Arautegia
Inprimatu984/2025 EBAZPENA, ekainaren 12koa, Osakidetza-Euskal osasun zerbitzuko zuzendari nagusiarena, zeinaren bidez Osakidetza-Euskal osasun zerbitzuko zerbitzu-erakundeetako profesionalen lanbide-garapeneko maila aitortzeko eskabideak ebazten baitira eta behin betiko esleipena argitaratzeko agintzen baita, Osakidetza-Euskal osasun zerbitzuko zuzendari nagusiaren abenduaren 10eko 1723/2024 Ebazpenaren bidez argitaratutako lanbide-garapeneko ohiko deialdiari dagokionez.
Identifikazioa
- Lurralde-eremua: Autonomiko
- Arau-maila: Ebazpena
- Organo arau-emailea: Osakidetza-Euskal Osasun Zerbitzua
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 122
- Hurrenkera-zk.: 2936
- Xedapen-zk.: 984
- Xedapen-data: 2025/06/12
- Argitaratze-data: 2025/06/30
Gaikako eremua
- Gaia: Administrazioaren antolamendua
- Azpigaia: Gobernua eta Administrazio Publikoa; Funtzio publikoa
Testu legala
Azaroaren 22ko 395/2005, otsailaren 27ko 35/2007 eta abenduaren 26ko 248/2007 Dekretuen bidez arautzen da, hurrenez hurren, Osakidetzako langile sanitario lizentziadunen, diplomadun sanitarioen eta lanbide-heziketako profesional sanitario eta ez-sanitarioen lanbide-garapena. Dekretu horien 11. artikuluak ezartzen duenez, Osakidetza-Euskal osasun zerbitzuko Zuzendaritza Nagusiari dagokio jarritako erreklamazioak ebaztea eta Osakidetza-Euskal osasun zerbitzuko zerbitzu-erakundeetako profesionalen lanbide-garapeneko mailak behin betiko esleitzea.
Osakidetza-Euskal osasun zerbitzuko zuzendari nagusiaren abenduaren 10eko 1723/2024 Ebazpenaren bidez arautzen dira Osakidetza-Euskal osasun zerbitzuaren mendeko zerbitzu-erakundeetako profesionalentzako 2024ko ekitaldiko lanbide-garapenaren maila esleitzeko ohiko deialdiaren baldintzak, eskabideak eta ebaluazio- eta esleipen-prozedurak.
Osakidetza-Euskal osasun zerbitzuko zuzendari nagusiaren maiatzaren 20ko 474/2025 Ebazpenaren bidez, Osakidetza-Euskal osasun zerbitzuko zerbitzu-erakundeetako profesionalen lanbide-garapeneko maila aitortzeko eskabideak ebatzi dira eta behin-behineko esleipena argitaratzeko agindu da, Osakidetza-Euskal osasun zerbitzuko zuzendari nagusiaren abenduaren 10eko 1723/2024 Ebazpenaren bidez argitaratutako lanbide-garapeneko ezohiko deialdiari dagokionez.
Azaroaren 22ko 395/2005, otsailaren 27ko 35/2007 eta abenduaren 26ko 248/2007 Dekretuen bidez arautzen da, hurrenez hurren, Osakidetzako langile sanitario lizentziadunen, diplomadun sanitarioen eta lanbide-heziketako profesional sanitario eta ez-sanitarioen lanbide-garapena. Dekretu horien 11. artikuluak ezartzen duenez, Osakidetzako Zuzendaritza Nagusiari dagokio jarritako erreklamazioak ebaztea eta lortutako mailak behin betiko esleitzea, Euskal Herriko Agintaritzaren Aldizkarian argitaratuko den ebazpenaren bidez. Ebazpen horrek administrazio-bidea amaituko du.
Osakidetza-Euskal osasun zerbitzuko zuzendari nagusiaren abenduaren 10eko 1723/2024 Ebazpenaren 10. artikuluak mailak esleitzeko prozedura arautzen du. Mailak esleitzeko behin betiko ebazpenari buruzko b) apartatuan, ezartzen du Osakidetza-Euskal osasun zerbitzuko zuzendari nagusiak aginduko duela EHAAn argitaratzeko esleitutako mailen behin betiko zerrenda.
Abenduaren 10eko 1723/2024 Ebazpenaren 6. artikuluaren azken paragrafoan ezartzen denez, «ofizioz baztertuko dira profesionalek aurkeztutako curriculumaren merezimenduen eskabideak, baldin eta eskatutako lanbide-garapenaren mailarako B blokean eskatzen diren gutxieneko puntuetara ailegatzen ez badira.»
Azaldutako guztiagatik eta emandako ahalmenak baliatuz, hau
Lehenengoa. Onartzea Osakidetza-Euskal osasun zerbitzuko zuzendari nagusiaren abenduaren 10eko 1723/2024 Ebazpenaren bidez argitaratutako deialdian parte hartu duten Osakidetzako zerbitzu-erakundeetako profesionalen lanbide-garapeneko mailen behin betiko esleipena.
Ebazpen honekin batera doan Eranskinean, lanbide-talde hauetan aitortutako mailen behin betiko esleipena zerrendatzen da:
A1 taldea. Lizentziadun sanitarioa.
B1 taldea. Diplomadun sanitarioa.
A2 taldea. Goi-mailako tituluduna.
B2 taldea. Erdi-mailako tituluduna.
C1 taldea. Teknikari espezialista sanitarioa.
C2 taldea. Administrazioko teknikari espezialista.
C3 taldea. Teknikari espezialista profesionala.
D1 taldea. Teknikari laguntzaile sanitarioa.
D2 taldea. Administrazioko teknikari laguntzailea.
D3 taldea. Teknikari laguntzaile profesionala.
E1 taldea. Mendekoa eta langilea.
Interesdunek puntuazio indibidualak kontsultatu ahalko dituzte Osakidetza-Euskal osasun zerbitzuko lanbide-garapeneko aplikazio informatikoan, helbide honetan: https://lanbidegarapena.osakidetza.eus
Bigarrena. Ofizioz baztertzea profesionalen eskabideak baldin eta aurkeztutako curriculum-merezimenduak B blokean eskatutako lanbide-garapenaren mailarako eskatzen den gutxieneko puntuaziora iristen ez badira; betiere, eskatutako lanbide-garapenaren mailarako A eta C blokeetan eskatutako gutxieneko puntuak gainditzen badituzte.
Hirugarrena. Aitortutako maila bakoitzaren ordainsari-ondorioen data kasu bakoitzari dagokiona izango da, Osakidetza-Euskal osasun zerbitzuko zuzendari nagusiaren abenduaren 10eko 1723/2024 Ebazpenaren 11. artikuluan ezarritakoaren arabera.
Laugarrena. Ebazpen hau Euskal Herriko Agintaritzaren Aldizkarian argitara dadila agintzea.
Bosgarrena. Ebazpen honen aurka gora jotzeko errekurtsoa aurkeztu ahal izango zaio Osakidetza-Euskal osasun zerbitzuko Administrazio Kontseiluari. Horretarako, hilabeteko epea izango da, Ebazpena Euskal Herriko Agintaritzaren Aldizkarian argitaratu eta hurrengo egunetik aurrera.
Vitoria-Gasteiz, 2025eko ekainaren 12a.
Osakidetza-Euskal osasun zerbitzuko zuzendari nagusia,
SUSANA LÓPEZ ALTUNA.
(Ikus .PDF)