Arautegia
Inprimatu1084/2024 EBAZPENA, ekainaren 13koa, Osakidetza-Euskal osasun zerbitzuko zuzendari nagusiarena, zeinaren bidez aldatzen baita Osakidetza-Euskal osasun zerbitzuko zuzendari nagusiaren otsailaren 8ko 285/2024 Ebazpena, zeinaren bidez argitaratzen baita txanda irekiko eranskinean ageri diren pertsonak estatutupeko langile finko izendatzen direla, Fakultatibo Mediko eta Teknikoen lanbide-taldeko Mediku kategorian (Ospitaleko Pediatriako FEM lanpostu funtzionala), Osakidetza-Euskal osasun zerbitzuko zerbitzu sanitarioetako erakundeetako destinoetarako.
Identifikazioa
- Lurralde-eremua: Autonomiko
- Arau-maila: Ebazpena
- Organo arau-emailea: Osakidetza-Euskal Osasun Zerbitzua
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 130
- Hurrenkera-zk.: 3192
- Xedapen-zk.: 1084
- Xedapen-data: 2024/06/13
- Argitaratze-data: 2024/07/03
Gaikako eremua
- Gaia: Administrazioaren antolamendua
- Azpigaia: Gobernua eta Administrazio Publikoa; Funtzio publikoa
Testu legala
Osakidetza-Euskal osasun zerbitzuko zuzendari nagusiaren otsailaren 8ko 285/2024 Ebazpenaren bidez argitaratzen da txanda irekiko eranskinean ageri diren pertsonak estatutupeko langile finko izendatzen direla, Fakultatibo Mediko eta Teknikoen lanbide-taldeko Mediku kategorian (Ospitaleko Pediatriako FEM lanpostu funtzionala), Osakidetza-Euskal osasun zerbitzuko zerbitzu sanitarioetako erakundeetako destinoetarako.
Osakidetzako zuzendari nagusiaren otsailaren 8ko 284/2024 Ebazpenaren bidez, argitaratu zen barne-sustapeneko txandako eranskineko izangai esleipendunak estatutupeko langile finko izendatzen direla, Fakultatibo Mediko eta Teknikoen lanbide-taldeko Mediku kategorian (Ospitaleko Pediatriako FEM lanpostu funtzionala), Osakidetza-Euskal osasun zerbitzuko zerbitzu sanitarioetako erakundeetako destinoetarako.
Osakidetza-Euskal osasun zerbitzuko Giza Baliabideen zuzendariaren otsailaren 15eko 93/2024 Ebazpenaren bidez, zuzendu egin zen azaroaren 7ko 904/2022 Ebazpena, zeinaren bidez onartu baitzen Mediku kategorian (Ospitaleko Pediatriako FEM lanpostu funtzionala), Osakidetza-Euskal osasun zerbitzuko zerbitzu sanitarioetako erakundeetako destinoetarako, estatutupeko langile izaera lortzeko hautaprobetarako onartutako eta baztertutako izangaien behin betiko zerrenda, eta Osakidetzaren webgunean argitaratu zen 2022ko azaroaren 11n.
Zuzenketa horren eta hainbat ebazpenen ondorengo aldaketen ondorioz, otsailaren 8ko 285/2024 Ebazpena aldatu behar da, Ebazpen honen ebazpen-zatian adierazitako moduan.
Indarrean dagoen legediak emandako ahalmenez baliaturik,
Lehenengoa. Aldatzea, eranskinean ezarritako eran, Euskal Herriko Agintaritzaren Aldizkarian 2024ko otsailaren 20an argitaratutako 285/2024 Ebazpena, otsailaren 8koa, Osakidetza-Euskal osasun zerbitzuko zuzendari nagusiarena, zeinaren bidez argitaratzen baita txanda irekiko eranskinean ageri diren pertsonak estatutupeko langile finko izendatzen direla, Fakultatibo Mediko eta Teknikoen lanbide-taldeko Mediku kategorian (Ospitaleko Pediatriako FEM lanpostu funtzionala), Osakidetza-Euskal osasun zerbitzuko zerbitzu sanitarioetako erakundeetako destinoetarako.
Bigarrena. Administrazio Publikoen Administrazio Prozedura Erkidearen urriaren 1eko 39/2015 Legearen 51. artikuluan xedatutakoaren arabera, otsailaren 8ko 285/2024 Ebazpenaren eta otsailaren 8ko 284/2024 Ebazpenaren xedapenen baliozkotasunari eusten zaio, Ebazpen honen bidez egindako aldaketen eraginpean ez egon ez daitezen.
Hirugarrena. Administrazio Publikoen Administrazio Prozedura Erkidearen urriaren 1eko 39/2015 Legeak, Euskadiko Antolamendu Sanitarioaren ekainaren 26ko 8/1997 Legeak eta Osakidetza-Euskal osasun zerbitzuko Estatutu Sozialak ezartzen dituen azaroaren 11ko 255/1997 Dekretuak ezarritakoaren arabera, Ebazpen honen aurka gora jotzeko errekurtsoa aurkeztu ahal izango zaio Osakidetza-Euskal osasun zerbitzuko Administrazio Kontseiluari. Horretarako, hilabeteko epea izango da, Ebazpena Euskal Herriko Agintaritzaren Aldizkarian argitaratu eta hurrengo egunetik aurrera.
Osakidetza-Euskal osasun zerbitzuko zuzendari nagusiaren ekainaren 13ko 1084/2024 Ebazpena Euskal Herriko Agintaritzaren Aldizkarian argitaratzeko agintzen da.
Vitoria-Gasteiz, 2024ko ekainaren 13a.
Osakidetza-Euskal osasun zerbitzuko zuzendari nagusia,
MARÍA ROSA PÉREZ ESQUERDO.
(Ikus .PDF)