Diabetesa - Aurkezpena
Galdera klinikoetan oinarritutako eguneraketa
Diabetesaren 2 motako (DM2) PKGa eguneratzeko metodologiak GRADE sistemari jarraitu dio.
Eguneraketa aurreko PKGren bertsioaren galdera klinikoak oinarri hartuta egin da. Gida idatzi duen taldeak 2008ko bertsioaren 42 galderak ebaluatu ditu eta erabaki du zeintzuk eguneratu, birformulatu, kendu edo gehitu behar ziren. Eguneratu ez direnen artean bi kategoria bereizten dira: idatzi dituen taldearen iritziz, "Ez eguneratuta (Estatikoa)" kategoriakoak dira eguneratu behar ez zirenak, ez baita egongo, seguruenik, gomendioak aldatuko dituen ebidentzia berririk (horietako galdera batzuk dira 2008ko bertsioan adituen kontsentsuaren bidez erantzun zirenak); "Ez eguneratuta" kategoriakoak, ordea, gidaren tamaina mugatu delako, eguneratu ez direnak dira.
1 taulan ebaluazio honen emaitza jasotzen da.
| DEFINIZIOA, HISTORIA NATURALA, DIAGNOSI-IRIZPIDEAK | ||
|---|---|---|
| 1 | Zein da diabetesaren definizioa? Diagnosi-irizpideak, egin beharreko probak eta muga-kopuruak. | Eguneratua Birformulatuta1 |
| 2 | Zeintzuk dira 2 motako DMa garatzeko arrisku-faktoreak? | Ez eguneratuta (Estatikoa) |
| 3 | Zein arrisku-taldetan jotzen da egokitzat diabetesaren baheketa? | Eguneratua Birformulatuta2 |
| 4 | Zein da probarik fidagarriena diabetesaren baheketarako: gluzemia baraurik, glukosaren gainkarga, hemoglobina glikosilatua (HbA1c)? Zein maiztasunez egin behar da baheketa arrisku-populazioan? | Eguneratua Birformulatuta2 |
| 5 | Zein da HbA1c-ren baliozkotasun diagnostikoa 110 eta 126 mg/dl-en arteko gluzemia plasmatikoa duten pazienteengan? | Eguneratua Birformulatuta2 |
| 6 | Zein da gluzemia kapilarraren baliozkotasun diagnostikoa benakoaren eta diabetesaren diagnostikoaren edo baheketaren kurbaren aldean? | Ez eguneratuta (Estatikoa) |
| DIABETESAREN PREBENTZIOA ERDI-MAILAKO HIPERGLUZEMIAK DITUZTEN PAZIETEENGAN | ||
| 7 | Zein dira esku-hartze eraginkorrak diabetesaren garapenari aurrea hartzeko asaldatutako gluzemia basala edo glukosarekiko intolerantzia duten pazienteengan (dieta, ariketa, tratamendu farmakologikoa)? | Eguneratua |
| DIETA ETA ARIKETA | ||
| 8 | Zein da dietarik egokiena diabetesa duen pazientearen kasuan? | Eguneratua |
| 9 | Zein eragin du ariketa fisikoak DM 2 duen pazientearengan? Zein ariketa-mota aholkatzen da? | Ez eguneratuta |
| KONTROL GLUZEMIKOA | ||
| 10 | HbA1c-ren zein zifratatik aurrera aholkatzen da tratamendu farmakologikoa hastea? | Eguneratua |
| 11 | Diabetesa duten pazienteak kontrol gluzemiko egokiaren irizpideetara iristen ez direnean, zein da hasierako tratamendu farmakologikoa? | Eguneratua |
| 12 | Hasierako terapiak porrot eginez gero, zein da tratamendua? | Eguneratua |
| 13 | Diabetesa duten pazienteek kontrol gluzemiko txarra dutenean, zein da farmakoen konbinazio-estrategia gomendagarria? | Eguneratua |
| 14 | Zein da farmakoen konbinazio-estrategia gomendagarria, diabetesa duten pazienteek kontrol gluzemiko txarra dutenean, aho bidezko terapia bikoitza erabili ondoren (aho bidezko terapia hirukoitza vs. insulina)? | Eguneratua |
| 15 | Tratamendua hasiera batean intsulinaren tratamenduarekin hasi den pazienteen kasuan, ABArekin jarraitu behar da? | Eguneratua |
| 16 | Zein da hasierako intsulina-pautarik egokiena aho bidezko farmakoeekin porrota izan duten pazienteen kasuan? | Ez eguneratuta (Estatikoa) |
| 17 | DM 2 izan eta intsulina behar duten pazienteen kasuan, zein da intsulinaren analogoen eraginkortasuna eta segurtasuna intsulina konbentzionalen aldean? | Eguneratua |
| KONPLIKAZIO MAKROBASKULARREN BAHEKETA ETA TRATAMENDUA1 | ||
| 18 | Parekagarria da paziente diabetikoek duten arrisku kardiobaskularra eta miokardioko infartu akutua izan dutenen arriskua? Zein arrisku-taula gomendatzen da DM 2ko pazienteen kasuan? | Eguneratua |
| 19 | DM 2 duten helduei egin behar zaie kardiopatia iskemikoaren baheketa? Zein da kardiopatia iskemikoaren baheketa egiteko metodoa? | Ez eguneratuta (Estatikoa) |
| 20 | AASrekin tratatu behar dira pertsona diabetikoak? | Eguneratua |
| 21 | Diabetesa duten pazienteen kasuan, zein dira helburu-zifrak hipertentsio arteriala tratatzeko? | Eguneratua |
| 22 | Diabetesa eta hipertentsio arteriala duten pazienteen kasuan, zein da aukerako hipertentsioaren kontrako tratamendua? | Eguneratua |
| 23 | Estatinen bidez egindako tratamenduak gutxitzen ditu konplikazio kardiobaskularrak diabetesean? Noiz jotzen da egokitzat estatinen bidezko tratamendua diabetesa duten pazienteen kasuan? | Eguneratua |
| 24 | Nefropatia duen paziente diabetiko hipertentsoaren tratamenduan, zein dira PA-ren helburu-zifrak? | Eguneratua |
| 25 | Nefropatia duten diabetikoen kasuan, zein da hipertentsioaren kontrako aukerako tratamentua? | Eguneratua |
| KONPLIKAZIO MIKROBASKULARREN BAHEKETA ETA TRATAMENDUA | ||
| 26 | Erretinopatia diabetikoaren baheketa egin behar da? Zein teknikaren bidez eta zein maiztasunez? | Eguneratua |
| 27 | Nefropatia diabetikoaren baheketa egin behar da? Zein da baheketaren maiztasuna? Zein metodo erabili behar da? | Ez eguneratuta (Estatikoa) |
| 28 | Zein da DM 2 eta mikroalbuminuria duten pazienteen tratamendua? | Ez eguneratuta |
| 29 | Zein da neuropatia diabetiko mingarriaren tratamendua? | Ez eguneratuta |
| 30 | Zein da zutitzearen disfuntziorako tratamendua 2 motako paziente diabetikoaren kasuan? | Ez eguneratuta |
| OIN DIABETIKOA. EBALUAZIOA, PREBENTZIOA ETA TRATAMENDUA | ||
| 31 | Egin behar da oin diabetikoaren baheketa? Zein maiztasunez? Zein metodoren bidez? | Ez eguneratuta |
| 32 | Zein dira oin diabetikoaren konplikazioei aurrea hartzeko neurririk eraginkorrenak? | Ez eguneratuta |
| 33 | Zein da esku-hartzeen eraginkortasuna oin diabetikoaren ultzerak tratatzeko? | Ez eguneratuta |
| HEZKUNTZA DIABETOLOGIKOA | ||
| 34 | Zein dira DM 2 duten pazienteei zuzendutako hezkuntzaren helburuak eta edukiak? | Ez eguneratuta (Estatikoa) |
| 35 | Eraginkorra da DM 2 duten pazienteei zuzendutako hezkuntza? | Ez eguneratuta (Estatikoa) |
| 36 | Nolakoa izan behar du DM 2 duten pazienteei zuzendutako hezkuntza, lehen mailako arretan eta arreta espezializatuan? | Eguneratua Birformulatuta3 |
| 37 | Eraginkorra da DM 2 duen pertsonaren autokontrola (esaterako, pisuaren autokontrola, ariketa, autoanalisia, oin edo presio arteriala)? Nolakoa izan behar du autokontrolaren programaren edukia? | Ez eguneratuta |
| 38 | Eraginkorra da autoanalisia DM 2 duten pazienteen kasuan, intsulina hartuta edo ez? | Eguneratua |
| DM 2 DUEN PAZIENTEAREN KONTSULTA ANTOLATZEA | ||
| 39 | Zein irizpide proposatzen dira kontsulta espezializatura bideratzeko? | Ez eguneratuta (Estatikoa) |
| 40 | Zein da DM 2 duten helduen hasierako azterketa? | Ez eguneratuta (Estatikoa) |
| 41 | Zein kontrol-irizpide onargarri proposatzen dira diabetesa duten pazienteen kasuan? | Ez eguneratuta (Estatikoa) |
| 42 | Zein da urtean behin egiten den mediku-kontsultaren edukia eta erizaintzako aldizkako kontrolarena? | Ez eguneratuta (Estatikoa) |
| GALDERA BERRIAK (2014ko bertsioa) | ||
| Diabetikoek jaso behar dute gripearen aurkako txertoa? | Galdera berria | |
| Zein da intsulinari gehitutako GLP-1-en analogoen eraginkortasuna eta segurtasuna? | Galdera berria | |
1. Alderdi zehatza duen galdera berri bat ebaluatu da: HbA1c-ren baliozkotasuna diagnostikoan eta eten-puntuan.
2. Galdera hauek birformulatu dira galdera honen bidez: aurreikuspeneko arrisku-arauak dira diabetesaren 2 motako arrisku altuko pazienteak detektatzeko estrategiarik egokiena?
3. Galdera zehatz bati erantzuteko birformulatu da: taldeko hezkuntza vs. Banakako hezkuntza.
Aldaketa nagusiak
"erantzun laburtua" eta "erantzun osoa"ren dokumentuetan aipatzen dira PKGren aldez aurreko gomendioak, eta identifikatu egiten dira eguneraketan erabilitako ebidentzia berriak.
2 taulan jasotzen dira eguneraketak ekarri dituen aldaketa nagusiak.
| PKGren atalak | Eguneraketaren ondorengo aldaketak |
|---|---|
| Diagnostikoa eta baheketa |
|
| Prediabetesa |
|
| Tratamendu ez farmakologikoa |
|
| Tratamendu farmakologikoa |
|
| Konplikazio makrobaskularrak |
|
| Konplikazio mikrobaskularrak |
|
| Hezkuntza |
|
Azken eguneratzea:
2015/03/26
