   K4 = Ingurune hartzailearen ingurumen-kalitatearen araberako koefizientea.

   1. Isurketa: Erabilera sanitarioko urak (PV1, PV2)

   (Ikus .PDF)

   Km = 1 x 0,5 × 1,25 = 0,6250 .

   Pu = 0,01202 × 0,6250 = 0,007513 euro/m3.

   2. isurketa: Deskaltzifikazio/desmineralizazioko industria-urak, galdara eta konpresoreen purgak (PV3).

      (Ikus .PDF)

      Km = 1,0 × 0,5 × 1,25 = 0,6250 .

      Pu = 0,03005 × 0,6250 = 0,018781 euro/m3.

   3. isurketa: Aluminioa garbitzeko industria-urak (araztegiko efluentea) (PV4).

      (Ikus .PDF)

      Km = 1,18 × 0,5 × 1,25 = 0,735000 .

      Pu = 0,03005 × 0,735000 = 0,022162 euro/m3.

      Isurien Kontrol-kanona: 950 × 0,007513 + 1.802 × 0,018781 + 3.000 × 0,022162 = 107,47 euro/urte.

      3. Instalazioetan sortutako hondakinak egoki kudeatzen direla bermatzeko baldintzak.

      Instalazioetan sortzen diren hondakin guztiak hondakinei buruzko apirilaren 21eko 10/1998 Legean eta aplikatzekoa den berariazko gainerako araudian xedatutakoari jarraituz kudeatuko dira; hala badagokio, hondakinak karakterizatu egin beharko dira horien izaera zehaztu eta helmuga egokiena erabakitzeko.

      Espresuki debekatuta dago sortzen diren tipologia desberdineko hondakinak elkarrekin edo beste hondakin nahiz efluente batzuekin nahastea; hondakinak jatorritik bertatik bereiziko dira eta horiek bildu eta biltegiratzeko bide egokiak jarriko dira, nahasketak saihesteko.

      Hondakinen kudeaketari buruzko printzipio hierarkikoei jarraituz, hondakin oro balioztatu egin behar da, autokudeaketa bidez edo balioztagune baimendu batera eramanda. Hondakinak ezabatu ahal izango dira, baldin eta horiek balioztatzea teknika, ekonomia edota ingurumen aldetik bideragarria ez dela behar bezala egiaztatzen bada. Birsortzea eta berrerabiltzea lehenetsiko dira balioztatzeko beste modu material edo energetikoren aurretik.

      Era berean, Euskal Autonomia Erkidegoan hondakin horiek tratatzeko instalazio baimenduak badaude, instalazio horietara bidaliko dira lehentasunez, autosufizientzia- eta gertutasun-printzipioei jarraituz.

      Baimendutako zabortegian ezabatzea aurreikusita dagoen hondakinen karakterizazioa 2002ko abenduaren 19ko Kontseiluaren 2003/33/EE Erabakiarekin bat etorriz gauzatuko da. Erabaki horren bidez, hondakinak zabortegian hartzeko irizpideak eta prozedurak ezartzen dira. Bestela, erabaki hori garatzeko Euskal Autonomia Erkidegoan onartutako artezpideekin bat etorriz gauzatuko da.

      Hondakinak biltegiratzeko guneak edo guneek lurzoru estankoa izan beharko dute. Egoera fisiko likidoan edo oretsuan dauden edo oso bustita daudelako isurketak edo lixibiatuak sor ditzaketen hondakinen kasuan, horiek biltzeko kubeta edo sistema egokiak jarriko dira ustekabeko jarioak kanpora irten ez daitezen. Hondakina hautsa bada, euri-urarekin kontakturik izan dezan edo haizeak arrasta dezan saihestuko da; behar izanez gero, estali egingo da.

      Hondakinak desagertu, galdu edo ihes eginez gero, berehala jakinaraziko da gertatutakoa Ingurumen Sailburuordetzan eta Alegiako Udalean.

      3.1. Hondakin arriskutsuak.

      Sustatzaileak adierazitako hondakin arriskutsuak hauek dira:

   1. prozesua: «Trefilaketa».

   1. hondakina: «Berniza».

      Identifikazioa: F20814976/20000329/1/1.

      Hondakinaren kodea: Q7//R12//L5//C39//H3B/6//A232(2)//B3258.

      EHZ: 080111.

      Urtean sortutako kantitatea: 18.087 kilogramo.

      Kobrezko eta aluminiozko hariaren esmaltatze-prozesuan sortzen da.

      Hondakin horretarako identifikatutako edukiontzian biltzen da hondakinak biltegiratzeko eremu egokituan.

   2. hondakina: «Trefilina».

      Identifikazioa: F20814976/20000329/1/2.

      Hondakinaren kodea: Q5//R12//L9//C51//H5//A232(2)//B3258.

      EHZ: 120110.

      Urtean sortutako kantitatea: 8.570 kilogramo.

      Trefilaketaren ondorioz sortzen da, eta urez eta olioz osatutako hondakina da.

      Hondakin horretarako identifikatutako edukiontzian biltzen da hondakinak biltegiratzeko eremu egokituan.

   3. hondakina: «Trefilinaz bustitako kobre-hautsa».

      Identifikazioa: F20814976/20000329/1/3.

      Hondakinaren kodea: Q8//R13/14//P25//C6/51//H5//A232(2)//B3258.

      EHZ: 120118.

      Urtean sortutako kantitatea: 2.200 kilogramo.

      Trefilaketaren ondorioz sortzen da, eta urez eta olioz osatutako hondakina da.

      Hondakin horretarako identifikatutako edukiontzian biltzen da hondakinak biltegiratzeko eremu egokituan.

   4. hondakina: «Berniz-solidoak».

      Identifikazioa: F20814976/20000329/1/4.

      Hondakinaren kodea: Q5//R12//S23//C41//H5//A232(2)//B3258.

      EHZ: 080111.

      Urtean sortutako kantitatea: 7.000 kilogramo.

      Esmaltatze-prozesuan sortutako berniz-hondakin solidoak dira.

      Hondakin horretarako identifikatutako edukiontzian biltzen da hondakinak biltegiratzeko eremu egokituan.

   2. prozesua: «Hondakin uren arazketa».

   1. hondakina: «Garbiketako likido urtsuak».

      Identifikazioa: F20814976/20000329/2/1.

      Hondakinaren kodea: Q5//R12//L21//C24//H5//A241(2)//B0006.

      EHZ: 190205.

      Urtean sortutako kantitatea: 527 kilogramo.

      Aluminio-garbiketako hondakin-urak tratatzeko prozesuan sortzen da.

      Edukiontzietan biltzen dira, kudeatzaile baimenduak jaso aurretik.

   3. prozesua: «Zerbitzu orokorrak».

   1. hondakina: «Olio erabiliak».

      Identifikazioa: F20814976/20000329/3/1.

      Hondakinaren kodea: Q5//R13//L8//C51//H5/6//A241(2)//B0019.

      EHZ: 130205.

      Urtean sortutako kantitatea: 200 kilogramo.

      Makinetan olioa birjartzean sortzen da. Olio mekaniko erabiliak dira, galdara eta konpresoreen purgetako hondakinez gain.

      Hondakinarentzat identifikatutako bidoian jasotzen da sortzen den postuan edo postuetan. Bete ondoren, hondakin-biltegira eramaten da.

   2. hondakina: «Berun azidozko bateriak».

      Identifikazioa: F20814976/20000329/3/2.

      Hondakinaren kodea: Q6//R13//S37//C18/23//H8//A241(2)//B0019.

      EHZ: 160601.

      Urtean sortutako kantitatea: Noizean behin.

      Bateria agortuak birjartzean sortzen da, eta eraginkorragoa denez, elkartuta biltzen dira. Beruna eta disoluzio azidoa dute.

      Hondakin horretarako identifikatutako edukiontzian biltzen dira, horretarako berariazko eremuan.

   3. hondakina: «Fluoreszenteak».

      Identifikazioa: F20814976/20000329/3/3.

      Hondakinaren kodea: Q6//R13//S40//C16//H6//A241(2)//B0019.

      EHZ: 200121.

      Urtean sortutako kantitatea: Noizean behin-

      Merkurioa duten lanpara erabiliak birjartzean sortzen da.

      Hondakinarentzat identifikatutako kutxan biltzen da, horretarako berariaz jarritako eremuan.

   4. hondakina: «Baztertutako ekipo elektriko eta elektronikoak».

      Identifikazioa: F20814976/20000329/3/4.

      Hondakinaren kodea: Q14//R13//S40//C6/18//H6//A241(2)//B0019.

      EHZ: 160213.

      Urtean sortutako kantitatea: Noizean behin.

      Ekipo baztertuak birjartzean sortzen da.

      Hondakinarentzat identifikatutako kutxan biltzen da, horretarako berariaz jarritako eremuan.

   5. hondakina: «Plastikozko ontzi kutsatuak».

      Identifikazioa: F20814976/20000329/3/5.

      Hondakinaren kodea: Q5//R4//S36//C41/51//H5//A241(2)//B0019.

      EHZ: 150110.

      Urtean sortutako kantitatea: 350 unitate.

      Prozesuan produktu kimikoak erabiltzearen ondorioz sortzen da.

      Hondakin horretarako identifikatutako eremuan biltzen dira, kudeatzaile baimenduak jaso arte.

   6. hondakina: «Metalezko ontzi kutsatuak».

      Identifikazioa: F20814976/20000329/3/6.

      Hondakinaren kodea: Q5//R4//S36//C41/51//H5//A241(2)//B0019.

      EHZ: 150110.

      Urtean sortutako kantitatea: 100 kilogramo.

      Prozesuan produktu kimikoak erabiltzearen ondorioz sortzen da.

      Hondakin horretarako identifikatutako eremuan biltzen dira, kudeatzaile baimenduak jaso arte.

   7. hondakina: «Koipegabetzailea».

      Identifikazioa: F20814976/20000329/3/7.

      Hondakinaren kodea: Q5//R13//L5//C40/51//H6//A241(2)//B0019.

      EHZ: 150110.

      Urtean sortutako kantitatea: 350 unitate.

      Ekipoak eta makinak garbitzean sortzen da.

      Hondakin horretarako identifikatutako eremuan biltzen da, kudeatzaile baimenduak jaso arte.

      1. Hondakin arriskutsuak biltzeko sistemak bereiziak izango dira, duten tipologia dela-eta, jarioren bat gertatuz gero, nahasi, arriskutsuago bihurtu edo kudeaketa zaildu dezaketen kasuetan.

      2. Hondakin arriskutsuak dituzten ontziek uztailaren 20ko 833/1988 Errege Dekretuak, hondakin toxiko eta arriskutsuei buruzko maiatzaren 14ko 20/1986 Oinarrizko Legea betearazteko erregelamendua onartzen duenak, 13. artikuluan ezarritako segurtasun-arauak kontuan izan beharko dituzte, eta itxita egongo dira kudeatzaileak jaso arte, isuri edo lurrundu ez daitezen.

      3. Aurreko atalean aipatzen diren ontziek etiketatuta egon beharko dute, eta etiketak argia, irakurtzeko modukoa eta ezabaezina izan beharko du; etiketa uztailaren 20ko 833/1988 Errege Dekretuak 14. artikuluan horretarako adierazitako jarraibideen araberakoa izango da.

      4. Hondakin arriskutsuak ezingo dira 6 hilabetetik gora biltegiratu.

      5. Hondakinak kudeatzaile baimenduaren instalazioetara eraman aurretik, nahitaezko baldintza izango da agiri baten bidez egiaztatzea kudeatzaile baimendu horrek hondakinak onartu dituela. Agiri horretan hondakinak onartzeko baldintzak ezarriko dira, eta egiaztatu egingo da tratatu beharreko hondakinaren ezaugarriak administrazio-baimenarekin bat datozela. Agiri hori Ingurumen Sailburuordetzara bidaliko da hondakina lehenengoz erretiratu aurretik eta, behar izanez gero, hondakinen kudeatzaile berri batengana eraman aurretik. Beharrezkoa izanez gero, karakterizazio xehatua egingo da, proposatutako tratamenduaren egokitasuna egiaztatzeko. Hala badagokio, arrazoitu egin beharko da proposatutako kudeaketa-modua ebazpen honetako hondakinen kudeaketari buruzko printzipio hierarkikoei egokitzen zaiela.

      6. Hondakin arriskutsuak eraman aurretik eta, hala badagokio, araudian ezarritako aurretiazko jakinarazpena egin ondoren, kontrolerako eta jarraipenerako agiria bete beharko da. Agiri horren zati bat garraiolariari emango zaio, zamarekin batera jatorritik helmugaraino eraman dezan. Becker SK enpresak artxibategian erregistratu eta gorde beharko ditu onarpen-agiriak eta kontrolerako zein jarraipenerako agiriak, edo horien agiri ofizial baliokideak, nahitaezkoak direnean, bost urtean gutxienez.

      7. Egiaztatu egin beharko da hondakin arriskutsuak kudeatzaile baimenduaren instalazioetara eramateko erabiliko den garraiobideak horrelako gaiak garraiatzeko indarrean dagoen legerian ezarritako baldintzak betetzen dituela.

      8. Becker SKak ekainaren 2ko 679/2006 Errege Dekretuari, industrian erabilitako olioaren kudeaketa arautzen duenari, jarraituz kudeatu beharko du sortutako olio erabilia.

      9. Ekainaren 2ko 679/2006 Errege Dekretuan aurreikusitako baimendutako kudeaketa bateraturako sistema bat ezartzen ez den bitartean, irailaren 29ko 259/1998 Dekretuan, Euskal Autonomia Erkidegoan erabilitako olioaren kudeaketa arautzen duenean, begiesten diren aurreikuspenak bete beharko ditu Becker SKak.

      10. Ekipo elektriko eta elektronikoen hondakinak, horien artean hodi fluoreszenteak, otsailaren 25eko 208/2005 Errege Dekretuan, tresna elektriko zein elektronikoei eta horien hondakinen kudeaketari buruzkoan ezarritakoaren arabera kudeatuko dira.

      11. Becker SK enpresak PCB eduki dezaketen gailuak dituen artean, nahitaez bete behar ditu poliklorobifeniloak, polikloroterfeniloak eta horiek dituzten gailuak ezabatu eta kudeatzeko neurriak ezartzen dituen abuztuaren 27ko 1378/1999 Errege Dekretuaren baldintzak, eta errege-dekretu hori aldatzen duen otsailaren 24ko 228/2006 Errege Dekretua.

      12. Europako Parlamentuaren eta Kontseiluaren 2000ko ekainaren 29ko 2037/2000 EE Arautegian ozono-geruza agortzen duten substantzia batzuk zehazten eta arautzen dira. Becker SK enpresak era horretako substantziarik badu, substantzia horiek bildu eta suntsitu egingo dira aldeek erabakitako bide teknikoak erabiliz edota ingurumen-ikuspuntutik onar daitekeen suntsiketarako beste edozein bide erabiliz; hondakin horiek birziklatu edo birsortu egingo dira bestela, aparailuak aztertu eta mantentzeko lanen aurretik nahiz desmuntatu eta suntsitu baino lehen.

      13. Becker SKak urtero adierazi beharko dio Ingurumen Sailburuordetzari ekitaldi bakoitzean sortu dituen hondakin arriskutsu guztien jatorria, kopurua, helmuga eta aldi baterako biltegiratuta dauden hondakinen zerrenda.

      14. Erregistro bat edukiko du, hondakin arriskutsuei buruzko datu hauek agerrarazteko: kopurua, izaera, identifikazio-kodea, jatorria, tratatzeko metodo eta tokiak, sorrera- eta lagapen-datak, jasotzeko maiztasuna eta garraiatzeko modua, uztailaren 20ko 833/1988 Errege Dekretuaren 17. artikuluan, eta uztailaren 20ko 952/1997 Errege Dekretuaren bidezko ondorengo aldaketan ezarritakoa betez. Sei hilean behin, IKS-L03 Sistemaren erakundeentzako bertsioa erabiliz, Ingurumen Sailburuordetzari kontrolerako erregistro horren kopia bidaliko dio.

      16. Hondakin arriskutsuen kudeaketako funtsezko oinarriak bete daitezen, hau da, hondakin horiek ahal den gutxiena sortzeko, Becker SK enpresak prebentziozko neurriak erabiliz hondakin arriskutsuen sorrera gutxitzeko plana egin eta aurkeztu beharko du Ingurumen Sailburuordetza honetan, gutxienez lau urtean behin.

      17. Aurreko e), f) (kudeatzaileak EAEn daudenean), m) eta n) ataletan adierazitako agiriak Ingurumen Sailburuordetzara bidaliko dira, ahal dela transakzio elektroniko bidez, IKS-L03 Sistemaren erakundeentzako bertsioa erabilita.

      18. Amiantoa duten hondakinak antzemanez gero, Becker SK enpresak 1991ko otsailaren 1eko 108/1991 Errege Dekretuan, amiantoak ingurumenean sortzen duen kutsadura saihestu eta gutxitzekoan, ezarritako eskakizunak bete beharko ditu. Era berean, amiantoa duten hondakinak kudeatzeko egingo diren manipulazioak martxoaren 31ko 396/2006 Errege Dekretuan ezarritako aginduen arabera burutuko dira; dekretu horren bidez ezarri ziren amiantoarekin lan egiterakoan segurtasun- eta osasun-arloan bete behar diren gutxieneko baldintzak.

          3.2. Hondakin ez-arriskutsuak.

          Sustatzaileak adierazitako hondakin ez-arriskutsuak hauek dira:

          (Ikus .PDF)

      1. Erabilitako ontziak eta ontzi-hondakinak gaika behar bezala bereizi eta eragile ekonomiko bati emango zaizkio (hornitzaileari), erabilitako ontzien kasuan berriro erabili ahal izateko; ontzi-hondakinak, berriz, berreskuratzaile, birziklatzaile edo balioztagune baimendu bati.

      2. Hondakin horiek ezabatzeko direnean ezin dira urtebetetik gora biltegiratu. Hondakinen azken helburua balioztatzea denean, 2 urtez biltegiratu ahal izango dira.

      3. Oro har, hondakinak hustu aurretik, kudeatzaile baimendu batek onartzen dituela dioen agiria izan beharko dute, onarpen horretarako baldintzak zehaztuta. Agiri horren kopia bidali beharko da Ingurumen Sailburuordetzara, proposatutako kudeaketa egokia dela eta ebazpen honetan ezarritako oinarrizko printzipioak betetzen direla egiaztatzeko. Hala badagokio, arrazoitu egin beharko da proposatutako kudeaketa-modua ebazpen honetako hondakinen kudeaketari buruzko printzipio hierarkikoei egokitzen zaiela. Becker SKak artxibategian erregistratu eta gorde beharko ditu onarpen-agiriak, edo horien agiri ofizial baliokidea, horiek derrigorrezkoak direnean, bost urtean gutxienez.

      4. Halaber, azaroaren 2ko 423/1994 Dekretuarekin, hondakin geldo eta geldotuen kudeaketari buruzkoarekin bat etorriz, hondakin ez-arriskutsuak zabortegi baimendu batera eraman aurretik, jarraipenerako eta kontrolerako dagokion agiria bete beharko da. Agiri horiek bost urtez gorde beharko dira.

      5. Erregistro bat egingo da, hondakinei buruzko datu hauek agerrarazteko: kopurua, izaera, identifikazio-kodea, jatorria, tratatzeko metodo eta tokiak, sorrera- eta lagapen-datak, biltzeko maiztasuna eta garraiatzeko modua. Urtero, Ingurumen Sailburuordetzari bidaliko zaio kontrolerako erregistro horren kopia.

      6. Aurreko d) eta e) (kudeatzaileak EAEn daudenean) eta f) ataletan adierazitako agiriak Ingurumen Sailburuordetzara bidaliko dira, ahal dela transakzio elektroniko bidez, IKS-L03 Sistemaren erakundeentzako bertsioa erabilita.

         4. Lurzoruaren kalitatea babesteko neurri orokorrak.

         Urtarrilaren 14ko 9/2005 Errege Dekretuan eta otsailaren 4ko 1/2005 Legean ezarritako aginduak betez lurzoruaren egoerari buruz aurkeztutako aurretiazko txostenari jarraituz, Becker SK enpresak gasolio-andelaren aldizkako ikuskapenak egin beharko ditu.

         5. Zaratari buruzko baldintzak.

         Jarraian adierazitako zarata-mailak ez gainditzeko neurriak instalatuko dira:

      1. Jarduera maila hauei egokitu behar zaie: etxebizitzen barrualdean entzungo den zarata ezin izango da inoiz ere 40 dB (A) baino handiagoa izan Leq 60 segundo etengabeko balioan neurtuta, 08:00ak eta 22:00ak bitartean, leiho eta ateak itxita, ezta 45 dB (A) ere gehienezko balioetan.

      2. Jarduera maila hauei egokitu behar zaie: etxebizitzen barrualdean entzungo den zarata ezin izango da inoiz ere 30 dB (A) baino handiagoa izan Leq 60 segundo etengabeko balioan neurtuta, 22:00ak eta 08:00ak bitartean, leiho eta ateak itxita, ezta 35 dB (A) ere gehienezko balioetan.

      3. Era berean, zarata ezin da 60 dB (A) baino handiagoa izan, Leq 60 segundo etengabeko balioan neurtuta, industria-eremuaren kanpoko itxituran.

      4. Zamalanetan eta materiala kamioietan garraiatzean egiten den zaratak ez du handituko sentsibilitate akustiko handieneko eremuetako zarata-maila.

3. Ingurumena zaintzeko programa.

   Ingurumena zaintzeko programa sustatzaileak aurkeztutako agirietan aurreikusitakoaren eta ondoko atal hauetan ezarritakoaren arabera gauzatu beharko da:

   1. Isuri atmosferikoak kontrolatzea.

1. Becker SK enpresak isurien kontrola egin beharko du, informazio honi jarraituz:

   (Ikus .PDF)

2. Aurreko atalean aipatutako neurketa guztiak kontrol-erakunde baimendu (KEB) batek egin beharko ditu (zortzi ordutan hartutako hiru neurketa, gutxienez ordubetekoa bakoitza), eta aldizkako kontrol horiei buruzko txostenak Ingurumen Sailburuordetza honek prestatutako «KEBen gutxieneko txostenean» ezarritakora egokitu beharko du. Nolanahi ere, isurien kontrolek eta baldintzek Ingurumen Sailburuordetzaren jarraibide teknikoetan eskatutako baldintza guztiak bete beharko dituzte.

3. Arestian eskatutako parametro guztien neurketen KEB txostenak bidaliko dira. Parametroen neurketak ez izatekotan, edo ebazpen honetan neurketak egiteko ezarritako maiztasuna baino zaharragoak badira, neurketak berriz egin beharko dira. Isuri atmosferikoen kontrolak azken neurketarekiko ezarritako maiztasunarekin egingo dira.

4. Zenbait jardueratan disolbatzaileak erabiltzeagatik sortzen diren konposatu organiko hegazkorren isuriak murrizteko urtarrilaren 31ko 117/2003 Errege Dekretuan ezarritakoa beteko du Becker SK enpresak. Xede horretarako, Ingurumen Sailburuordetzak eskatzen duen informazioa aurkeztu beharko da.

5. Erregistro bat egin beharko da euskarri informatikoan edo, horrelakorik ezean, paperean, agiri gaurkotuak erabilita, eta industriak atmosferan sortzen duen kutsadura saihestu eta zuzentzeari buruzko 1976ko urriaren 18ko Aginduak 33. artikuluan ezarritako edukia jaso beharko du. Erregistro horretan adieraziko dira egindako neurketen emaitzak, mantentze-lanak, garbiketa, aldizkako ikuskatzeak, matxuraren ondorioz gertatutako etenaldiak, egiaztapenak, edozein motako gorabeherak, eta abar. Agiri horiek eguneratuta egongo dira, eta ingurumen-ikuskatzaileek eskuragarri izango dituzte.

   2. Isuritako uraren kalitatea kontrolatzea.

1. Aluminioa garbitzeko uren isurketa-puntuan (PV4), ur trataturako neurketa jarraikiko pH-neurgailu bat eta isuritako uren emari-neurgailu bat izango dira nahitaez, neurketaren tokiko adierazlea, beharrezko bi puntutan alarmak, eta datu historikoak gordetzeko eta kudeatzeko sistema informatizatua dutenak. Horiek Administrazioaren esku egon beharko dute gainera.

2. Sustatzaileak aurkeztu dituen agirien arabera, ondorengo analisiak egingo dira:

   (Ikus .PDF)

   Isurketen kontrol-kutxeten UTM koordenatuak aurkeztu beharko ditu sustatzaileak.

3. Kanpoan egiten den kontrol bakoitza, bai laginak hartzea, bai ondorengo analisia, «erakunde laguntzaile» batek egin eta egiaztatuko du (Jabari Hidrauliko Publikoaren Erregelamenduaren 255. artikulua), eta goian aipatutako parametroak hartuko dira kontuan. Isurketak baimenean jarritako baldintza guztiak betetzen dituela ulertuko da, parametro guztiek ezarritako mugak betetzen badituzte.

   Aipatutako maiztasunarekin, aldi bakoitzean efluenteak ezaugarri baimenduekiko dituen balizko desbiderapenei, horien kausei eta zuzentzeko hartutako neurriei buruzko gorabeheren adierazpen bat erantsiko da.

   Isurketen kontrolen emaitzak Ingurumen Sailburuordetzara bidaliko dira laginak hartzen direnetik hilabeteko epean.

4. Laginketak kutsatzaile gehien sortzen den aldietan egingo dira.

5. Isurketak baimeneko baldintza guztiak betetzen dituela ulertuko da, B.2.3 ataleko parametro guztiek ezarritako mugak betetzen badituzte.

6. Isurketan lehen aipatutako maiatzaren 23ko 606/2003 Errege Dekretuaren hirugarren xedapen gehigarriak aipatzen dituen gai arriskutsuak dauden ala ez dioen adierazpen bat igorriko du titularrak urtero. Adierazpen horretan ekoizte-prozesuan manipulatu diren substantzia guztiak adierazi behar dira, nahiz eta isurketan ez detektatu.

7. Administrazioak, egoki deritzonean, arazketa-instalazioak ikuskatu eta efluentearen emariak eta analisiak aztertuko ditu, isurketen emari eta parametroek muga baimenduak gainditzen ez dituztela egiaztatzeko. Halaber, arazketa-instalazioen ustiapenaren arduradun bat, titulazio egokia duena, izendatzea eskatu ahal izango dio titularrari.

   3. Jardueraren adierazleak kontrolatzea.

   Sustatzaileak jardueraren gaineko ondorengo parametro adierazleen jarraipena egingo du urtero, ingurumenean duten eragina aztertzeko:

   (Ikus .PDF)

   4. Zarataren kontrola.

   Jarduera garatzen den lur zatiko kanpoko baldintza akustikoak hiru urtean behin kontrolatuko dira, batez ere zarata etxe barruetara sartzeko arriskurik handiena dagoen aldeetan. Kontroleko lehen urtean izandako emaitzen arabera erabakiko da aurrerantzean neurketak egiteko maiztasuna.

   Sustatzaileak neurketen proposamen zehatz bat landu beharko du eta neurketa-metodo zehatzak adierazi bertan. Proposamena ebazpen-proposamen honen C.6 atalak aipatzen duen ingurumena zaintzeko programaren agiri bateginari gehituko zaio.

   5. Emaitzak kontrolatu eta bidaltzea.

   Ingurumena zaintzeko programa osatzen duten analisi eta txostenen emaitzak behar bezala erregistratuko dira, eta Ingurumen Sailburuordetzara bidaliko dira. Ingurumena zaintzeko programaren emaitzak urtean behin bidaliko dira, beti martxoaren 30a baino lehen, ingurumenaren gaietan aditua den erakunde aske batek egindako txostenarekin batera. Txosten horretan adieraziko dira neurri zuzentzaileen funtzionamendua, eta prozesuak eta ingurunearen kalitatea kontrolatzeko sistemak. Emaitzen analisia ere adieraziko da, eta bereziki aipatuko dira aldi horretan gertatu diren gorabehera garrantzitsuenak, horien ustezko arrazoiak eta konponbideak, eta baita laginketen xehetasunak ere, aurretik zehaztu ez baldin badira.

   6. Ingurumena zaintzeko programaren agiri bategina.

   Sustatzaileak ingurumena zaintzeko programaren agiri bategina landu beharko du, aurkeztu dituen agirietan eta ebazpen honetan proposatutako betekizunak bilduz. Programa horrek hauek zehaztu beharko ditu: kontrolatu beharreko parametroak, parametro bakoitzerako erreferentzia-mailak, analisi edo neurketen maiztasuna, laginketak eta analisiak egiteko teknikak, eta laginak hartzeko puntuen kokapen xehatua. Halaber, dagokion aurrekontua ere barne hartu beharko du.

   Gainera, ingurumena zaintzeko programan adierazleak analizatzeko sistematika sartuko da, ingurumen-hobekuntza ziurtatzeko enpresak berak ezarritako neurri eta mekanismoen eraginkortasuna egiaztatzeko (ingurumen-adierazleak).

3. Ezohiko egoeretako prebentziozko neurriak eta jardunerako baldintzak.

   1. Fabrika gelditzeko eta abiarazteko eragiketak eta mantentze-lanetarako programatutako eragiketak.

   Programatutako urteko mantentze-lanei dagokienez, isurien eta sortuko diren hondakinen balioespena egin beharko du enpresak, eta dagokionean, horiek kudeatzeko eta tratatzeko proposamena ere bai.

   2. Jarduera uztea.

   Jarduera lege hauen aplikazio-esparrukoa da: otsailaren 4ko 1/2005 Legea, lurzorua ez kutsatzeko eta kutsatutakoa garbitzekoa (28.51 epigrafea «Metalen tratamendua eta estaldura»), eta urtarrilaren 14ko 9/2005 Errege Dekretua, kutsadura sor dezaketen jardueren zerrenda eta lurzoru kutsatuen adierazpenerako irizpide zein estandarrak ezartzen dituena. Hori dela-eta, Becker SK enpresak hasiera eman beharko dio lurzoruaren kalitatearen adierazpenerako prozedurari, gehienez ere bi hilabeteko epean, jarduera behin betiko uzten duenetik kontatzen hasita, otsailaren 4ko 1/2005 Legeak 17.4 artikuluan xedatutakoaren arabera.

   3. Ezohiko jardunean aplikatzeko neurriak eta jarduerak.

   Sustatzaileak aurkeztutako agirietan jasotako proposamenean ezohiko egoeretan aplikatu beharreko prebentziozko neurriak eta jardunerako baldintzak zehazten dira. Horiez gain, ondorengo ataletan aipatzen diren baldintzak bete behar dira:

1. Prebentziozko mantentze-lanen eskuliburua eduki beharko da instalazioen egoera bermatzeko, batez ere ustekabeko jario edo ihesak daudenean kutsadura ekiditeko eskuragarri dauden baliabideei dagokienez. Ihesak daudenean lurzorua babesteko hartu beharreko neurriak zehaztuko dira, eta zehatz adieraziko da hauei dagokien guztia: eraikuntzako materialak (iragazgaiztea), biltegiratzeko neurri bereziak (gai arriskutsuak), egon daitezkeen ihesak antzemateko neurriak edo gainbetetzerako alarma-sistemak, lantegiko kolektore-sarea zaindu eta garbitzekoak (sistematikoki garbitzeko beharra, maiztasuna, garbiketa mota), eta lurzoruaren gaineko jarioak biltzeko sistemak.

2. Aurreko paragrafoan adierazitako eskuliburuak ikuskapen eta kontrolerako programa jaso beharko du, hauek bilduko dituena: estankotasun-probak, mailen eta adierazleen egoera, balbulak, presioa arintzeko sistema, hormen egoera eta lodieren neurketa, andelen barnealdearen begi-bidezko ikuskapenak (hormena eta estaldurena) eta kubetetako detekzio-sistemen aldizkako kontrol sistematikoa, lurzorua kutsa dezakeen edozein egoerari aurrea hartzeko.

3. Goian aipatutako prebentziozko mantentze-lanen eskuliburuan, atmosferaren kutsadurari aurre hartzeko eta zuzentzeko (arazketa, minimizazioa, eta abar) sistemen egoera ona gehitu behar dira.

4. Era berean, erregistro bat eduki behar da, eta bertan, aldizka egindako mantentze-lanen berri eman behar da, baita antzemandako gorabeherena ere.

5. Besteak beste, produktu kimikoak, olioa eta abar maneiatzeak lurzorua eta ura kutsa ditzake. Beraz, isurketak, jarioak edo ihesak gertatzeko arriskua izan dezaketen lur zatien azalera guztiak iragazgaiztuko dira.

6. Prozesurako behar diren lehengaiak, erregaiak eta produktuak ingurunean ez sakabanatzeko moduan biltegiratuko dira.

7. Segurtasun-tarteei eta babes-neurriei dagokienez, egiaztatu egin beharko da biltegiratzeko instalazio horiek bete egiten dituztela produktu kimikoak biltegiratzeari buruz indarrean dagoen araudian ezarritako betebeharrak. Egiaztapen hori egiteko, Ingurumen Sailburuordetza honi aurkeztuko zaizkio eskumena duten erakundeek emandako egiaztagiriak.

8. Larrialdi-egoera sortzen denean, berehala eta eraginkortasunez jarduteko behar beste material eduki behar da: berriro ontziratzeko erreserbako edukiontziak, beharrezkoa izanez gero; gerta daitezkeen jarioei eusteko produktu xurgatzaile selektiboak, segurtasuneko edukiontziak, hesiak eta kaltetutako inguruneak isolatzeko seinaleztapen-elementuak eta babes pertsonalerako ekipamendu bereziak.

9. Ingurumen Sailburuordetzara bidaliko da kubetak husteko eragiketak kontrolatzeko protokolo edo agiri bidezko prozedura; eraginkortasunean eragin dezaketen produktuen jarioak ez dira tratamendu-instalaziora eramango.

10. Bereizgailuan metatutako lohiak, olioak eta koipeak aldian-aldian kendu behar ditu kudeatzaile baimendu batek. Isurketaren kantitateari eragiteko moduko mailetan metatzea saihestuko du.

11. Andel edo putzuen hondoan pilatzen diren solidoak ez dira ibilgura hustuko aldizkako garbitze-lanetan zehar; behar bezala kudeatuko dira edo zabortegi baimendura eramango dira.

12. Arazte-prozesuan pilatutako hondakin solidoak eta lohiak aldizka aterako dira instalazioa behar bezala ibil dadin. Behar izanez gero, andel iragazgaitzetan eta hondoan hustubiderik ez dutenetan biltegiratuko dira.

13. Inoiz ez dira pilatuko euri-uren jariatzearen ondorioz ibilgu publikoko ura kutsatzeko arriskua egon daitekeen eremuetan.

14. Lohiak deshidratatzean xukatutako ura arazketa-instalazioaren sarrerara eramango da, bertan tratatzeko.

16. Hobi septikoaren sistemak eta iragazki biologikoak garbitze- eta mantentze-lan egokia izango dute errendimendu ona ziurtatzeko. Aldizka enpresa espezializatu batek erretiratuko ditu pilatutako solido eta lohiak, eta iragazki biologikoaren ohantzea garbituko du, garbiketan arrastatutako solidoak ibilgura hustea saihestuz.

17. Urtean behin instalazio horien garbiketaren eta mantentze-lanen fakturaren kopia bat bidaliko da.

18. Larrialdi-egoeretan, babes zibileko legeriari helduko zaio, eta bertan ezarritako betekizun guzti-guztiak bete beharko dira.

19. Titularrak behar diren bitartekoak izango ditu arazketa-instalazioak zuzen ustiatzeko eta ustekabeko isurketak prebenitzeko hartu diren segurtasun-neurriak abian izateko. Kasu honetan, baldintza hauek azpimarratu behar dira:

    Estazioan erroilu erako edo gai pikortatuzko, edo antzeko berariazko gai xurgatzailea egongo da, ustekabeko jario edo ihesetan berehala aplikatu ahal izateko.

    Larrialdi-egoera sortzen denean, berehala eta eraginkortasunez jarduteko behar beste material eduki behar da: berriro ontziratzeko erreserbako edukiontziak, beharrezkoa izanez gero; gerta daitezkeen jarioei eusteko produktu xurgatzaile selektiboak, segurtasuneko edukiontziak, hesiak eta kaltetutako inguruneak isolatzeko seinaleztapen-elementuak eta babes pertsonalerako ekipamendu bereziak.

    Enpresa espezializatu batek egindako araztegiaren ustiapenaren protokolo edo eskuliburu bat eduki behar da derrigorrez, eta bertan, hauek finkatuko dira: ekipo elektromekaniko, zunda, mintz, dosifikatu eta kontrolatzeko gailuen azterketa eta mantentze-lanak, arbastuen garbiketak, gehiegizko solido, lohi eta abarren purgak, erreaktore biologikoko lohien kontzentrazioaren aldizkako jarraipena barne, horiek behar bezala purgatu eta erretiratzeko.

    Era berean, nahitaez kontratu bat sinatzea eskatzen da araztegiaren mantentze-lanetarako, eta prozesuaren, errendimendu eta arazketaren, ekipo elektromekaniko eta sentsoreen funtzionamendu egokia ikuskatzeko.

    Era berean, erregistro bat eduki behar da, eta bertan, aldizka egindako mantentze-lanen berri eman behar da, baita antzemandako gorabeherena ere.

    Prebentziozko mantentze-lanen eskuliburua eduki beharko da instalazioen egoera bermatzeko, batez ere ustekabeko jario edo ihesak daudenean kutsadura ekiditeko eskuragarri dauden baliabideei dagokienez.

    Halaber, prozesuaren funtzionamendu egokiaren ustiapen- eta zaintza-eskuliburua izango da. Aldizka egindako mantentze-lanen eta kontrolen eragiketak, zein antzemandako gorabeherak jasoko dira bertan, eta enpresa espezializaturen bat bertaratzea aholkatzen da.

    Hondakin-ura ezingo da «by pass» bidez isuri arazketa-instalazioetan.

20. Ingurunearen edo jardueraren kontrolaren gainean kalteak eragin ditzakeen gorabehera edo ezohiko gertaeraren baten aurrean (besteak beste, ustekabeko isurketak ibilgu publikora edota lurzorura, etab.), sustatzaileak gorabehera edo ezohiko gertaera horren berri eman beharko dio berehala Ingurumen Sailburuordetzari.

21. Gertakari edo arazo larriren bat edo ustekabeko isurketa edo isuri atmosferikoren bat eginez gero, Ingurumen Sailburuordetzari jakinarazteaz gain, SOS Deiak eta Udalari ere jakinarazi beharko zaie berehala. Ondoren, eta gehienez ere 18 orduko epean, ezbeharrari buruzko txosten xehatua bidali beharko da Ingurumen Sailburuordetzara. Txosten horretan, gutxienez, datu hauek agertuko dira:

    Gertakari mota.

    Gertakaria non, zergatik eta zer ordutan gertatu den.

    Iraupena.

    Ustekabeko isurketa bada, emaria eta isuritako gaiak.

    Mugak gaindituz gero, isuriei buruzko datuak.

    Eragindako kalteen balioespena.

    Prebentziozko neurriak berriro gerta ez dadin.

    Prebentziozko neurriak eraginkortasunez aplikatzeko ezarritako epeak.

22. Instalazioek suteen aurkako babesari buruz indarrean dagoen araudian ezarritako betekizunak betetzen dituztela egiaztatu beharko da. Egiaztapen hori egiteko, Ingurumen Sailburuordetza honi aurkeztuko zaizkio eskumena duten erakundeek emandako egiaztagiriak.

4. Baldin eta arautegi berria indarrean sartzean, edo barneratzen diren sistemen egitura eta funtzionamenduari buruzko ezagutza berri esanguratsuetara egokitu beharrak hala egitera bagaramatza, neurri babesle zein zuzentzaileak eta ingurumena zaintzeko programa aldarazi ahal izango dira, bai neurtu behar diren parametroen kasuan, bai neurketaren aldizkakotasuna eta aipatutako parametroek hartu behar duten tarteari dagozkion mugen kasuan. Era berean, neurri babesle eta zuzentzaileak eta ingurumena zaintzeko programa jardueraren sustatzaileak hala eskatuta edo ofizioz aldaraz daitezke, ingurumena zaintzeko programan lortutako emaitzetan oinarrituta.

5. Urtean behin Becker SK enpresak Ingurumen Sailburuordetzari jakinaraziko dizkio atmosferara eta uretara egindako isuriei eta sortu dituen hondakinei buruzko datuak, E-PRTR-Euskadi, botatako eta eskualdatutako kutsagarrien Europako Inbentarioa landu eta eguneratzeko, apirilaren 20ko 508/2007 Errege Dekretuaren, E-PRTR Araudiko eta ingurumeneko baimen bateratuetako isurien gaineko informazioa ematea arautzen duenari jarraituz.

   Informazio hori ekitaldi horren hurrengo martxoaren 31 baino lehen bidali beharko da. Informazioa Ingurumenari buruzko Adierazpenaren (IA) bidez gauzatuko da, hori baita kanpoko erakundeek eta Ingurumen eta Lurralde Antolamendu Sailak ingurumen-informazioa batak besteari elektronikoki emateko ardatza. Informazio-trukaketa horren funtsa Ingurumenari buruzko Adierazpenari (IA) dagozkion ingurumeneko datu teknikoak eta prozedurakoak sartzean datza, IKS-L03 Sistemako erakundeentzako bertsioaren bidez (www-eper-euskadi.net web-orrian eskuragarri): Ingurumen eta Lurralde Antolamendu Saileko Ingurumen-informazioa Kudeatzeko Sistema. Datu horiek guztiek Ingurumenean Eragina duten Jardueren Euskal Autonomia Erkidegoko Erregistroa osatuko dute, Europako Ingurumen Agentziaren Erregistrora (Europako E-PRTR Erregistroa) egiten diren informazio-bidalketen oinarri dena.

   Halaber, ebazpen honetan aurreikusitako gainerako informazio-trukeak aipatutako Ingurumenari buruzko Adierazpenaren bidez gauzatuko dira, ahal izanez gero.

   Informazio hori agerikoa izango da, uztailaren 18ko 27/2006 Legearen xedapenekin bat etorriz. Lege horren bidez informazioa eskuragarri izateko, herritarren partaidetzarako eta ingurumen-gaietan justizia eskura izateko eskubideak arautzen dira (2003/4/EE eta 2003/2005/EE Zuzentarauak jasotzen ditu). Horrez gain, uneoro bermatu beharko da datu pertsonalak babesteko abenduaren 13ko 15/1999 Lege Organikoan ezarritakoa betetzen dela.

6. 2007ko apirilaren 21eko 509/2007 Errege Dekretuaren 4. artikuluko 3. atalari jarraituz, lehendik dauden instalazioen titularrek agintaritzari jakinarazi beharko diote instalazio horietan erabiltzen eta ekoizten diren substantziek, 1907/2006 EE araudian aurreikusitako erregistratu eta ebaluatzeko prozesuan identifikatu direnek, giza osasunerako eta ingurumenerako izan dezaketen arriskua.

7. Ingurumeneko baimen bateratu honen eraginpeko instalazioan egindako aldaketek bat etorri beharko dute kutsaduraren prebentzio eta kontrol integratuari buruzko uztailaren 1eko 16/2002 Legeak 10.3 artikuluan ezarritako komunikazio-erregimenarekin. Hori horrela, ingurumeneko beste baimen bateratu bat beharko da aldaketak funtsezkoak direnean.

   Hirugarrena. Ebazpen hau eraginkorra izan dadin, aurretik Ingurumen Sailburuordetzari agiri bidez egiaztatu beharko zaio ebazpen honetako bigarren ataleko puntu hauetan ezarritako baldintzak betetzen direla: B.3.1 e) eta B.3.2 c) (Hondakin arriskutsu eta ez-arriskutsuen onarpen-agiriak); B.3.1 n) eta B.3.2 e) (Hondakin arriskutsu eta ez-arriskutsuen erregistro-eredua); B.4 (Gasolio-andelaren kontrolak egin izanaren justifikazioa); C.1 (Isuri atmosferikoen kontrola); C.2 a) (pH-neurgailua eta emari-neurgailua instalatzea); C.4 (Zarata kontrolatzeko proposamena); C.6 (Ingurumena zaintzeko programaren agiri bategina); D.1. (Mantentze-lanetako isuri eta hondakinen balioespena); D.3 a) (Prebentziozko mantentze-lanen eskuliburua); D.3 g) (Produktu kimikoen biltegiratzeen egiaztagiriak); D.3 h) (Larrialdietarako materialen zerrenda); D.3 i) (Kubetak husteko maniobraren protokoloa); D.3 u) (Suteen aurkako babesaren ziurtagiriak).

   Halaber, baimen hau indarrean jarri aurretik, ingurumen-organo honi atxikitako zerbitzu teknikoen ikuskapen-bisitan egiaztatu beharko da instalazioak aurkeztutako proiektuaren arabera eta ebazpen honetan ezarritakoarekin bat etorrita eraiki eta hornitu direla. Horretarako, aipatutako ikuskapen-bisitaren aurretik, sustatzaileak Ingurumen Sailburuordetza honetan aurkeztu beharko du baldintza horiek betetzen direla egiaztatzen duen agiria, teknikari aditu batek eginda.

   Atal honetako baldintza guztiak betetzeko 6 hilabeteko epea ezarri da, ingurumeneko baimen bateratua eraginkorra dela adierazteko Ingurumen Sailburuordetzak emandako ebazpen hau jakinarazten den biharamunetik kontatzen hasita.

   Adierazitako baldintzak betetzen direla ziurtatzean, ebazpena emango da eta, horren bitartez, ingurumeneko baimen bateratua eraginkortzat aitortuko da.

   Laugarrena. Ingurumeneko baimen bateratu hau 8 urteko epean egongo da indarrean, aurreko atalean ezarritakoaren arabera ondorioak dauzkan egunetik kontatzen hasita. Epe hori igarota, baimena berritu egin beharko da eta, hala badagokio, jarraian datozen aldietarako eguneratu.

   Ingurumeneko baimen bateratua amaitu baino hamar hilabete lehenago, titularrak baimena berritzeko eskaera egin beharko du, uztailaren 1eko 16/2002 Legearen 25. artikuluan xedatutakoa betez.

   Bosgarrena. Edonola ere, ingurumeneko baimen bateratua ofizioz aldatu ahal izango da uztailaren 1eko 16/2002 Legearen 26. artikuluan ezarritako kasuak aintzat hartuta.

   Ingurumeneko baimen bateratu honetan jasotako ibilgurako isurketen baldintzei dagokienez, Jabari Publikoko Urguneen Erregelamenduaren 261. artikuluan eta ondorengoetan ezarritakoak, eta baldintza horiek hainbat aldiz ez betetzea berrikusi, bertan behera utzi eta indargabetzeko kausa izango dira.

   Seigarrena. Becker SK enpresak ebazpen honen xede den kobrezko eta aluminiozko hari esmaltatu eta estalia ekoizteko jardueran titulartasun-aldaketarik eginez gero, aldaketa hori jakinarazi beharko du, Ingurumen Sailburuordetzak onar dezan.

   Zazpigarrena. Baimen honek balioa galduko du kausa hauek gertatzen direnean:

   Epearen barruan ez egiaztatzea ebazpen honetako hirugarren atalean ingurumeneko baimen bateratuak ondorioak izan ditzan ezarritako baldintzak betetzen direla, interesdunak behar bezala justifikatuz epea luzatzeko eskatzen ez badu.

   Becker SKaren nortasun juridikoa bukatzea, indarrean dagoen araudian ezarritako kasuetan.

   Baimena indarrean jartzen dela adierazten duen ebazpenean xedatutakoak.

   Zortzigarrena. Ebazpen honen edukia jakinaraztea Becker SK enpresari, Alegiako Udalari, ingurumeneko baimen bateratua emateko prozeduran parte hartu duten erakundeei, eta gainerako interesdunei.

   Bederatzigarrena. Ebazpen hau Euskal Herriko Agintaritzaren Aldizkarian argitaratzeko agintzea.

   Hamargarrena. Ebazpen honek ez du agortzen administrazio-bidea; horrenbestez, gora jotzeko errekurtsoa aurkez daiteke Ingurumen eta Lurralde Antolamendu sailburuaren aurrean, hilabeteko epean, ebazpen hau jakinarazi eta hurrengo egunean kontatzen hasita, hori guztia Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legearen 114. artikuluarekin eta ondorengoekin bat etorriz (urtarrilaren 13ko 4/1999 Legeak aldatu zuen lege hori).

   Vitoria-Gasteiz, 2009ko martxoaren 9a.

   Ingurumeneko sailburuordea,

   IBON GALARRAGA GALLASTEGUI.