Iazko azken hilabetean, EAEko ekonomiaren termometroa 104,2an kokatu zen, aurreko hilabetearen aldean 3,4 puntu jaitsiz, nahiz eta hazkunde biziko eremuan mantendu zen. Beherakada txiki hori, batez ere, kanpo-sektorearen portaera txarragatik eta industriaren geldialdiagatik gertatu da.

2025ean, hegazkinez bidaiatu zuten pertsonen kopuruak beste maximo historiko berri bat ezarri zuen, 7,8 milioi bidaia baino gehiago egin baitziren urte osoan. Bolumen horrek, % 4,3ko urte arteko hazkundea dakar 2024aren aldean, eta jada bost urtez jarraian izandako goranzko joera sendotzen du.

INEk argitaratu duenez, 2025eko azarora arte 3.559 sozietate eratu ziren Euskadin, hau da, aurreko urteko aldi berean baino % 14,3 gehiago. Hau, 2008tik urtarrila azaroa aldirako kopururik handiena da, eta hazkunde nabarmenak izan dituen hirugarren ekitaldia izan da jarraian. Ordaindutako kapitala 338 milioi eurotik gorakoa izan da.

Inflazioa %2,9koa izan zen abenduan. Hau da, aurreko hilean baino hiru hamarren gutxiago. Azpiko inflazioa %2,4ra jaitsi zen, nahiz eta elikagaiak garestitu, zerbitzuen euspenari eta industriaondasunen merkatzeari esker. Hondar inflazioa ere jaitsi egin zen, elikagai ez landuen eta energiaren eusteari esker.